ਸਚਿਨ ਤੇਂਦੁਲਕਰ ਨੇ 15 ਨਵੰਬਰ 1989 ਨੂੰ ਇੰਟਰਨੈਸ਼ਨਲ ਕ੍ਰਿਕੇਟ ਦਾ ਡੇਬਿਊ ਕੀਤਾ ਸੀ। ਪਾਕਿਸਤਾਨ ਦੇ ਵਿਰੁੱਧ ਕਰਾਚੀ ਦੇ ਮੈਦਾਨ ਉੱਤੇ 16 ਸਾਲ ਤੋਂ ਵੀ ਘੱਟ ਉਮਰ ਦੇ ...
ਨਵੀਂ ਦਿੱਲੀ (ਭਾਸ਼ਾ) :- ਸਚਿਨ ਤੇਂਦੁਲਕਰ ਨੇ 15 ਨਵੰਬਰ 1989 ਨੂੰ ਇੰਟਰਨੈਸ਼ਨਲ ਕ੍ਰਿਕੇਟ ਦਾ ਡੇਬਿਊ ਕੀਤਾ ਸੀ। ਪਾਕਿਸਤਾਨ ਦੇ ਵਿਰੁੱਧ ਕਰਾਚੀ ਦੇ ਮੈਦਾਨ ਉੱਤੇ 16 ਸਾਲ ਤੋਂ ਵੀ ਘੱਟ ਉਮਰ ਦੇ ਸਚਿਨ ਨੇ ਆਪਣਾ ਪਹਿਲਾ ਮੈਚ ਖੇਡਿਆ ਸੀ। ਇੰਡੀਆ ਪਾਕਿਸਤਾਨ ਦਾ ਉਹ ਮੈਚ ਸੀ ਪਰ ਸਾਡੇ ਇੱਥੇ ਇੰਡੀਆ ਵਿਚ ਲੋਕ ਸਚਿਨ ਦੇ ਡੇਬਿਊ ਨੂੰ ਦੇਖ ਨਹੀਂ ਸਕੇ ਸਨ। ਕਾਰਨ ਇਹ ਕਿ ਉਹ ਸੈਟੇਲਾਈਟ ਟੀਵੀ ਤੋਂ ਪਹਿਲਾਂ ਦਾ ਸਮਾਂ ਸੀ ਅਤੇ ਸਿਰਫ ਦੂਰਦਰਸ਼ਨ ਹੀ ਇਕਮਾਤਰ ਚੈਨਲ ਸੀ।
Sachin Tendulkar
ਜੇਕਰ ਉਸ ਦੌਰਾਨ ਪ੍ਰਧਾਨ ਮੰਤਰੀ ਦਾ ਕੋਈ ਭਾਸ਼ਣ ਜਾਂ ਵਿਦੇਸ਼ੀ ਦੌਰਾ ਆ ਜਾਵੇ ਤਾਂ ਕ੍ਰਿਕੇਟ ਮੈਚ ਵੈਸੇ ਹੀ ਨਹੀਂ ਵਖਾਇਆ ਜਾਂਦਾ ਸੀ। ਬਸ ਇਕ ਆਲ ਇੰਡੀਆ ਰੇਡੀਓ ਸੀ ਜੋ ਮੈਚ ਦੀ ਲਾਈਵ ਕਮੇਂਟਰੀ ਦਿੰਦਾ ਸੀ ਪਰ ਉਸ ਮੈਚ ਨੂੰ ਰੇਡੀਓ ਉੱਤੇ ਵੀ ਨਹੀਂ ਸੁਣਾਇਆ ਗਿਆ ਸੀ। ਸਚਿਨ ਨੇ 15 ਰਨਾਂ ਦੀ ਪਾਰੀ ਖੇਡੀ ਸੀ ਜਿਸ ਵਿਚ ਦੋ ਚੌਕੇ ਮਾਰੇ ਸਨ, ਫਿਰ ਉਸ ਮੈਚ ਵਿਚ ਹੀ ਡੇਬਿਊ ਕਰ ਰਹੇ ਵਕਾਰ ਯੁਨੁਸ ਨੇ ਉਨ੍ਹਾਂ ਨੂੰ ਬੋਲਡ ਮਾਰਿਆ ਸੀ।
Sachin Tendulkar
