ਜਨਮ ਦਿਨ ਵਿਸ਼ੇਸ਼ : ਕ੍ਰਿਕਟ 'ਚ ਧਾਕੜ ਸ਼ੁਰੂਆਤ ਕਰਕੇ ਆਖ਼ਰ ਕਿਉਂ ਪਛੜ ਗਏ ਵਿਨੋਦ ਕਾਂਬਲੀ?
Published : Jan 18, 2019, 11:57 am IST
Updated : Jan 18, 2019, 4:18 pm IST
SHARE ARTICLE
Vinod Kambli
Vinod Kambli

ਸਾਬਕਾ ਭਾਰਤੀ ਕ੍ਰਿਕੇਟਰ ਵਿਨੋਦ ਕਾਂਬਲੀ ਅੱਜ 47 ਸਾਲ  ਦੇ ਹੋ ਗਏ ਹਨ। ਕਾਂਬਲੀ ਦਾ ਜਨਮ 18 ਜਨਵਰੀ 1972 ਨੂੰ ਮੁੰਬਈ ਵਿਚ ਹੋਇਆ ਸੀ। ਕਦੇ ਭਾਰਤੀ ਟੀਮ ਦੇ ਸਭ ਤੋਂ...

ਮੁੰਬਈ : ਸਾਬਕਾ ਭਾਰਤੀ ਕ੍ਰਿਕੇਟਰ ਵਿਨੋਦ ਕਾਂਬਲੀ ਅੱਜ 47 ਸਾਲ  ਦੇ ਹੋ ਗਏ ਹਨ। ਕਾਂਬਲੀ ਦਾ ਜਨਮ 18 ਜਨਵਰੀ 1972 ਨੂੰ ਮੁੰਬਈ ਵਿਚ ਹੋਇਆ ਸੀ। ਕਦੇ ਭਾਰਤੀ ਟੀਮ ਦੇ ਸਭ ਤੋਂ ਭਾਗਾਂ ਵਾਲੇ ਕ੍ਰਿਕੇਟਰ ਮੰਨੇ ਜਾਣ ਵਾਲੇ ਕਾਂਬਲੀ ਦੀ ਜਿੰਦਗੀ ਨਾਲ ਇਨ੍ਹੇ ਵਿਵਾਦ ਜੁੜ ਚੁੱਕੇ ਹਨ ਕਿ ਜਦੋਂ ਵੀ ਉਨ੍ਹਾਂ ਦੀ ਗੱਲ ਚੱਲਦੀ ਹੈ ਤਾਂ ਉਪਲੱਬਧੀਆਂ ਤੋਂ ਪਹਿਲਾਂ ਉਨ੍ਹਾਂ ਦੇ ਵਿਵਾਦ ਸਾਹਮਣੇ ਆਉਂਦੇ ਹਨ। 

Vinod KambliVinod Kambli

ਕਾਂਬਲੀ ਜਦੋਂ 16 ਸਾਲ ਦੇ ਸਨ ਤੱਦ ਉਨ੍ਹਾਂ ਨੇ ਸਚਿਨ ਤੇਂਦੁਲਕਰ (15) ਦੇ ਨਾਲ ਹੈਰਿਸ ਸ਼ੀਲਡ ਟਰਾਫੀ ਵਿਚ 664 ਦੌੜਾਂ ਦੀ ਨਾਬਾਦ ਪਾਰਟਨਰਸ਼ਿਪ ਕੀਤੀ ਸੀ। ਕਾਂਬਲੀ ਨੇ 349 ਦੌੜਾਂ ਅਤੇ ਸਚਿਨ ਨੇ 326 ਦੌੜਾਂ ਬਣਾਈਆਂ ਸਨ। ਇਸ ਮੈਚ ਦੀ ਇਕ ਹੋਰ ਖਾਸ ਗੱਲ ਇਹ ਸੀ ਕਿ ਕਾਂਬਲੀ ਨੇ 37 ਦੌੜਾਂ ਲਾ ਕੇ 6 ਵਿਕਟ ਵੀ ਝਟਕੇ ਸਨ। ਸ਼ਾਇਦ ਇਹੀ ਵਜ੍ਹਾ ਸੀ ਕਿ ਇਨ੍ਹਾਂ ਦੋਨਾਂ ਖਿਡਾਰੀਆਂ ਦੇ ਗੁਰੂ ਰਮਾਕਾਂਤ ਆਚਰੇਕਰ, ਸਚਿਨ ਤੋਂ ਜ਼ਿਆਦਾ ਟੈਲੇਂਟਡ ਵਿਨੋਦ ਕਾਂਬਲੀ ਨੂੰ ਮੰਨਦੇ ਸਨ ਪਰ ਅੱਜ ਸਚਿਨ ਤੇਂਦੁਲਕਰ ਨੂੰ ਕ੍ਰਿਕੇਟ ਦਾ ਭਗਵਾਨ ਕਿਹਾ ਜਾਂਦਾ ਹੈ ਤਾਂ ਉਥੇ ਹੀ ਵਿਨੋਦ ਕਾਂਬਲੀ ਦੀ ਗਿਣਤੀ ਅਸਫਲ ਕਰਿਕੇਟਰਾਂ ਵਿਚ ਹੁੰਦੀ ਹੈ। 

