ਯੂਕਰੇਨ ਦੇ ਰਾਸ਼ਟਰਪਤੀ ਨੇ ਕਿਹਾ ਕਿ ਜੰਗਬੰਦੀ 'ਤੇ ਸਾਰਥਕ ਗੱਲਬਾਤ ਸ਼ੁਰੂ ਹੋਣ ਤੋਂ ਪਹਿਲਾਂ ਰੂਸ ਨੂੰ ਯੂਕਰੇਨ ਦੇ ਸ਼ਹਿਰਾਂ 'ਤੇ ਬੰਬਾਰੀ ਬੰਦ ਕਰਨੀ ਚਾਹੀਦੀ ਹੈ।
ਕੀਵ: ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਨੇ ਕਿਹਾ ਕਿ ਜੰਗਬੰਦੀ 'ਤੇ ਸਾਰਥਕ ਗੱਲਬਾਤ ਸ਼ੁਰੂ ਹੋਣ ਤੋਂ ਪਹਿਲਾਂ ਰੂਸ ਨੂੰ ਯੂਕਰੇਨ ਦੇ ਸ਼ਹਿਰਾਂ 'ਤੇ ਬੰਬਾਰੀ ਬੰਦ ਕਰਨੀ ਚਾਹੀਦੀ ਹੈ। ਦੱਸ ਦੇਈਏ ਕਿ ਇਸ ਹਫਤੇ ਪਹਿਲੇ ਦੌਰ ਦੀ ਗੱਲਬਾਤ ਦਾ ਕੋਈ ਸਾਰਥਕ ਨਤੀਜਾ ਨਹੀਂ ਨਿਕਲ ਸਕਿਆ ਹੈ।
Volodymyr Zelenskyy
ਸਮਾਚਾਰ ਏਜੰਸੀ ਰਾਇਟਰਸ ਅਨੁਸਾਰ ਇਕ ਇੰਟਰਵਿਊ ਵਿਚ ਜ਼ੇਲੇਂਸਕੀ ਨੇ ਰੂਸੀ ਹਵਾਈ ਸੈਨਾ ਨੂੰ ਰੋਕਣ ਲਈ ਨਾਟੋ ਦੇ ਮੈਂਬਰਾਂ ਨੂੰ ਇਕ ਨੋ-ਫਲਾਈ ਜ਼ੋਨ ਸਥਾਪਤ ਕਰਨ ਦੀ ਅਪੀਲ ਕੀਤੀ। ਉਹਨਾਂ ਇਹ ਵੀ ਕਿਹਾ ਕਿ ਇਸ ਮੁਸ਼ਕਲ ਸਮੇਂ ਵਿਚ ਯੂਕਰੇਨ ਦੀ ਮਦਦ ਕਰਕੇ ਨਾਟੋ ਦੇਸ਼ ਜੰਗ ਵਿਚ ਨਹੀਂ ਕੁੱਦਣਗੇ, ਸਗੋਂ ਸੁਰੱਖਿਆ ਉਪਾਅ ਵਧਾਉਣ ਲਈ ਕੰਮ ਕਰਨਗੇ।
Russia-Ukraine crisis
ਯੂਕਰੇਨ ਦੀ ਰਾਜਧਾਨੀ ਕੀਵ ਵਿਚ ਇਕ ਟੀਵੀ ਟਾਵਰ ਉੱਤੇ ਰੂਸੀ ਬੰਬ ਧਮਾਕੇ ਤੋਂ ਬਾਅਦ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਨੇ ਕਿਹਾ, "ਦੁਨੀਆਂ ਵਾਲਿਓ, ਜੇਕਰ ਦੁਨੀਆਂ 'ਬਾਬੀ ਯਾਰ' ਸਮਾਰਕ ’ਤੇ ਉਸੇ ਜਗ੍ਹਾ 'ਤੇ ਦੁਬਾਰਾ ਹੋਏ ਬੰਬ ਧਮਾਕੇ ਨੂੰ ਲੈ ਕੇ ਚੁੱਪ ਹੈ ਤਾਂ 80 ਸਾਲਾਂ ਤੋਂ 'ਦੁਬਾਰਾ ਕਦੇ ਨਹੀਂ ਹੋਵੇਗਾ' ਕਹਿਣ ਦਾ ਕੀ ਮਤਲਬ ਹੈ? 5 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਤਿਹਾਸ ਖੁਦ ਨੂੰ ਦੁਹਰਾ ਰਿਹਾ ਹੈ।”
Ukraine President
ਜ਼ੇਲੇਂਸਕੀ ਨੇ ਰੂਸੀ ਫੌਜ ਦੇ ਹਮਲੇ ਤੋਂ ਬਾਅਦ ਵੀ ਯੂਕਰੇਨ ਦੀ ਰਾਜਧਾਨੀ ਛੱਡਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਉਹਨਾਂ ਇਹ ਵੀ ਕਿਹਾ ਕਿ ਭਾਵੇਂ ਉਹਨਾਂ ਦਾ ਦੇਸ਼ ਨਾਟੋ ਵਿਚ ਸ਼ਾਮਲ ਨਹੀਂ ਹੈ ਪਰ ਉਹਨਾਂ ਨੂੰ ਉਹਨਾਂ ਸਾਰੇ ਦੇਸ਼ਾਂ ਤੋਂ ਸੁਰੱਖਿਆ ਦੀ ਪੱਕੀ ਗਾਰੰਟੀ ਦੀ ਲੋੜ ਹੈ। ਰੂਸ ਨਾਲ ਗੱਲਬਾਤ ਬਾਰੇ ਜ਼ੇਲੇਂਸਕੀ ਨੇ ਰਾਇਟਰਜ਼ ਅਤੇ ਸੀਐਨਐਨ ਨੂੰ ਕਿਹਾ ਕਿ ਰੂਸ ਨੂੰ ਘੱਟੋ ਘੱਟ ਲੋਕਾਂ 'ਤੇ ਬੰਬਾਰੀ ਬੰਦ ਕਰਨੀ ਚਾਹੀਦੀ ਹੈ, ਬੱਸ ਬੰਬਬਾਰੀ ਨੂੰ ਰੋਕੋ ਅਤੇ ਫਿਰ ਗੱਲਬਾਤ ਦੀ ਮੇਜ਼ 'ਤੇ ਬੈਠੋ।