1989 ਵਿਚ ਭਾਰਤ - ਪਾਕਿਸਤਾਨ ਸੀਰੀਜ ਦਾ ਉਹ ਪਹਿਲਾ ਮੈਚ ਇਸ ਲਈ ਨਹੀਂ ਦਖਾਇਆ ਗਿਆ ਕਿਉਂਕਿ ਦੂਰਦਰਸ਼ਨ ਇੰਡੀਆ ਵਿਚ ਲੋਕ ਸਭਾ ਚੋਣ ਵਿਚ ਵਿਅਸਤ ਸੀ। ਭਾਰਤ ਵਿਚ 22 ਤੋਂ 26 ਨਵੰਬਰ 1989 ਦੇ ਵਿਚ ਚੋਣਾਂ ਸਨ। ਕਾਂਗਰਸ ਨੂੰ ਸੱਤਾ ਤੋਂ ਹਟਾ ਕੇ ਵੀਪੀ ਸਿੰਘ ਦੀ ਮਿਲੀ ਜੁਲੀ ਸਰਕਾਰ ਬਣੀ ਸੀ ਤਾਂ ਇਸ ਦੌਰਾਨ ਦੂਰਦਰਸ਼ਨ ਨੇ ਤੈਅ ਕੀਤਾ ਕਿ ਉਹ ਸੀਰੀਜ ਦੇ ਸ਼ੁਰੂਆਤੀ ਦੋ ਟੇਸਟ ਮੈਚਾਂ ਨੂੰ ਕਵਰ ਨਹੀਂ ਕਰੇਗਾ ਯਾਨੀ ਕਰਾਚੀ ਟੇਸਟ ਅਤੇ ਉਸ ਤੋਂ ਬਾਅਦ ਫੈਸਲਾਬਾਦ ਟੇਸਟ ਦੂਰਦਰਸ਼ਨ ਨੇ ਚੋਣ ਦੇ ਚਲਦੇ ਕਵਰ ਨਹੀਂ ਕੀਤੇ।
Sachin Tendulkar
ਇਸ ਤਰ੍ਹਾਂ ਹਿੰਦੁਸਤਾਨੀਆਂ ਨੂੰ ਇਹ ਮੈਚ ਦੇਖਣ ਦਾ ਮੌਕਾ ਨਹੀਂ ਮਿਲਿਆ ਅਤੇ ਉਹ ਤੇਂਦੁਲਕਰ ਦੇ ਇਸ ਪਹਿਲੇ ਮੈਚ ਨੂੰ ਦੇਖਣ ਤੋਂ ਵਾਂਝੇ ਰਹਿ ਗਏ। ਉਸ ਸਮੇਂ ਦੂਰਦਰਸ਼ਨ ਸਮੇਤ ਕਈ ਹਿੰਦੁਸਤਾਨੀਆਂ ਨੂੰ ਇਸ ਗੱਲ ਦਾ ਇਲਹਾਮ ਵੀ ਨਹੀਂ ਰਿਹਾ ਹੋਵੇਗਾ ਕਿ ਇਹ ਮੁੰਡਾ ਅੱਗੇ ਚਲ ਕੇ ਕ੍ਰਿਕੇਟ ਦੀ ਦੁਨੀਆ ਦਾ ਸਭ ਤੋਂ ਚਮਕਦਾ ਸਿਤਾਰਾ ਬਣੇਗਾ ਪਰ ਫਿਰ ਸਚਿਨ ਇਨੇ ਵੱਡੇ ਸਿਤਾਰੇ ਬਣੇ ਕਿ ਟੀਵੀ ਨੇ ਅਗਲੇ ਦੋ ਦਹਾਕੇ ਤੱਕ ਸਚਿਨ ਦੀ ਪਰਛਾਈ ਨੂੰ ਵੀ ਫੋਲੋ ਕੀਤਾ।
Sachin Tendulkar
2013 ਵਿਚ ਜਦੋਂ ਸਚਿਨ ਤੇਂਦੁਲਕਰ ਨੇ ਆਪਣਾ ਆਖਰੀ 200ਵਾਂ ਟੇਸਟ ਖੇਡਿਆ ਤਾਂ ਉਸ ਸਮੇਂ ਟੀਵੀ ਨੂੰ ਟੇਸਟ ਕ੍ਰਿਕੇਟ ਦੇ ਇਤਹਾਸ ਦੀ ਸਭ ਤੋਂ ਜ਼ਿਆਦਾ ਰੇਟਿੰਗ ਮਿਲੀ ਸੀ। ਪੂਰੇ ਵਾਨਖੇੜੇ ਸਟੇਡੀਅਮ ਵਿਚ ਭਰੇ ਖਚਾਖਚ ਲੋਕਾਂ ਸਮੇਤ ਦੁਨੀਆ ਭਰ ਤੋਂ ਇਸ ਕਰਿਕੇਟਰ ਨੂੰ ਆਖਰੀ ਵਾਰ ਖੇਡਦੇ ਵੇਖਿਆ ਸੀ। 1989 ਤੋਂ ਸ਼ੁਰੂ ਹੋਇਆ ਸਚਿਨ ਦਾ ਸਫਰ ਇੰਡੀਆ ਲਈ ਉਮੀਦਾਂ ਦੀ ਉਡ਼ਾਨ ਵੀ ਸੀ।
Sachin Tendulkar
