ਰਾਸ਼ਟਰਪਤੀ ਨੇ ਐਤਵਾਰ ਦੁਪਹਿਰ ਟਵੀਟ ਕਰ ਕੇ ਇਸ ਦੀ ਪੁਸ਼ਟੀ ਕੀਤੀ।
ਵਾਸ਼ਿੰਗਟਨ,: ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਣਨ ਜਾ ਰਹੇ ਡੋਨਾਲਡ ਟਰੰਪ ਨੇ ਦਸਿਆ ਕਿ ਉਨ੍ਹਾਂ ਦੇ ਵਕੀਲ ਰੂਡੀ ਗਿਲਿਆਨੀ ਕੋਰੋਨਾ ਦੀ ਲਪੇਟ ਵਿਚ ਆ ਗਏ ਹਨ। ਰਾਸ਼ਟਰਪਤੀ ਨੇ ਐਤਵਾਰ ਦੁਪਹਿਰ ਟਵੀਟ ਕਰ ਕੇ ਇਸ ਦੀ ਪੁਸ਼ਟੀ ਕੀਤੀ। ਉਨ੍ਹਾਂ ਨੇ ਦਸਿਆ ਕਿ ਨਿਊਯਾਰਕ ਦੇ ਸਾਬਕਾ ਮੇਅਰ ਗਿਲਿਆਨੀ ਕੋਰੋਨਾ ਪੀੜਤ ਹੋ ਗਏ ਹਨ।
ਚੋਣ ਨਤੀਜਿਆਂ ਨੂੰ ਪਲਟਣ ਦੇ ਟਰੰਪ ਦੇ ਯਤਨਾਂ ਖਾਤਰ ਉਨ੍ਹਾਂ ਨੇ ਹਾਲ ਹੀ ਵਿਚ ਕਈ ਸੂਬਿਆਂ ਦੀ ਯਾਤਰਾ ਕੀਤੀ ਸੀ। ਟਰੰਪ ਨੇ ਗਿਲਿਆਨੀ ਦੇ ਜਲਦੀ ਠੀਕ ਹੋਣ ਉਮੀਦ ਜਤਾਈ ਹੈ। ਉਨ੍ਹਾਂ ਟਵੀਟ ਕੀਤਾ, ‘‘ਰੂਡੀ ਤੁਸੀ ਜਲਦੀ ਸਿਹਤਯਾਬ ਹੋਵੋ। ਅਸੀਂ ਜਲਦੀ ਮਿਲਾਂਗੇ।’’ ਐਤਵਾਰ ਸਵੇਰੇ ਗਿਲਿਆਨੀ ਨੇ ਇਕ ਪ੍ਰੋਗਰਾਮ ਵਿਚ ਹਿੱਸਾ ਲਿਆ ਸੀ, ਜਿਸ ਵਿਚ ਟਰੰਪ ਵਲੋਂ ਕਈ ਸੂਬਿਆਂ ਵਿਚ ਦਿਤੀਆਂ ਗਈਆਂ ਕਾਨੂੰੂਨੀ ਚੁਨੌਤੀਆਂ ’ਤੇ ਉਨ੍ਹਾਂ ਨੇ ਚਰਚਾ ਕੀਤੀ ਸੀ।