ਅੱਜ ਦੇ ਆਧੁਨਿਕ ਯੁੱਗ ਵਿੱਚ ਜਿੱਥੇ ਨੌਜਵਾਨ ਪੀੜ੍ਹੀ 'ਚ ਸੈਲਫੀ ਦਾ ਕਰੇਜ ਖੂਬ ਦੇਖਣ ਨੂੰ ਮਿਲਦਾ ਹੈ, ਉਥੇ ਹੀ ਕਈ ਲੋਕ ਇਸਨੂੰ ਕਿਸੇ ਤਰ੍ਹਾਂ ਦੇ ਸਰਾਪ ਦੀ ...
ਅਫਰੀਕਾ : ਅੱਜ ਦੇ ਆਧੁਨਿਕ ਯੁੱਗ ਵਿੱਚ ਜਿੱਥੇ ਨੌਜਵਾਨ ਪੀੜ੍ਹੀ 'ਚ ਸੈਲਫੀ ਦਾ ਕਰੇਜ ਖੂਬ ਦੇਖਣ ਨੂੰ ਮਿਲਦਾ ਹੈ, ਉਥੇ ਹੀ ਕਈ ਲੋਕ ਇਸਨੂੰ ਕਿਸੇ ਤਰ੍ਹਾਂ ਦੇ ਸਰਾਪ ਦੀ ਤਰ੍ਹਾਂ ਵੀ ਦੇਖਦੇ ਹਨ। ਸੈਲਫੀ ਲੈਣ ਦੇ ਚੱਕਰ 'ਚ ਕਈ ਨੌਜਵਾਨਾਂ ਦੇ ਜਾਨ ਗੁਆ ਦੇਣ ਦੀ ਖ਼ਬਰ ਸਾਹਮਣੇ ਆਈ ਸੀ। ਇਸ ਤੋਂ ਬਾਅਦ ਸਮਾਜ ਦਾ ਇੱਕ ਵਰਗ ਸੈਲਫੀ ਕਰੇਜ ਦਾ ਘੋਰ ਵਿਰੋਧੀ ਹੋ ਗਿਆ ਸੀ ਪਰ ਸਾਊਥ ਅਫਰੀਕਾ ਦੇ ਕੇਪਟਾਊਨ ਸਿਟੀ 'ਚ 17 ਸਾਲ ਪਹਿਲਾਂ ਬਚਪਨ 'ਚ ਵਿਛੜੀਆਂ ਦੋ ਭੈਣਾਂ ਨੂੰ ਇਸ ਸੈਲਫੀ ਦੇ ਕ੍ਰੇਜ਼ ਨੇ ਇੱਕ ਵਾਰ ਫਿਰ ਮਿਲਾ ਦਿੱਤਾ ਹੈ।
selfie
ਜਾਣਕਾਰੀ ਮੁਤਾਬਿਕ ਜਨਮ ਤੋਂ 3 ਦਿਨ ਬਾਅਦ ਇੱਕ ਲੜਕੀ ਨੂੰ ਨਰਸ ਵੱਲੋਂ ਚੋਰੀ ਕਰ ਲਿਆ ਗਿਆ ਸੀ ਪਰ ਜਦੋਂ ਉਹ ਸਕੂਲ ਪੜ੍ਹਨ ਲੱਗੀਆਂ ਤਾਂ ਕਿਸਮਤ ਨਾਲ ਦੋਵੇਂ ਇੱਕ ਹੀ ਸਕੂਲ ਵਿੱਚ ਇਕੱਠੀਆਂ ਸਨ। ਰਿਪੋਰਟਾਂ ਮੁਤਾਬਿਕ ਕੇਪਟਾਉਨ ਇਲਾਕੇ ਦੀ ਰਹਿਣ ਵਾਲੀ ਸੇਲੇਸਟੇ ਨਾਮਕ ਔਰਤ ਦੀ ਇੱਕ ਬੇਟੀ ਮਿਸੇ ਜਦੋਂ ਤਿੰਨ ਸਾਲ ਦੀ ਸੀ ਤਾਂ ਉਸ ਨੇ ਦੂਸਰੀ ਬੇਟੀ ਨੂੰ ਜਨਮ ਦਿੱਤਾ ਸੀ ਪਰ ਕਥਿਤ ਉਸ ਨੂੰ ਨਰਸ ਵੱਲੋਂ ਹੀ ਚੋਰੀ ਕਰ ਲਿਆ ਗਿਆ ਸੀ।
selfie
ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਮਿਸ਼ੇ ਨੇ ਜਦੋਂ ਇੱਕ ਸਕੂਲ ਵਿੱਚ ਦਾਖਲਾ ਲਿਆ ਤਾਂ ਉੱਥੇ ਹੀ ਉਸ ਦੀ ਗਵਾਚੀ ਹੋਈ ਛੋਟੀ ਭੈਣ ਨੇ ਵੀ ਦਾਖਲਾ ਲੈ ਲਿਆ। ਇਸ ਤੋਂ ਬਾਅਦ ਇੱਕ ਦਿਨ ਜਦੋਂ ਮਿਸ਼ੇ ਨੇ ਕੈਸਿਡੀ (ਗਵਾਚੀ ਹੋਈ ਲੜਕੀ) ਨਾਲ ਆਪਣੇ ਇੱਕ ਸੈਲਫੀ ਖਿੱਚ ਕੇ ਆਪਣੇ ਮਾਤਾ ਪਿਤਾ ਨੂੰ ਦਿਖਾਈ ਤਾਂ ਉਨ੍ਹਾਂ ਨੂੰ ਸ਼ੱਕ ਹੋਇਆ ਕਿ ਇਹ ਉਨ੍ਹਾਂ ਦੀ ਹੀ ਅਗਵਾਹ ਹੋਈ ਬੇਟੀ ਹੋ ਸਕਦੀ ਹੈ। ਇਸ ਤੋਂ ਬਾਅਦ ਜਦੋਂ ਕੈਸਿਡੀ ਨੂੰ ਮੇਸ਼ੀ ਦੇ ਮਾਤਾ ਪਿਤਾ ਵੱਲੋਂ ਜਨਮ ਮਿਤੀ ਦੱਸੀ ਗਈ ਤਾਂ ਉਸ ਦੀ ਵੀ ਜਨਮ ਮਿਤੀ ਉਹੀਓ ਸੀ ਜਿਸ ਦਿਨ ਮੇਸ਼ੀ ਦੀ ਭੈਣ ਦਾ ਜਨਮ ਹੋਇਆ ਸੀ। ਮੀਡੀਆ ਰਿਪੋਰਟਾਂ ਮੁਤਾਬਿਕ ਇਸ ਤੋਂ ਬਾਅਦ ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ ਕੈਸਿਡੀ ਦਾ ਡੀਐਨਏ ਵੀ ਟੈਸਟ ਕੀਤਾ ਗਿਆ। ਦਾਅਵਾ ਇਹ ਵੀ ਕੀਤਾ ਜਾ ਰਿਹਾ ਹੈ ਕਿ ਕੈਸਿਡੀ ਨੂੰ ਅਗਵਾਹ ਕਰਨ ਵਾਲੀ ਨਰਸ ਨੂੰ 10 ਸਾਲ ਦੀ ਸਜ਼ਾ ਹੋਈ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
