ਟੀਮ ਇੰਡੀਆ ਦੇ ਸਾਬਕਾ ਕਪਤਾਨ ਸੌਰਵ ਗਾਂਗੁਲੀ ਦਾ ਕਹਿਣਾ ਹੈ
ਕੋਲਕਾਤਾ : ਟੀਮ ਇੰਡੀਆ ਦੇ ਸਾਬਕਾ ਕਪਤਾਨ ਸੌਰਵ ਗਾਂਗੁਲੀ ਦਾ ਕਹਿਣਾ ਹੈ ਕਿ ਭਾਰਤ ਸ਼ਨੀਵਾਰ 15 ਸਤੰਬਰ ਤੋਂ ਸੰਯੁਕਤ ਅਰਬ ਅਮੀਰਾਤ ਵਿਚ ਸ਼ੁਰੂ ਹੋ ਰਹੇ ਏਸ਼ੀਆ ਕਪ 2018 ਵਿਚ ਜਿੱਤ ਦਾ ਪ੍ਰਬਲ ਦਾਵੇਦਾਰ ਹੈ। ਹਾਲਾਂਕਿ , ਵਿਰਾਟ ਕੋਹਲੀ ਦੇ ਬਿਨਾਂ ਭਾਰਤੀ ਟੀਮ ਥੋੜ੍ਹਾ ਕਮਜੋਰ ਹੋਈ ਹੈ, ਪਰ ਪੂਰਵ ਕਪਤਾਨ ਸੌਰਵ ਗਾਂਗੁਲੀ ਦਾ ਮੰਨਣਾ ਹੈ ਕਿ ਕਾਰਿਆਵਾਹਕ ਕਪਤਾਨ ਰੋਹਿਤ ਸ਼ਰਮਾ ਦੀ ਅਗਵਾਈ ਵਿਚ ਮੌਜੂਦਾ ਚੈੰਪੀਅਨ ਭਾਰਤ ਏਸ਼ਿਆ ਕਪ ਵਿਚ ਸੱਤਵੀਂ ਵਾਰ ਖਿਤਾਬ ਜਿੱਤ ਸਕਦਾ ਹੈ।
ਸੌਰਵ ਗਾਂਗੁਲੀ ਨੇ ਈਡਨ ਗਾਰਡਸ ਸਟਡੀਅਮ ਵਿਚ ਪੱਤਰ ਪ੍ਰੇਰਕ ਸਮੇਲਨ ਵਿਚ ਕਿਹਾ, ਭਾਰਤੀ ਟੀਮ ਚੰਗੀ ਹੈ। ਉਹ ਏਸ਼ੀਆ ਕਪ ਵਿਚ ਬੇਹਤਰੀਨ ਪ੍ਰਦਰਸ਼ਨ ਕਰੇਗੀ। ਏਸ਼ੀਆ ਕਪ ਦੇ ਪਹਿਲੇ ਮੈਚ ਵਿਚ ਸ਼ਨੀਵਾਰ ਨੂੰ ਸ਼੍ਰੀਲੰਕਾ ਦਾ ਸਾਹਮਣਾ ਬਾਂਗਲਾਦੇਸ਼ ਨਾਲ ਹੋਵੇਗਾ। ਇਸ ਟੂਰਨਾਮੈਂਟ ਵਿਚ ਭਾਰਤ ਦੇ ਨੇਮੀ ਕਪਤਾਨ ਅਤੇ ਮੌਜੂਦਾ ਦੌਰ ਵਿਚ ਦੇਸ਼ ਦੇ ਸਭ ਤੋਂ ਉੱਤਮ ਬੱਲੇਬਾਜ ਵਿਰਾਟ ਕੋਹਲੀ ਨਹੀਂ ਖੇਡ ਰਹੇ ਹਨ। ਕੋਹਲੀ ਦੀ ਗੈਰਮੌਜੂਦਗੀ ਵਿਚ ਰੋਹਿਤ ਸ਼ਰਮਾ ਨੂੰ ਟੀਮ ਦਾ ਕਪਤਾਨ ਨਿਯੁਕਤ ਕੀਤਾ ਗਿਆ ਹੈ।
