ਵਿਗਿਆਨੀਆਂ ਨੇ ਕੀਤਾ ਪ੍ਰਗਟਾਵਾ
ਲੰਦਨ : ਜਲਵਾਯੂ ਬਦਲਾਅ ਕਾਰਨ ਕਣਕ ਅਤੇ ਝੋਨੇ ਵਰਗੀਆਂ ਫ਼ਸਲਾਂ ਦੇ ਉਤਪਾਦਨ 'ਤੇ ਮਾੜਾ ਅਸਰ ਪੈ ਰਿਹਾ ਹੈ ਅਤੇ ਕੁੱਝ ਦੇਸ਼ਾਂ ਵਿਚ ਫ਼ਸਲਾਂ ਦੇ ਉਤਪਾਦਨ 'ਤੇ ਇਸ ਦਾ ਬਹੁਤ ਜ਼ਿਆਦਾ ਮਾੜਾ ਅਸਰ ਪੈ ਰਿਹਾ ਹੈ। ਇਹ ਦਾਅਵਾ ਵਿਗਿਆਨੀਆਂ ਨੇ ਇਕ ਅਧਿਐਨ ਵਿਚ ਕੀਤਾ ਹੈ। ਵਿਸ਼ਵ ਦੀਆਂ ਸਿਖਰਲੀਆਂ 10 ਫ਼ਸਲਾਂ ਜੌਂ, ਕਣਕ, ਗੰਨਾ, ਕਸਾਵਾ, ਮੱਕਾ, ਆਇਲ ਪਾਮ, ਸਰਸੋਂ, ਜਵਾਰ, ਝੋਨਾ, ਸੋਇਆਬੀਨ ਸਾਂਝੇ ਰੂਪ ਨਾਲ ਖੇਤਾਂ ਵਿਚ ਪੈਦਾ ਹੋਣ ਵਾਲੀ ਕੈਲੋਰੀ ਦਾ 83 ਦਿੰਦੀਆਂ ਹਨ। ਭਵਿੱਖ ਦੇ ਜਲਵਾਯੂ ਬਦਲਾਅ ਕਾਰਨ ਫ਼ਸਲਾਂ ਦੇ ਉਤਪਾਦਨ ਵਿਚ ਘਾਟ ਦੀ ਸੰਭਾਵਨਾ ਪਹਿਲਾਂ ਤੋਂ ਹੀ ਪ੍ਰਗਟਾਈ ਜਾ ਰਹੀ ਹੈ। ਮੈਗਜ਼ੀਨ ਪਲਾਸ ਵਿਚ ਛਪੀ ਇਕ ਖੋਜ ਵਿਚ ਦਸਿਆ ਗਿਆ ਹੈ ਕਿ ਜਲਵਾਯੂ ਬਦਲਾਅ ਕਾਰਨ ਊਰਜਾ ਦੇ ਇਨ੍ਹਾਂ ਅਹਿਮ ਸਰੋਤਾਂ ਦੇ ਉਤਪਾਦਨ ਪਹਿਲਾਂ ਹੀ ਪ੍ਰਭਾਵਤ ਹੋ ਚੁੱਕੇ ਹਨ।
Climate Change
ਬਰਤਾਨੀਆ ਦੀ ਆਕਸਫ਼ੋਰਡ ਯੂਨੀਵਰਸਟੀ ਅਤੇ ਡੈਨਮਾਰਕ ਦੀ ਕੋਪਨਹੇਗਨ ਯੂਨੀਵਰਸਟੀ ਦੇ ਵਿਗਿਆਨੀਆਂ ਨੇ ਮੌਸਮ ਅਤੇ ਫ਼ਸਲੀ ਅੰਕੜਿਆਂ ਦੀ ਵਰਤੋਂ ਕਰ ਕੇ ਜਲਵਾਯੂ ਬਦਲਾਅ ਦੇ ਪ੍ਰਭਾਵ ਦਾ ਅੰਦਾਜ਼ਾ ਲਗਾਇਆ ਹੈ। ਵਿਗਿਆਨੀਆਂ ਨੇ ਕਿਹਾ ਕਿ ਜਲਵਾਯੂ ਬਦਲਾਅ ਕਾਰਨ ਵਿਸ਼ਵ ਦੀਆਂ ਸਿਖਰਲੀਆਂ 10 ਫ਼ਸਲਾਂ ਦੇ ਉਤਪਾਦਨ ਵਿਚ ਕਾਫ਼ੀ ਬਦਲਾਅ ਆਉਂਦਾ ਹੈ। ਇਸ ਵਿਚ ਪਾਮ ਆਇਲ ਦੇ ਉਤਪਾਦਨ ਵਿਚ ਜਿਥੇ 13.4 ਫ਼ੀ ਸਦੀ ਦੀ ਗਿਰਾਵਟ ਆਈ ਹੈ, ਉਥੇ ਸੋਇਆਬੀਨ ਦੇ ਉਤਪਾਦਨ ਵਿਚ 3.5 ਫ਼ੀ ਸਦੀ ਦਾ ਵਾਧਾ ਹੋਇਆ ਹੈ।
Climate Change
ਅਮਰੀਕਾ ਵਿਚ ਮਿਨੇਸੋਟਾ ਯੂਨੀਵਰਸਟੀ ਦੇ ਦੀਪਕ ਰਾਏ ਨੇ ਕਿਹਾ ਕਿ ਇਸ ਵਿਚ ਕੁੱਝ ਨੂੰ ਫ਼ਾਇਦਾ ਹੁੰਦਾ ਹੈ ਜਦਕਿ ਕੁੱਝ ਨੂੰ ਨੁਕਸਾਨ ਹੁੰਦਾ ਹੈ ਅਤੇ ਜਿਨ੍ਹਾਂ ਦੇਸ਼ਾਂ ਵਿਚ ਖਾਧ ਅਸੁਰੱਖਿਆ ਹੈ, ਉਥੇ ਸਥਿਤੀ ਹੋਰ ਵੀ ਖ਼ਰਾਬ ਹੈ। ਜਲਵਾਯੂ ਬਦਲਾਅ ਦਾ ਨਕਾਰਾਤਮਕ ਅਸਰ ਯੂਰਪ, ਦਖਣੀ ਅਫ਼ਰੀਕਾ ਅਤੇ ਆਸਟ੍ਰੇਲੀਆ ਵਿਚ ਹੈ ਜਦਕਿ ਲੈਟਿਨ ਅਮਰੀਕਾ ਵਿਚ ਸਕਾਰਾਤਮਕ ਅਤੇ ਏਸ਼ੀਆ ਅਤੇ ਉਤਰ ਤੇ ਮੱਧ ਅਮਰੀਕਾ ਵਿਚ ਮਿਲਿਆ-ਜੁਲਿਆ ਅਸਰ ਹੈ। ਅਧਿਐਨ ਵਿਚ ਕਿਹਾ ਗਿਆ ਹੈ ਕਿ ਖਾਧ ਅਸੁਰੱਖਿਆ ਵਾਲੇ ਲਗਭਗ ਅੱਧੇ ਦੇਸ਼ਾਂ ਵਿਚ ਫ਼ਸਲ ਉਤਪਾਦਨ ਵਿਚ ਗਿਰਾਵਟ ਆ ਰਹੀ ਹੈ ਅਤੇ ਇਸੇ ਤਰ੍ਹਾਂ ਪਛਮੀ ਯੂਰਪ ਦੇ ਕੁੱਝ ਅਮੀਰ ਦੇਸ਼ਾਂ ਵਿਚ ਵੀ ਖਾਧ ਉਤਪਾਦਨ ਵਿਚ ਗਿਰਾਵਟ ਆ ਰਹੀ ਹੈ।
