ਤਾਲਿਬਾਨ ਦਾ ਹਿੰਸਕ ਚਿਹਰਾ ਫਿਰ ਸਾਹਮਣੇ ਆਇਆ ਜੰਗਬੰਦੀ ਦੇ ਐਲਾਨ ਮਗਰੋਂ 20 ਅਫ਼ਗ਼ਾਨ ਫ਼ੌਜੀਆਂ ਦੀ ਹਤਿਆ
Published : Jun 10, 2018, 4:06 am IST
Updated : Jun 10, 2018, 4:06 am IST
SHARE ARTICLE
Army In Afghanistan
Army In Afghanistan

ਅਫ਼ਗ਼ਾਨਿਸਤਾਨ 'ਚ ਅਤਿਵਾਦੀ ਸੰਗਠਨ ਤਾਲਿਬਾਨ ਨੇ ਈਦ ਦੇ ਮੱਦੇਨਜ਼ਰ ਸਰਕਾਰ ਦੇ ਜੰਗਬੰਦੀ ਦੇ ਪ੍ਰਸਤਾਵ ਨੂੰ ਮੰਨਣ ਦੇ ਕੁੱਝ ਘੰਟੇ ਬਾਅਦ ਹੀ......

ਕਾਬੁਲ,  : ਅਫ਼ਗ਼ਾਨਿਸਤਾਨ 'ਚ ਅਤਿਵਾਦੀ ਸੰਗਠਨ ਤਾਲਿਬਾਨ ਨੇ ਈਦ ਦੇ ਮੱਦੇਨਜ਼ਰ ਸਰਕਾਰ ਦੇ ਜੰਗਬੰਦੀ ਦੇ ਪ੍ਰਸਤਾਵ ਨੂੰ ਮੰਨਣ ਦੇ ਕੁੱਝ ਘੰਟੇ ਬਾਅਦ ਹੀ 20 ਫ਼ੌਜੀਆਂ ਦੀ ਹਤਿਆ ਕਰ ਦਿਤੀ।

ਏਜੰਸੀ ਮੁਤਾਬਕ ਜੰਗਬੰਦੀ ਲਾਗੂ ਹੋਣ ਮਗਰੋਂ ਤਾਲਿਬਾਨੀ ਬਾਗ਼ੀਆਂ ਨੇ ਕਲਾ-ਏ-ਜਲ ਜ਼ਿਲ੍ਹੇ 'ਚ ਕੁੱਝ ਸੁਰੱਖਿਆ ਚੌਕੀਆਂ 'ਤੇ ਹਮਲੇ ਕੀਤੇ, ਜਿਸ 'ਚ 20 ਫ਼ੌਜੀ ਮਾਰੇ ਗਏ ਅਤੇ 6 ਜ਼ਖ਼ਮੀ ਹੋ ਗਏ। ਇਸ ਤੋਂ ਪਹਿਲਾਂ ਰਾਸ਼ਟਰਪਤੀ ਅਬਦੁਲ ਗਨੀ ਨੇ 7 ਦਿਨ ਤਕ ਜੰਗਬੰਦੀ ਦੀ ਗੱਲ ਕਹੀ ਸੀ, ਪਰ ਅਤਿਵਾਦੀ ਸੰਗਠਨ ਸਿਰਫ਼ ਤਿੰਨ ਦਿਨ ਲਈ ਸਹਿਮਤ ਹੋਇਆ ਸੀ। ਜ਼ਿਕਰਯੋਗ ਹੈ ਕਿ ਸਾਲ 2001 'ਚ ਅਮਰੀਕਾ ਨਾਲ ਸੰਘਰਸ਼ ਸ਼ੁਰੂ ਹੋਣ ਤੋਂ ਬਾਅਦ ਅਜਿਹਾ ਪਹਿਲੀ ਵਾਰ ਹੈ ਕਿ ਤਾਲਿਬਾਨ ਨੇ ਅਫ਼ਗ਼ਾਨ ਸਰਕਾਰ ਨਾਲ ਸਮਝੌਤਾ ਕੀਤਾ ਹੋਵੇ।