ਸਚਿਨ ਨੇ ਆਪਣੇ ਗੇਮ ਨਾਲ ਲੋਕਾਂ ਨੂੰ ਇਸ ਤਰ੍ਹਾਂ ਬੰਨਿਆ ਕਿ ਜਿਨ੍ਹਾਂ ਦੇ ਕੋਲ ਟੀਵੀ ਨਹੀਂ ਸੀ, ਉਹ ਲੋਕ ਦੁਕਾਨਾਂ ਦੇ ਬਾਹਰ ਖੜੇ ਹੋ ਜਾਂਦੇ ਸਨ ਜਾਂ ਫਿਰ ਇਕ ਰੇਡੀਓ ਦੇ ਚਾਰੇ ਪਾਸੇ ਇਕੱਠੇ ਹੋ ਜਾਂਦੇ ਸਨ। ਸਚਿਨ ਨੇ ਇੰਗਲੈਂਡ ਤੋਂ ਲੈ ਕੇ ਆਸਟਰੇਲੀਆ ਤੱਕ ਸੈਂਚੁਰੀ ਮਾਰਨੀ ਸ਼ੁਰੂ ਕੀਤੀ। ਕ੍ਰਿਕੇਟ ਜਾਣਕਾਰ ਮੰਨਦੇ ਹਨ ਕਿ ਸਚਿਨ ਤੇਂਦੁਲਕਰ ਨੂੰ ਸਭ ਤੋਂ ਜ਼ਿਆਦਾ ਫਾਇਦਾ ਮਿਲਿਆ ਉਸ ਦੌਰ ਦਾ ਜਿਸ ਵਿਚ ਉਹ ਕ੍ਰਿਕੇਟ ਖੇਡ ਰਹੇ ਸਨ।
90 ਦੇ ਦਹਾਕੇ ਦੇ ਭਾਰਤ ਵਿਚ ਸੈਟੇਲਾਈਟ ਟੀਵੀ ਦੀ ਸ਼ੁਰੂਆਤ ਹੋਈ ਅਤੇ ਇਸ ਦਾ ਸਭਤੋਂ ਜ਼ਿਆਦਾ ਫਾਇਦਾ ਸਚਿਨ ਤੇਂਦੁਲਕਰ ਨੂੰ ਮਿਲਿਆ। ਤੇਂਦੁਲਕਰ ਨੂੰ ਇੰਡੀਅਨ ਟੇਲੀਵਿਜਨ ਦਾ ਸਭ ਤੋਂ ਪਹਿਲਾ ਸੇਟੇਲਾਈਟ ਹੀਰੋ ਕਿਹਾ ਗਿਆ। ਗਾਵਸਕਰ ਬਲੈਕ ਐਂਡ ਵਹਾਈਟ ਜਮਾਨੇ ਦੇ ਹੀਰੋ ਸਨ। ਉਨ੍ਹਾਂ ਤੋਂ ਬਾਅਦ ਕਪਿਲ ਪਾਪੁਲਰ ਹੋਏ ਮਗਰ ਉਹ ਬਦਲਾਅ ਦਾ ਦੌਰ ਸੀ। ਜਿਵੇਂ ਹੀ ਦੇਸ਼ ਵਿਚ ਕਲਰ ਟੀਵੀ ਆਇਆ, ਸਚਿਨ ਛਾ ਗਏ। ਬਹੁਤ ਸਾਰੇ ਪ੍ਰਾਈਵੇਟ ਚੈਨਲ ਆਏ ਅਤੇ ਇਨ੍ਹਾਂ ਨੂੰ ਚਾਹੀਦਾ ਸੀ ਇਕ ਹੀਰੋ।
ਸਚਿਨ ਇਸ ਦੇ ਲਈ ਪੂਰੀ ਤਰ੍ਹਾਂ ਤਿਆਰ ਸਨ। ਸਚਿਨ ਦੇ ਨਾਲ ਨਾਲ ਇੰਡੀਆ ਵਿਚ ਕ੍ਰਿਕੇਟ ਬੋਰਡ ਵੀ ਅਮੀਰ ਹੋਇਆ। 1992 ਵਿਚ ਦੂਰਦਰਸ਼ਨ ਨੇ ਬੀਸੀਸੀਆਈ ਤੋਂ ਮੈਚ ਦੇ ਪ੍ਰਸਾਰਣ ਲਈ 5 ਲੱਖ ਰੁਪਏ ਮੰਗੇ ਸਨ ਪਰ ਸਾਲ 2000 ਆਉਂਦੇ ਆਉਂਦੇ ਇਸੇ ਦੂਰਦਰਸ਼ਨ ਨੇ ਕ੍ਰਿਕੇਟ ਮੈਚ ਦੇ ਪ੍ਰਸਾਰਣ ਦੇ ਅਧਿਕਾਰ ਖਰੀਦਣ ਲਈ ਬੀਸੀਸੀਆਈ ਨੂੰ 240 ਕਰੋੜ ਰੁਪਏ ਅਦਾ ਕੀਤੇ ਸਨ।
