ਜੇ ਇਹ ਹੋਰ ਨੌਜਵਾਨ ਕਲਾਕਾਰਾਂ ਨੂੰ ਪ੍ਰੇਰਿਤ ਕਰ ਸਕੇ ਤਾਂ ਮੈਂ ਖੁਦ ਨੂੰ ਖੁਸ਼ਕਿਸਮਤ ਸਮਝਾਂਗੀ।’’ - ਵਿਸ਼ਵਰੂਪਾ ਮੋਹੰਤੀ
ਦੁਬਈ : ਸੰਯੁਕਤ ਅਰਬ ਅਮੀਰਾਤ (ਯੂ.ਏ.ਈ.) ਵਿਚ 2007 ਤੋਂ ਰਹਿ ਰਹੀ ਇਕ ਭਾਰਤੀ ਕਲਾਕਾਰ ਨੂੰ ਬੁੱਧਵਾਰ ਨੂੰ ਖਾੜੀ ਦੇਸ਼ ਦਾ ਵੱਕਾਰੀ ਗੋਲਡਨ ਵੀਜ਼ਾ ਮਿਲਿਆ ਹੈ। ਖਲੀਜ਼ ਟਾਈਮਜ਼ ਦੀ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਓਡੀਸ਼ਾ ਦੀ ਰਹਿਣ ਵਾਲੀ ਮੋਨਾ ਵਿਸ਼ਵਰੂਪਾ ਮੋਹੰਤੀ ਨੇ ਇਕ ਸੀਨੀਅਰ ਕਲਾਕਾਰ ਦੀ ਸਲਾਹ ਦੇ ਆਧਾਰ ’ਤੇ ਗੋਲਡਨ ਵੀਜ਼ਾ ਲਈ ਅਰਜ਼ੀ ਦਿਤੀ ਸੀ। ਮੋਹੰਤੀ ਨੇ ਕਿਹਾ ਕਿ ਇਸ ਨਾਲ ਦੂਜੇ ਕਲਾਕਾਰ ਵੀ ਪ੍ਰੇਰਤ ਹੋਣਗੇ।
ਮੋਹੰਤੀ ਨੇ ਇਕ ਅਖ਼ਬਾਰ ਨੂੰ ਦਸਿਆ ਕਿ ਉਹ ਗੋਲਡਨ ਵੀਜ਼ਾ ਹਾਸਲ ਕਰ ਕੇ ਸਨਮਾਨਤ ਮਹਿਸੂਸ ਕਰ ਰਹੀ ਹੈ। ਜ਼ਿੰਦਗੀ ਵਿਚ ਇਹ ਮੀਲ ਦੇ ਪੱਥਰ ਬਹੁਤ ਮਾਇਨੇ ਰੱਖਦੇ ਹਨ। ਉਹ ਤੁਹਾਨੂੰ ਭਰੋਸਾ ਦਿਵਾਉਂਦੇ ਹਨ ਕਿ ਜੇ ਤੁਸੀਂ ਦਿਲ ਅਤੇ ਆਤਮਾ ਦਾ ਪਾਲਣ ਕਰਦੇ ਹੋ ਤਾਂ ਤੁਸੀਂ ਹੌਲੀ-ਹੌਲੀ ਜਿੰਨਾ ਸੋਚ ਸਕਦੇ ਹੋ ਉਸ ਨਾਲੋਂ ਕਿਤੇ ਜ਼ਿਆਦਾ ਸਨਮਾਨਤ ਹੋਵੋਗੇ। ਗੋਲਡਨ ਵੀਜ਼ਾ ਹਾਸਲ ਕਰ ਕੇ ਮੇਰਾ ਖੁਦ ’ਤੇ ਵਿਸ਼ਵਾਸ ਮਜ਼ਬੂਤ ਹੋਇਆ ਹੈ। ਜੇ ਇਹ ਹੋਰ ਨੌਜਵਾਨ ਕਲਾਕਾਰਾਂ ਨੂੰ ਪ੍ਰੇਰਿਤ ਕਰ ਸਕੇ ਤਾਂ ਮੈਂ ਖੁਦ ਨੂੰ ਖੁਸ਼ਕਿਸਮਤ ਸਮਝਾਂਗੀ।’’