vinod kamblivinod kambli

ਘਰੇਲੂ ਕ੍ਰਿਕੇਟ ਵਿਚ ਸ਼ਾਨਦਾਰ ਨੁਮਾਇਸ਼ ਤੋਂ ਬਾਅਦ ਕਾਂਬਲੀ ਨੂੰ ਟੀਮ ਇੰਡੀਆ ਵਿਚ ਖੇਡਣ ਦਾ ਮੌਕਾ ਮਿਲਿਆ। ਉਨ੍ਹਾਂ ਦੀ ਸ਼ੁਰੂਆਤ ਜਬਰਦਸਤ ਰਹੀ। ਪਹਿਲਾਂ 7 ਟੈਸਟ ਮੈਚਾਂ ਵਿਚ ਉਨ੍ਹਾਂ  ਦੇ ਨਾਮ ਚਾਰ ਸ਼ਤਕ ਸਨ। ਉਹ ਟੈਸਟ ਮੈਚਾਂ ਵਿਚ ਸਭ ਤੋਂ ਤੇਜ ਇਕ ਹਜ਼ਾਰ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ ਹਨ, ਪਰ ਇਕ ਵਾਰ ਉਨ੍ਹਾਂ ਦਾ ਭੈੜਾ ਵਕਤ ਸ਼ੁਰੂ ਹੋਇਆ ਤਾਂ ਫਿਰ ਉਹ ਕਦੇ ਖਤਮ ਨਹੀਂ ਹੋਇਆ। ਕਾਂਬਲੀ ਦੇ ਬਾਰੇ ਵਿਚ ਕਿਹਾ ਜਾਂਦਾ ਹੈ ਕਿ ਅਚਾਨਕ ਮਿਲੀ ਸਫਲਤਾ ਤੋਂ ਉਨ੍ਹਾਂ ਨੂੰ ਜੋ ਸਟਾਰਡਮ ਮਿਲਿਆ।

Vinod & SachinVinod & Sachin

ਉਸਨੂੰ ਉਹ ਸੰਭਾਲ ਨਹੀਂ ਸਕੇ। ਕਿਹਾ ਜਾਂਦਾ ਹੈ ਕਿ ਉਨ੍ਹਾਂ ਦੀ ਖ਼ਰਾਬ ਆਦਤਾਂ ਅਤੇ ਭੈੜੇ ਸੁਭਾਅ ਨੇ ਹਲਾਤਾਂ ਨੂੰ ਹੋਰ ਵਿਗਾੜ ਦਿਤਾ। ਇਹੀ ਵਜ੍ਹਾ ਰਹੀ ਕਿ ਪ੍ਰਤੀਭਾ ਦਾ ਧਨੀ ਇਹ ਕਰਿਕੇਟਰ ਅਰਸ਼ ਤੋਂ ਫਰਸ਼ ਉਤੇ ਪਹੁੰਚ ਗਿਆ। ਵਿਨੋਦ ਕਾਂਬਲੀ ਨੇ ਟੀਮ ਵਿਚੋਂ ਬਾਹਰ ਹੋਣ ਤੋਂ ਬਾਅਦ 9 ਵਾਰ ਵਾਪਸੀ ਕੀਤੀ ਸੀ, ਪਰ ਉਹ ਇਕ ਵੀ ਵਾਰ ਅਪਣੀ ਜਗ੍ਹਾ ਪੱਕੀ ਕਰਨ ਵਿਚ ਕਾਮਯਾਬ ਨਹੀਂ ਹੋ ਸਕੇ। ਕਾਂਬਲੀ ਨੇ ਬਾਅਦ ਵਿਚ ਇਲਜ਼ਾਮ ਲਗਾਇਆ ਕਿ ਉਨ੍ਹਾਂ ਦੇ ਕਪਤਾਨ, ਟੀਮ ਦੇ ਸਾਥੀ, ਚੋਣਕਾਰ ਅਤੇ ਕ੍ਰਿਕੇਟ ਬੋਰਡ ਦੀ ਵਜ੍ਹਾ ਨਾਲ ਉਨ੍ਹਾਂ ਦਾ ਕਰਿਅਰ ਬਰਬਾਦ ਹੋਇਆ।

Vinod Kambli and Sachin TendulkarVinod Kambli and Sachin Tendulkar

ਇਕ ਟੀਵੀ ਸ਼ੋ ਵਿਚ ਕਾਂਬਲੀ ਨੇ ਬਚਪਨ ਦੇ ਦੋਸਤ ਸਚਿਨ ਤੇਂਦੁਲਕਰ ਲਈ ਵੀ ਕਿਹਾ ਕਿ ਮੁਸ਼ਕਲ ਵਕਤ ਵਿਚ ਸਚਿਨ ਨੇ ਉਨ੍ਹਾਂ ਦਾ ਸਾਥ ਨਹੀਂ ਦਿਤਾ। ਸਚਿਨ ਨੇ ਅਪਣੀ ਰਿਟਾਇਰਮੈਂਟ ਸਪੀਚ ਵਿਚ ਕਾਂਬਲੀ ਦਾ ਨਾਮ ਨਹੀਂ ਲਿਆ ਸੀ ਤਾਂ ਇਸਨੂੰ ਲੈ ਕੇ ਵੀ ਕਾਂਬਲੀ ਦੁਖੀ ਨਜ਼ਰ ਆਏ। ਕਾਂਬਲੀ ਦੀ ਨਿਜੀ ਜਿੰਦਗੀ ਵੀ ਉਤਾਰ ਚੜਾਵ ਨਾਲ ਭਰੀ ਰਹੀ ਹੈ। ਕਾਂਬਲੀ ਦੀ ਪਹਿਲੀ ਪਤਨੀ ਨੋਏਲਾ ਲੈਵਿਸ ਸੀ। ਨੋਏਲਾ ਨਾਲ ਤਲਾਕ ਤੋਂ ਬਾਅਦ ਕਾਂਬਲੀ ਨੇ ਮਾਡਲ ਆਂਦਰਾਏ ਹੈਵਿਟ ਨਾਲ ਵਿਆਹ ਕੀਤਾ। 

ਕ੍ਰਿਕੇਟ ਵਿਚ ਫਲਾਪ ਹੋਣ ਤੋਂ ਬਾਅਦ ਕਾਂਬਲੀ ਨੇ ਕਈ ਖੇਤਰਾਂ ਵਿਚ ਹੱਥ ਪਰਖਿਆ ਪਰ ਉਨ੍ਹਾਂ ਨੂੰ ਕਿਤੇ ਵੀ ਸਫਲਤਾ ਨਹੀਂ ਮਿਲ ਸਕੀ। ਕਾਂਬਲੀ ਨੇ ਫਿਲਮਾਂ ਵਿਚ ਕੰਮ ਕੀਤਾ, ਟੀਵੀ ਉਤੇ ਨਜ਼ਰ ਆਏ ਕਿਤੇ ਵੀ ਉਨ੍ਹਾਂ ਦਾ ਸਿੱਕਾ ਨਹੀਂ ਜਮ ਸਕਿਆ। 2009 ਵਿਚ ਉਨ੍ਹਾਂ ਨੇ ਰਾਜਨੀਤੀ ਦੇ ਵੱਲ ਰੁਖ਼ ਕੀਤਾ। ਉਨ੍ਹਾਂ ਨੇ ਲੋਕ ਭਾਰਤ ਪਾਰਟੀ ਦੀ ਟਿਕਟ ਉਤੇ ਵਿਧਾਨਸਭਾ ਚੋਣਾਂ ਲੜੀਆਂ ਪਰ ਹਾਰ ਗਏ। ਅੱਜ ਕੱਲ੍ਹ ਉਹ ਕ੍ਰਿਕੇਟ ਐਕਸਪਰਟ ਦੀ ਭੂਮਿਕਾ ਵਿਚ ਨਜ਼ਰ ਆਉਂਦੇ ਹਨ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement