ਬ੍ਰਿਟੇਨ ਦੀ ਅਤਿਵਾਦ ਵਿਰੋਧੀ ਪੁਲਸ ਨੇ ਇਕ ਸਿੱਖ ਨੌਜਵਾਨ ਸੰਸਥਾ ਦੇ ਫੰਡ ਦੀ ਕਥਿਤ ਧੋਖਾਧੜੀ ਦੇ ਮਾਮਲੇ ਵਿਚ ਇਕ ਔਰਤ ਸਮੇਤ ਦੋ ਮੈਂਬਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
ਲੰਡਨ: ਬ੍ਰਿਟੇਨ ਦੀ ਅਤਿਵਾਦ ਵਿਰੋਧੀ ਪੁਲਸ ਨੇ ਇਕ ਸਿੱਖ ਨੌਜਵਾਨ ਸੰਸਥਾ ਦੇ ਫੰਡ ਦੀ ਕਥਿਤ ਧੋਖਾਧੜੀ ਦੇ ਮਾਮਲੇ ਵਿਚ ਇਕ ਔਰਤ ਸਮੇਤ ਦੋ ਮੈਂਬਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਵੈਸਟ ਮਿਡਲੈਂਡਜ਼ ਪੁਲਿਸ ਨੇ ਕਿਹਾ ਕਿ ਬੁੱਧਵਾਰ ਨੂੰ ਬਰਮਿੰਘਮ ਵਿਚ 38 ਸਾਲਾ ਇਕ ਵਿਅਕਤੀ ਅਤੇ 49 ਸਾਲਾ ਔਰਤ ਨੂੰ ਬੁੱਧਵਾਰ ਨੂੰ ਜਾਂਚ ਦੇ ਸਿਲਸਿਲੇ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ। ਇਹ ਜਾਂਚ ਪਿਛਲੇ ਸਾਲ ਸਤੰਬਰ ਵਿਚ ਸ਼ੁਰੂ ਹੋਈ ਸੀ।
CTU
ਬ੍ਰਿਟੇਨ ਦਾ ਚੈਰਿਟੀ ਕਮਿਸ਼ਨ, ਸਿੱਖ ਯੂਥ ਯੂਕੇ ਵੱਲੋਂ ਰਸੀਦ ਅਤੇ ਚੈਰਿਟੀ ਫੰਡ ਦੀ ਵਰਤੋਂ ਬਾਰੇ ਜਾਂਚ ਕਰ ਰਿਹਾ ਹੈ ਕਿਉਂਕਿ ਇਸ ਨਾਲ ਕਈ ਰੈਗੂਲੇਟਰੀ ਚਿੰਤਾਵਾਂ ਪੈਦਾ ਹੋਈਆਂ ਹਨ। ਸਿੱਖ ਯੂਥ ਯੂਕੇ ਚੈਰਿਟੀ ਸੰਸਥਾ ਨਹੀਂ ਹੈ ਪਰ ਇਹ ਅਜ਼ਾਦ ਰੈਗੁਲੇਟਰੀ ਦੇ ਅਧਿਕਾਰਕ ਖੇਤਰ ਵਿਚ ਹੈ ਕਿਉਂਕਿ ਜਿਸ ਫੰਡ ਦੀ ਜਾਂਚ ਹੋ ਰਹੀ ਹੈ ਉਹ ਚੈਰਿਟੀ ਲਈ ਹੈ। ਵੈਸਟ ਮਿਡਲੈਂਡਜ਼ ਪੁਲਿਸ ਨੇ ਇਕ ਬਿਆਨ ਵਿਚ ਕਿਹਾ ਕਿ ਵੈਸਟ ਮਿਡਲੈਂਡਸ ਕਾਊਂਟਰ ਟੈਰਰਿਜ਼ਮ ਯੂਨਿਟ ਦੇ ਅਧਿਕਾਰੀਆਂ ਨੇ ਦੋ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
2 Sikh Youth Charity workers arrested
ਸਤੰਬਰ 2018 ਵਿਚ ਤਲਾਸ਼ੀ ਦੌਰਾਨ ਮਿਲੇ ਸਬੂਤਾਂ ਦੀ ਜਾਂਚ ਦੇ ਅਧਾਰ ‘ਤੇ ਅਜਿਹਾ ਕੀਤਾ ਗਿਆ ਹੈ। ਬਿਆਨ ਵਿਚ ਕਿਹਾ ਗਿਆ ਹੈ ਕਿ 38 ਸਾਲਾ ਇਕ ਵਿਅਕਤੀ ਅਤੇ 49 ਸਾਲਾ ਇਕ ਔਰਤ ਨੂੰ ਚੈਰਿਟੀ (ਦਾਨ) ਵਿਚ ਦਿੱਤੇ ਗਏ ਫੰਡ ਦੀ ਕਥਿਤ ਧੋਖਾਧੜੀ ਅਪਰਾਧਾਂ ਦੇ ਸਿਲਸਿਲੇ ਵਿਚ ਪੁੱਛ ਗਿੱਛ ਲਈ ਬਰਮਿੰਘਮ ਵਿਚ ਇਕ ਸਥਾਨ ਤੋਂ ਹਿਰਾਸਤ ਵਿਚ ਲੈ ਲਿਆ ਗਿਆ। ਇਸ ਸੰਸਥਾ ਦੀ ਵੈੱਬਸਾਈਟ ‘ਤੇ ਇਸ ਨੂੰ ਰਾਸ਼ਟਰੀ ਸੰਸਥਾ ਦੱਸਿਆ ਗਿਆ ਹੈ ਪਰ ਉਸ ਦੀਆਂ ਗਤੀਵਿਧੀਆਂ ਵਿਚ ਉਹਨਾਂ ਲੋਕਾਂ ਨੂੰ ਯਾਦ ਕਰਨਾ ਸ਼ਾਮਲ ਹੈ ਜੋ 1984 ਵਿਚ ਸਾਕਾ ਨੀਲਾ ਤਾਰਾ ਦੌਰਾਨ ਮਾਰੇ ਗਏ ਸਨ।
