ਬਚਪਨ ਵਿਚ ਖਤਨਾ ਸਹਿ ਚੁੱਕੀ 35 ਸਾਲਾ ਰਸੂਲ ਸਥਾਨਕ ਘਰਾਂ ਵਿਚ ਜਾ ਕੇ ਲੋਕਾਂ ਨਾਲ ਇਸ ਸਬੰਧੀ ਗੱਲਬਾਤ ਕਰਦੀ ਹੈ।
ਇਰਾਕ : ਇਰਾਕ ਦੇ ਕਈ ਪਿੰਡਾਂ ਦੀਆਂ ਔਰਤਾਂ ਨੇ ਹੁਣ ਖਤਨੇ ਵਿਰੁਧ ਅਵਾਜ਼ ਬੁਲੰਦ ਕਰਨੀ ਸ਼ੁਰੂ ਕਰ ਦਿਤਾ ਹੈ। ਕੁਰਦ ਸਮੁਦਾਇ ਦੇ ਇਲਾਕੇ ਵਿਚ ਔਰਤਾਂ ਅਤੇ ਬੱਚਿਆਂ ਦੇ ਖਤਨੇ ਵਿਰੁਧ ਜ਼ਬਰਦਸਤੀ ਮੁਹਿੰਮ ਚਲਾਉਣ ਵਾਲੇ ਗ਼ੈਰ-ਸਰਕਾਰੀ ਸੰਸਥਾ ਵਾਦੀ ਨਾਲ ਜੁੜੀ ਰਸੂਲ ਨਾਮ ਦੀ ਔਰਤ ਨੇ ਇਸ ਨੂੰ ਕਾਮਯਾਬ ਬਣਾਉਣ ਦੀ ਸਹੁੰ ਚੁੱਕੀ ਹੈ। ਰਸੂਲ ਕਈ ਪਿੰਡਾਂ ਦੇ ਬੱਚਿਆਂ ਲਈ ਦੇਵਦੂਤ ਬਣ ਕੇ ਸਾਹਮਣੇ ਆਈ ਹੈ। ਬਚਪਨ ਵਿਚ ਖਤਨਾ ਸਹਿ ਚੁੱਕੀ 35 ਸਾਲਾ ਰਸੂਲ ਸਥਾਨਕ ਘਰਾਂ ਵਿਚ ਜਾ ਕੇ ਲੋਕਾਂ ਨਾਲ ਇਸ ਸਬੰਧੀ ਗੱਲਬਾਤ ਕਰਦੀ ਹੈ।
Stop genitial mutilation
ਉਸ ਦੇ ਨਾਲ ਖੇਤਰ ਦੀਆਂ ਕੁਝ ਹੋਰ ਔਰਤਾਂ ਨੇ ਵੀ ਇਲਾਕੇ ਦੀ ਰੂੜੀਵਾਦੀ ਸੋਚ ਨੂੰ ਬਦਲਣ ਦੀ ਠਾਣ ਲਈ ਹੈ। ਇਸੇ ਕਾਰਨ ਇਰਾਕ ਦੇ ਮੁਕਾਬਲੇ ਕੁਰਦ ਖੇਤਰ ਵਿਚ ਬੱਚੀਆਂ ਦੇ ਖਤਨੇ ਦੀ ਗਿਣਤੀ ਵਿਚ ਕਮੀ ਆਈ ਹੈ। ਇਕ ਸਮਾਂ ਅਜਿਹਾ ਵੀ ਆਇਆ ਜਦ ਕੁਰਦ ਇਲਾਕੇ ਵਿਚ ਬੱਚੀਆਂ ਦਾ ਖਤਨਾ ਕਰਨਾ ਇਕ ਸਾਧਾਰਨ ਗੱਲ ਸੀ। ਖੇਤਰੀ ਰਾਜਧਾਨੀ ਇਰਬਿਲ ਦੇ ਪੂਰਬ ਵਿਖੇ ਸਥਿਤ ਸ਼ਰਬਤੀ ਸਾਘਿਰਾ ਪਿੰਡ ਵਿਚ ਖਤਨੇ ਵਿਰੁਧ ਜਾਗਰੁਕਤਾ ਫੈਲਾਉਣ ਅਤੇ ਇਸ ਰਵਾਇਤ ਨੂੰ ਬੰਦ ਕਰਵਾਉਣ ਲਈ ਰਸੂਲ ਇਥੇ 25 ਵਾਰ ਜਾ ਚੁੱਕੀ ਹੈ।
Awreness regarding female Genital Mutilation
ਉਹ ਪਿੰਡ ਦੇ ਇਮਾਮ ਦੀ ਸੋਚ ਨੂੰ ਬਦਲਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਜੋ ਸੋਚਦੇ ਹਨ ਕਿ ਖਤਨਾ ਇਕ ਇਸਲਾਮਕ ਰਵਾਇਤ ਹੈ। ਉਹ ਪਿੰਡ ਦੀਆਂ ਸਿਖਲਾਈ ਪ੍ਰਾਪਤ ਦਾਈਆਂ ਨੂੰ ਖਤਨੇ ਦੇ ਹੋਣ ਵਾਲੇ ਨੁਕਸਾਨ, ਉਸ ਦੇ ਕਾਰਨ ਹੋਣ ਵਾਲੇ ਖੂਨ ਦੇ ਵਹਾਅ ਅਤੇ ਮਾਨਸਿਕ ਸ਼ੋਸ਼ਣ ਦੇ ਸਬੰਧ ਵਿਚ ਸਮਝਾਉਂਦੀ ਹੈ। ਖਤਨੇ ਵਿਰੁਧ ਔਰਤਾਂ ਵੱਲੋਂ ਚਲਾਈਆਂ ਜਾ ਰਹੀਆਂ ਸਾਰੀਆਂ ਮੁਹਿੰਮਾਂ ਤੋਂ ਬਾਅਦ ਕੁਰਦ ਪ੍ਰਸ਼ਾਸਨ ਨੇ 2011 ਵਿਚ ਖਤਨੇ ਨੂੰ ਘਰੇਲੂ ਹਿੰਸਾ ਕਾਨੂੰਨ ਅਧੀਨ ਦਰਜ ਕੀਤਾ ਹੈ।
Stop Domestic Violence
ਇਸ ਕਾਨੂੰਨ ਮੁਤਾਬਕ ਖਤਨਾ ਕਰਨ ਵਾਲਿਆਂ ਨੂੰ ਵੱਧ ਤੋਂ ਵੱਧ ਤਿੰਨ ਸਾਲ ਦੀ ਸਜ਼ਾ ਅਤੇ ਲਗਭਗ 80,000 ਅਮਰੀਕੀ ਡਾਲਰ ਦੇ ਜੁਰਮਾਨੇ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਕਾਨੂੰਨ ਬਣਾਉਣ ਅਤੇ ਗ਼ੈਰ-ਸਰਕਾਰੀ ਸੰਸਥਾਵਾਂ ਵੱਲੋਂ ਚਲਾਈਆਂ ਜਾ ਰਹੀਆਂ ਮੁਹਿੰਮਾਂ ਤੋਂ ਬਾਅਦ ਪੈਦਾ ਹੋਈ ਜਾਗਰੁਕਤਾ ਕਾਰਨ ਖਤਨੇ ਦੀ ਗਿਣਤੀ ਦੇ ਮਾਮਲੇ ਪਹਿਲਾਂ ਨਾਲੋਂ ਘੱਟ ਹੋਏ ਹਨ।
