ਨਾਗਲ ਨੇ ਅੱਠਵਾਂ ਦਰਜਾ ਪ੍ਰਾਪਤ ਬੋਗਨਿਸ ਨੂੰ ਇਕ ਘੰਟਾ ਅਤੇ 37 ਮਿੰਟ 'ਚ 6-4, 6-2 ਨਾਲ ਹਰਾ ਕੇ ਖਿਤਾਬ ਆਪਣੇ ਨਾਂ ਕੀਤਾ।
ਬਿਊਨਰਸ ਆਇਰਸ : ਭਾਰਤੀ ਟੈਨਿਸ ਖਿਡਾਰੀ ਸੁਮਿਤ ਨਾਗਲ ਨੇ ਸਥਾਨਕ ਦਾਅਵੇਦਾਰ ਫਾਕੁਦੋ ਬੋਗਨਿਸ ਨੂੰ ਸਿੱਧੇ ਸੈਟਾਂ 'ਚ ਹਰਾ ਕੇ ਇੱਥੇ 54160 ਡਾਲਰ ਇਨਾਮੀ ਏ ਟੀ ਪੀ ਚੈਲੰਜਰ ਟੂਰਨਾਮੈਂਟ ਦੇ ਪੁਰਸ਼ ਸਿੰਗਲ ਦਾ ਖਿਤਾਬ ਜਿੱਤ ਲਿਆ।
Sumit Nagal wins ATP Challenger Cup
ਹਰਿਆਣਾ ਦੇ 22 ਸਾਲ ਦੇ ਸਤਵਾਂ ਦਰਜਾ ਪ੍ਰਾਪਤ ਨਾਗਲ ਨੇ ਅੱਠਵਾਂ ਦਰਜਾ ਪ੍ਰਾਪਤ ਬੋਗਨਿਸ ਨੂੰ ਇਕ ਘੰਟਾ ਅਤੇ 37 ਮਿੰਟ 'ਚ 6-4, 6-2 ਨਾਲ ਹਰਾ ਕੇ ਖਿਤਾਬ ਆਪਣੇ ਨਾਂ ਕੀਤਾ। ਨਾਗਲ ਦੇ ਕਰੀਅਰ ਦਾ ਇਹ ਦੂਜਾ ਏ.ਟੀ.ਪੀ. ਚੈਲੰਜਰ ਖਿਤਾਬ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ 2017 'ਚ ਬੈਂਗਲੁਰੂ ਚੈਲੰਜਰ ਟੂਰਨਾਮੈਂਟ ਜਿੱਤਿਆ ਸੀ।
Sumit Nagal wins ATP Challenger Cup
ਖੇਡ ਮੰਤਰੀ ਕਿਰਿਨ ਰਿਜਿਜੂ ਨੇ ਨਾਗਲ ਨੂੰ ਵਧਾਈ ਦਿੰਦੇ ਹੋਏ ਆਪਣੇ ਟਵਿੱਟਰ ਹੈਂਡਲ 'ਤੇ ਲਿਖਿਆ, ''ਸੁਮਿਤ ਨਾਗਲ ਦਾ ਸ਼ਾਨਦਾਰ ਪ੍ਰਦਰਸ਼ਨ। ਏ.ਟੀ.ਪੀ. ਬਿਊਨਸ ਆਇਰਸ ਚੈਲੰਜਰ ਖਿਤਾਬ ਜਿੱਤਣ ਲਈ ਮੈਂ ਉਨ੍ਹਾਂ ਨੂੰ ਤਹਿ ਦਿਲੋਂ ਵਧਾਈ ਦਿੰਦਾ ਹਾਂ। ਸੁਮਿਤ ਨਾਗਲ ਵਿਸ਼ਵ ਰੈਂਕਿੰਗ 'ਚ ਚੋਟੀ ਦੇ 135 'ਚ ਜਗ੍ਹਾ ਬਣਾਉਣਗੇ।'' ਇਸ ਹੋਣਹਾਰ ਨੌਜਵਾਨ ਖਿਡਾਰੀ ਨੇ ਸੋਮਵਾਰ ਨੂੰ 26 ਸਥਾਨ ਦੇ ਫਾਇਦੇ ਨਾਲ ਕਰੀਅਰ ਦੀ ਸਰਵਸ੍ਰੇਸ਼ਠ 135ਵੀਂ ਰੈਂਕਿੰਗ ਹਾਸਲ ਕੀਤੀ। ਨਾਗਲ ਨੇ ਪਿਛਲੇ ਮਹੀਨੇ ਗ੍ਰੈਂਡਸਲੈਮ 'ਚ ਡੈਬਿਊ ਕਰਦੇ ਹੋਏ ਅਮਰੀਕੀ ਓਪਨ ਦੇ ਪਹਿਲੇ ਦੌਰ 'ਚ ਮਹਾਨ ਖਿਡਾਰੀ ਰੋਜਰ ਫੈਡਰਰ ਦੇ ਵਿਰੁਧ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਸੁਰਖ਼ੀਆਂ ਬਟੋਰੀਆਂ ਸਨ।
