ਭਾਰਤੀ ਟੀਮ ਨੇ ਮਹਿਲਾ ਟੀ-20 ਵਰਲਡ ਕੱਪ ਵਿਚ ਤਿੰਨ ਵਾਰ ਦੀ ਚੈਂਪੀਅਨ ਆਸਟਰੇਲੀਆ ਟੀਮ ਨੂੰ 48 ਦੌੜਾਂ ਨਾਲ ਹਰਾ...
ਗਾਯਾਨਾ (ਭਾਸ਼ਾ) : ਭਾਰਤੀ ਟੀਮ ਨੇ ਮਹਿਲਾ ਟੀ-20 ਵਰਲਡ ਕੱਪ ਵਿਚ ਤਿੰਨ ਵਾਰ ਦੀ ਚੈਂਪੀਅਨ ਆਸਟਰੇਲੀਆ ਟੀਮ ਨੂੰ 48 ਦੌੜਾਂ ਨਾਲ ਹਰਾ ਕੇ ਗਰੁੱਪ ਬੀ ਵਿਚ ਸਿਖ਼ਰ ਸਥਾਨ ਹਾਸਲ ਕਰ ਲਿਆ। ਓਪਨਰ ਸਿਮਰਤੀ ਮੰਧਾਨਾ ਨੇ 83 ਅਤੇ ਕਪਤਾਨ ਹਰਮਨਪ੍ਰੀਤ ਕੌਰ ਨੇ 43 ਦੌੜਾਂ ਬਣਾਈਆਂ। ਏਲਿਸੇ ਪੇਰੀ ਨੇ ਤਿੰਨ ਵਿਕੇਟ ਲਏ। ਭਾਰਤੀ ਟੀਮ ਨੇ (ਔਰਤ) ਟੀ-20 ਵਿਸ਼ਵ ਕੱਪ ਵਿਚ ਆਸਟਰੇਲੀਆ ਨੂੰ ਪਹਿਲੀ ਵਾਰ ਹਰਾਇਆ ਹੈ। ਇਸ ਤੋਂ ਪਹਿਲਾਂ ਦੋ ਮੁਕਾਬਲਿਆਂ ਵਿਚ ਆਸਟਰੇਲੀਆ ਜਿੱਤਿਆ ਸੀ।
India winsਹੁਣ ਸੈਮੀਫਾਈਨਲ ਵਿਚ ਭਾਰਤ ਦਾ ਸਾਹਮਣਾ ਗਰੁੱਪ-ਏ ਵਿਚ ਦੂਜੇ ਸਥਾਨ ‘ਤੇ ਰਹਿਣ ਵਾਲੀ ਟੀਮ ਨਾਲ ਹੋਵੇਗਾ। ਅਜੋਕੇ ਮੈਚ ਵਿਚ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਦੀ ਹੋਈ ਟੀਮ ਇੰਡੀਆ ਨੇ ਅੱਠ ਵਿਕੇਟ ‘ਤੇ 167 ਦੌੜਾਂ ਬਣਾਈਆਂ। ਜਵਾਬ ਵਿਚ ਆਸਟਰੇਲੀਆ ਦੀ ਟੀਮ 19.4 ਓਵਰ ਵਿਚ ਨੌਂ ਵਿਕੇਟ ‘ਤੇ 119 ਦੌੜਾਂ ਹੀ ਬਣਾ ਸਕੀ। ਚੋਟਿਲ ਏਲਿਸਾ ਹੀਲੀ ਬੈਟਿੰਗ ਲਈ ਨਹੀਂ ਉਤਰ ਸਕੀ। ਏਲਿਸੇ ਪੇਰੀ ਨੇ ਸਭ ਤੋਂ ਜ਼ਿਆਦਾ 39 ਦੌੜਾਂ ਬਣਾਈਆਂ। ਅਨੁਜਾ ਪਾਟਿਲ ਨੇ ਤਿੰਨ ਵਿਕੇਟ ਲਏ।
ਭਾਰਤੀ ਟੀਮ ਟੂਰਨਾਮੈਂਟ ਵਿਚ ਪਹਿਲੀ ਵਾਰ ਲਗਾਤਾਰ ਚਾਰ ਮੈਚ ਜਿੱਤੀ ਹੈ। ਭਾਰਤ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ। ਓਪਨਰ ਤਾਨੀਆ ਭਾਟੀਆ 2 ਦੌੜਾਂ ਬਣਾ ਕੇ ਐਸ਼ਲੇਘ ਗਾਰਡਨਰ ਦੀ ਗੇਂਦ ‘ਤੇ ਲੇਨਿੰਗ ਨੂੰ ਕੈਚ ਥਮਾ ਬੈਠੀ। ਉਸ ਸਮੇਂ ਟੀਮ ਦੇ ਸਕੋਰ ਸਿਰਫ਼ ਪੰਜ ਦੌੜਾਂ ਸੀ। ਇਸ ਤੋਂ ਬਾਅਦ ਸਿਮਰਤੀ ਮੰਧਾਨਾ ਅਤੇ ਜੇਮਿਮਾ ਰੋਡਰੀਗੇਜ਼ ਨੇ ਦੂਜੇ ਵਿਕੇਟ ਲਈ 44 ਦੌੜਾਂ ਬਣਾਈਆਂ। ਰੋਡਰੀਗੇਜ਼ (ਛੇ) ਡੇਲਿਸਾ ਕਿਮਿੰਸ ਦਾ ਸ਼ਿਕਾਰ ਬਣੀ। ਮੰਧਾਨਾ ਨੇ ਕਪਤਾਨ ਹਰਮਨਪ੍ਰੀਤ ਕੌਰ ਦੇ ਨਾਲ ਤੀਜੇ ਵਿਕੇਟ ਦੀਆਂ 68 ਦੌੜਾਂ ਜੋੜੀਆਂ।
India wins the matchਹਰਮਨਪ੍ਰੀਤ ਨੇ 27 ਗੇਂਦਾਂ ‘ਤੇ ਤਿੰਨ ਚੌਕੇ ਅਤੇ ਤਿੰਨ ਛੱਕੇ ਲਗਾਏ। ਮੰਧਾਨਾ ਨੇ 55 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ ਨੌਂ ਚੌਕੇ ਅਤੇ ਤਿੰਨ ਛੱਕੇ ਲਗਾਏ। ਟੂਰਨਾਮੈਂਟ ਦੇ ਇਕ ਹੋਰ ਮੈਚ ਵਿਚ ਵੈਸਟਇੰਡੀਜ਼ ਨੇ ਸ਼੍ਰੀਲੰਕਾ ਨੂੰ 83 ਦੌੜਾਂ ਨਾਲ ਹਰਾਇਆ ਅਤੇ ਲਗਾਤਾਰ ਪੰਜਵੀਂ ਵਾਰ ਸੈਮੀਫਾਈਨਲ ਵਿਚ ਜਗ੍ਹਾ ਬਣਾਈ। ਵਿੰਡੀਜ਼ ਦੀ ਇਹ ਲਗਾਤਾਰ ਤੀਜੀ ਜਿੱਤ ਹੈ। ਵੈਸਟਇੰਡੀਜ਼ ਨੇ ਪੰਜ ਵਿਕੇਟ ‘ਤੇ 187 ਦੌੜਾਂ ਬਣਾਈਆਂ। ਓਪਨਰ ਹੇਲੇ ਮੈਥਿਊਜ ਨੇ 62, ਡਾਟਿਨ ਨੇ 49 ਅਤੇ ਕਪਤਾਨ ਸਟੇਫਨੀ ਟੇਲਰ ਨੇ 41 ਦੌੜਾਂ ਬਣਾਈਆਂ।
ਸ਼੍ਰੀਲੰਕਾਈ ਟੀਮ 17.4 ਓਵਰ ਵਿਚ 104 ਦੌੜਾਂ ‘ਤੇ ਸਿਮਟ ਗਈ। ਤੇਜ਼ ਗੇਂਦਬਾਜ ਆਨਿਆ ਸ਼ਰਬਸੋਲ ਦੀ ਹੈਟਰਿਕ (3/11) ਨਾਲ ਇੰਗਲੈਂਡ ਦੀ ਟੀਮ ਵੀ ਸੈਮੀਫਾਇਨਲ ਵਿਚ ਪਹੁੰਚ ਗਈ। ਉਸ ਨੇ ਦੱਖਣ ਅਫ਼ਰੀਕਾ ਨੂੰ 7 ਵਿਕੇਟ ਨਾਲ ਹਰਾਇਆ। ਦੱਖਣ ਅਫ਼ਰੀਕਾ ਨੂੰ 85 ਦੌੜਾਂ ‘ਤੇ ਸਮੇਟਣ ਤੋਂ ਬਾਅਦ ਇੰਗਲੈਂਡ ਨੇ 14.1 ਓਵਰ ਵਿਚ 3 ਵਿਕੇਟ ਗਵਾ ਕੇ ਲਕਸ਼ ਹਾਸਲ ਕਰ ਲਿਆ। ਇੰਗਲੈਂਡ ਲਈ ਸ਼ਿਵਰ ਨੇ ਵੀ ਤਿੰਨ ਵਿਕੇਟ ਝਟਕੇ।
