ਪਹਿਲੀ ਵਾਰ 17 ਦਿਨਾਂ ਦੇ ਬੱਚੇ ਦਾ ਅੰਸ਼ਕ ਹਾਰਟ ਟ੍ਰਾਂਸਪਲਾਂਟ ਸਫਲ
US News: ਅਮਰੀਕੀ ਡਾਕਟਰ ਨੇ ਪਹਿਲੀ ਵਾਰ 17 ਦਿਨ ਦੇ ਬੱਚੇ ਦਾ ਅੰਸ਼ਕ ਹਾਰਟ ਟ੍ਰਾਂਸਪਲਾਂਟ ਕਰਨ ਵਿਚ ਸਫਲਤਾ ਹਾਸਲ ਕੀਤੀ ਹੈ। ਇਸ ਸਫ਼ਲਤਾ ਮਗਰੋਂ ਜਨਮ ਤੋਂ ਦਿਲ ਦੀ ਸਮੱਸਿਆ ਨਾਲ ਜੂਝ ਰਹੇ ਬੱਚੇ ਨੂੰ ਨਵੀਂ ਜ਼ਿੰਦਗੀ ਮਿਲੀ ਹੈ। ਹੁਣ ਬੱਚੇ ਦੇ ਦਿਲ ਦੇ ਨਵੇਂ ਅੰਗ ਬਿਲਕੁਲ ਸਹੀ ਢੰਗ ਨਾਲ ਵਿਕਸਿਤ ਹੋ ਰਹੇ ਹਨ।
20-ਮਹੀਨੇ ਦਾ ਓਵੇਨ ਦੁਨੀਆ ਦਾ ਪਹਿਲਾ ਇਨਸਾਨ ਹੈ, ਜਿਸ ਦਾ ਅੰਸ਼ਕ ਦਿਲ ਦਾ ਟ੍ਰਾਂਸਪਲਾਂਟ ਹੋਇਆ ਹੈ। ਡਿਊਕ ਚਿਲਡਰਨ ਹਸਪਤਾਲ ਦੇ ਡਾਕਟਰਾਂ ਨੇ ਉਸ ਨੂੰ ਨਵਾਂ ਜੀਵਨ ਦਿਤਾ ਹੈ। ਓਵੇਨ ਦੇ ਦਿਲ ਵਿਚ ਗੰਭੀਰ ਨੁਕਸ ਸੀ। ਜਨਮ ਤੋਂ ਸਿਰਫ਼ 17 ਦਿਨਾਂ ਬਾਅਦ ਡਾ. ਜੋਸਫ਼ ਡਬਲਯੂ ਟਿਊਰੇਕ ਨੇ ਸਰਜਰੀ ਕਰਵਾਉਣ ਦਾ ਫੈਸਲਾ ਕੀਤਾ। ਉਸ ਨੇ ਇਕ ਜੀਵਤ ਦਾਨੀ (ਬੱਚੇ) ਤੋਂ ਵਾਲਵ ਅਤੇ ਧਮਨੀਆਂ ਪ੍ਰਾਪਤ ਕੀਤੀਆਂ। ਸਰਜਰੀ ਨੂੰ ਡੇਢ ਸਾਲ ਹੋ ਗਿਆ ਹੈ ਅਤੇ ਓਵੇਨ ਪੂਰੀ ਤਰ੍ਹਾਂ ਤੰਦਰੁਸਤ ਹੈ। ਅਮਰੀਕਨ ਮੈਡੀਕਲ ਜਰਨਲ ਨੇ ਇਸ ਦੁਰਲੱਭ ਮਾਮਲੇ ਦਾ ਅਧਿਐਨ ਪ੍ਰਕਾਸ਼ਿਤ ਕੀਤਾ ਹੈ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਸਰਜਰੀ ਦੀ ਅਗਵਾਈ ਕਰਨ ਵਾਲੇ ਡਾਕਟਰ ਨੇ ਦਸਿਆ ਕਿ ਅਪ੍ਰੈਲ 2022 ਵਿਚ ਜਨਮ ਤੋਂ ਕੁੱਝ ਘੰਟਿਆਂ ਬਾਅਦ, ਓਵੇਨ ਮੋਨਰੋ ਧੜਕਣ ਰੁਕਣ ਦੀ ਸਮੱਸਿਆ ਦੇ ਚੌਥੇ ਪੜਾਅ 'ਤੇ ਪਹੁੰਚ ਗਿਆ ਸੀ। ਜਾਂਚ ਤੋਂ ਪਤਾ ਲੱਗਿਆ ਕਿ ਉਸ ਨੂੰ ਟਰੇਚਲ ਆਰਟੀਰੀਓਸਸ ਸੀ। ਭਾਵ ਉਸ ਦੇ ਦਿਲ ਦੀਆਂ ਦੋ ਮੁੱਖ ਧਮਨੀਆਂ ਜੁੜੀਆਂ ਹੋਈਆਂ ਸਨ। ਇਕ ਵਾਲਵ ਵਿਚ ਲੀਕੇਜ ਸੀ। ਪ੍ਰਵਾਰ ਦੀ ਸਹਿਮਤੀ ਮਗਰੋਂ 8 ਘੰਟੇ ਦੀ ਸਫਲ ਸਰਜਰੀ ਦੌਰਾਨ, ਵਾਲਵ ਨਾਲ ਧਮਨੀਆਂ ਨੂੰ ਜੋੜਿਆ ਗਿਆ। ਹੁਣ ਸਰਜਰੀ ਨੂੰ ਡੇਢ ਸਾਲ ਤੋਂ ਵੱਧ ਸਮਾਂ ਹੋ ਗਿਆ ਹੈ। ਓਵੇਨ ਪੂਰੀ ਤਰ੍ਹਾਂ ਤੰਦਰੁਸਤ ਹੈ। ਉਸ ਦੇ ਵਾਲਵ ਅਤੇ ਧਮਨੀਆਂ ਇਸ ਤਰ੍ਹਾਂ ਵਧ ਰਹੀਆਂ ਹਨ ਜਿਵੇਂ ਉਹ ਉਸ ਦੀਆਂ ਅਪਣੀਆਂ ਸਨ। ਓਵੇਨ ਦੇ ਸਫਲ ਕੇਸ ਨੇ ਹੋਰ ਬੱਚਿਆਂ ਲਈ ਜ਼ਿੰਦਗੀ ਜਿਊਣ ਦਾ ਰਾਹ ਖੋਲ੍ਹ ਦਿਤਾ ਹੈ।
(For more Punjabi news apart from US heart surgery saves child's life and will save many others, stay tuned to Rozana Spokesman)