ਭਾਰਤੀ ਟੀਮ ਆਪਣਾ ਪਹਿਲਾ ਮੈਚ ਮੰਗਲਵਾਰ ਯਾਨੀ 18 ਸਤੰਬਰ ਨੂੰ ਹਾਂਗਕਾਂਗ ਦੇ ਖਿਲਾਫ ਖੇਡੇਗੀ। ਅਗਲੇ ਹੀ ਦਿਨ ਯਾਨੀ 19 ਸਤੰਬਰ ਨੂੰ ਭਾਰਤ ਦਾ ਸਾਹਮਣਾ ਪਾਕਿਸਤਾਨ ਨਾਲ ਹੋਵੇਗਾ। ਖੱਬੇ ਹੱਥ ਦੇ ਬੱਲੇਬਾਜ ਸੌਰਵ ਗਾਂਗੁਲੀ ਨੇ ਕਿਹਾ , ਭਾਰਤ ਇੰਗਲੈਂਡ ਵਿੱਚ ਬੇਸ਼ੱਕ ਵਧੀਆ ਨਹੀਂ ਕਰ ਸਕਿਆ ਹੋਵੇ , ਪਰ ਸੀਮਿਤ ਓਵਰਾਂ ਵਿਚ ਇਹ ਬੇਹਤਰੀਨ ਟੀਮ ਹੈ। ਕੋਹਲੀ ਨੂੰ ਛੇ ਦੇਸ਼ਾਂ ਦੇ ਵਨਡੇ ਟੂਰਨਾਮੈਂਟ ਤੋਂ ਅਰਾਮ ਦਿੱਤਾ ਗਿਆ ਹੈ। ਰੋਹੀਤ ਦੀ ਕਪਤਾਨੀ 'ਤੇ ਗਾਂਗੁਲੀ ਨੇ ਕਿਹਾ , ਇੱਕ ਕਪਤਾਨ ਦੇ ਤੌਰ ਉੱਤੇ ਉਨ੍ਹਾਂ ਦਾ ਰਿਕਾਰਡ ਸ਼ਾਨਦਾਰ ਹੈ।
ਇਸ ਲਈ ਮੈਨੂੰ ਉਨ੍ਹਾਂ ਨੂੰ ਚੰਗੇ ਪ੍ਰਦਰਸ਼ਨ ਦੀ ਉਂਮੀਦ ਹੈ। ਗਾਂਗੁਲੀ ਨੇ ਕਿਹਾ ਕਿ ਕੋਹਲੀ ਦੇ ਰਹਿਣ ਨਾਲ ਟੀਮ ਹਮੇਸ਼ਾ ਮਜਬੂਤ ਹੁੰਦੀ ਹੈ , ਪਰ ਉਨ੍ਹਾਂ ਦੇ ਨਾ ਰਹਿਣ ਨਾਲ ਵੀ ਟੀਮ ਜਿੱਤ ਹਾਸਲ ਕਰਨ `ਚ ਕਾਮਯਾਬ ਹੋ ਸਕਦੀ ਹੈ। ਨਾਲ ਹੀ ਉਹਨਾਂ ਨੇ ਕਿਹਾ ਕਿ ਭਾਰਤੀ ਟੀਮ ਕਾਫੀ ਬੇਹਤਰੀਨ ਪ੍ਰਦਰਸ਼ਨ ਕਰ ਰਹੀ ਹੈ। ਉਹਨਾਂ ਨੇ ਕਿਹਾ ਕਿ ਭਾਰਤੀ ਟੀਮ ਏਸ਼ੀਆ ਕੱਪ `ਚ ਬੇਹਤਰੀਨ ਪ੍ਰਦਰਸਮ ਕਰੇਗੀ। `ਤੇ ਇਕ ਵਾਰ ਫਿਰ ਤੋਂ ਏਸ਼ੀਆ ਕੱਪ `ਤੇ ਕਬਜਾ ਕਰੇਗੀ।