ਇਹ ਵੀ ਪੜ੍ਹੋ - ਵਿਦੇਸ਼ ਜਾਣ ਵਾਲਿਆਂ ਨੂੰ ਕਰਨਾ ਹੋਵੇਗਾ ਇੰਤਜ਼ਾਰ, ਅੰਤਰਰਾਸ਼ਟਰੀ ਉਡਾਣਾਂ 31 ਜੁਲਾਈ ਤੱਕ ਰਹਿਣਗੀਆਂ ਬੰਦ
ਉਹਨਾਂ ਨੇ ਕਿਹਾ,’’ਮੈਂ ਆਪਣੇ ਦਿਲ ਦੀ ਸੁਣੀ ਅਤੇ ਇਸ ਦਾ ਫਾਇਦਾ ਲਿਆ। ਇਸ ਲਈ ਸਨਮਾਨਿਤ ਹੋਣਾ ਮੈਨੂੰ ਦੱਸਦਾ ਹੈ ਕਿ ਜਦੋਂ ਤੁਸੀਂ ਆਪਣੇ ਜਨੂੰਨ ਦਾ ਪਾਲਣ ਕਰਦੇ ਹੋ ਤਾਂ ਤੁਸੀਂ ਆਪਣਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕਰਦੇ ਹੋ। ਉਦੋਂ ਤੁਹਾਡੇ ਨਾਲ ਚੰਗੀਆਂ ਚੀਜ਼ਾਂ ਹੋਣ ਲੱਗਦੀਆਂ ਹਨ।’’ ਇਕ ਫੈਸ਼ਨ ਡਿਜ਼ਾਈਨਰ ਮੋਹੰਤੀ 2007 ਵਿਚ ਦੁਬਈ ਵਿਚ ਮਣੀਪਾਲ ਯੂਨੀਵਰਸਿਟੀ ਦੇ ਲੈਕਚਰਾਰ ਵਜੋਂ ਸੰਯੁਕਤ ਅਰਬ ਅਮੀਰਾਤ ਆਈ।
ਇਹ ਵੀ ਪੜ੍ਹੋ - ਗਲਤ ਬਿਜਲੀ ਸਮਝੌਤਿਆਂ ਕਾਰਨ ਹੋਈ ਬਿਜਲੀ ਦੀ ਘਾਟ, ਰੱਦ ਕੀਤੇ ਜਾਣ ਇਹ ਸਮਝੌਤੇ: ਹਰਪਾਲ ਸਿੰਘ ਚੀਮਾ
ਇੱਥੇ ਦੱਸ ਦਈਏ ਕਿ ਗੋਲਡਨ ਵੀਜ਼ਾ ਵਿਦੇਸ਼ੀਆਂ ਨੂੰ ਰਾਸ਼ਟਰੀ ਪ੍ਰਾਯੋਜਕ ਦੀ ਲੋੜ ਦੇ ਬਿਨਾਂ ਦੇਸ਼ ਵਿਚ ਰਹਿਣ, ਕੰਮ ਤੇ ਅਧਿਐਨ ਕਰਨ ਅਤੇ ਸੰਯੁਕਤ ਅਰਬ ਅਮੀਰਾਤ ਦੀ ਮੁੱਖ ਭੂਮੀ ’ਤੇ ਉਹਨਾਂ ਦੇ ਕਾਰੋਬਾਰ ਦੀ 100 ਫੀਸਦੀ ਮਲਕੀਅਤ ਨਾਲ ਸਮਰੱਥ ਬਣਾਉਂਦਾ ਹੈ। ਇਹ ਪੰਜ ਜਾਂ 10 ਸਾਲ ਲਈ ਜਾਰੀ ਕੀਤੇ ਜਾਂਦੇ ਹਨ ਅਤੇ ਆਟੋਮੈਟਿਕ ਤੌਰ ’ਤੇ ਨਵੀਨੀਕ੍ਰਿਤ ਹੋ ਜਾਂਦੇ ਹਨ।