ਤਾਲਿਬਾਨ ਨੇ ਇਸ ਨਾਲ ਸਬੰਧਤ ਇਕ ਸੰਦੇਸ਼ ਅਫ਼ਗ਼ਾਨਿਸਤਾਨ ਦੇ ਸਾਰੇ ਪੱਤਰਕਾਰਾਂ ਨੂੰ ਭੇਜਿਆ। ਇਸ 'ਚ ਸੰਗਠਨ ਨੇ ਲਿਖਿਆ, ''ਸਾਰੇ ਮੁਜ਼ਾਹਿਦੀਨਾਂ ਨੂੰ ਨਿਰਦੇਸ਼ ਦਿਤੇ ਹਨ ਕਿ ਉਹ ਈਦ ਦੇ ਪਹਿਲੇ ਤਿੰਨ ਦਿਨ ਅਫ਼ਗ਼ਾਨ ਸੁਰੱਖਿਆ ਫ਼ੌਜ 'ਤੇ ਹਮਲਾ ਨਾ ਕਰਨ।'' ਹਾਲਾਂਕਿ ਸੰਦੇਸ਼ 'ਚ ਤਾਲਿਬਾਨ ਨੇ ਚਿਤਾਵਨੀ ਵਜੋਂ ਲਿਖਿਆ ਹੈ ਕਿ ਜੇ ਮੁਜ਼ਾਹਿਦੀਨਾਂ 'ਤੇ ਕਿਸੇ ਤਰ੍ਹਾਂ ਦਾ ਹਮਲਾ ਹੁੰਦਾ ਹੈ ਤਾਂ ਅਸੀ ਵੀ ਅਪਣੀ ਰਖਿਆ ਕਰਾਂਗੇ। ਉਥੇ ਹੀ ਵਿਦੇਸ਼ੀ ਫ਼ੌਜੀਆਂ ਨੂੰ ਅਤਿਵਾਦੀ ਸੰਗਠਨ ਨੇ ਇਸ ਜੰਗਬੰਦੀ ਤੋਂ ਬਾਹਰ ਰਖਿਆ ਹੈ।

ਮਤਲਬ ਅਤਿਵਾਦੀ ਅਫ਼ਗ਼ਾਨ ਫ਼ੌਜੀਆਂ ਤੋਂ ਇਲਾਵਾ ਬਾਕੀ ਕਿਸੇ ਵੀ ਦੇਸ਼ ਦੇ ਫ਼ੌਜੀਆਂ ਨੂੰ ਨਿਸ਼ਾਨਾ ਬਣਾ ਸਕਦੇ ਹਨ। ਜ਼ਿਕਰਯੋਗ ਹੈ ਕਿ ਇਸੇ ਮਹੀਨੇ ਉਲੇਮਾ ਆਗੂਆਂ ਨੇ ਆਤਮਘਾਤੀ ਹਮਲਿਆਂ ਨੂੰ ਇਸਲਾਮ ਵਿਰੋਧੀ ਦਸਦਿਆਂ ਫ਼ਤਵਾ ਜਾਰੀ ਕੀਤਾ ਸੀ। ਅਤਿਵਾਦੀਆਂ ਨੇ ਇਸ ਦੇ ਇਕ ਘੰਟੇ ਬਾਅਦ ਹੀ ਰਾਜਧਾਨੀ ਕਾਬੁਲ 'ਚ ਆਤਮਘਾਤੀ ਹਮਲਾ ਕੀਤਾ ਸੀ, ਜਿਸ 'ਚ 7 ਉਲੇਮਾ ਮਾਰੇ ਗਏ ਸਨ। ਦਸਿਆ ਜਾ ਰਿਹਾ ਹੈ ਕਿ ਅਤਿਵਾਦੀ ਅਪਣੇ ਵਿਰੁਧ ਜਾਰੀ ਫ਼ਤਵੇ ਤੋਂ  ਨਾਰਾਜ਼ ਸਨ। (ਪੀਟੀਆਈ)

Location: Afghanistan, Kabol, Kabul

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Punjab Flood Emotional Video : ਮੀਂਹ ਨਾਲ ਚੋਂਦੀ ਛੱਤ ਥੱਲੇ ਬੈਠੀ ਬਜ਼ੁਰਗ ਮਾਤਾ, ਹਾਲਾਤ ਦੱਸਦਿਆਂ ਰੋ ਪਈ

29 Aug 2025 3:12 PM

Flood News : Madhopur ਹੈੱਡ ਵਰਕਸ ਦੇ ਕਿਉਂ ਟੁੱਟੇ Flood Gate? ਹੁਣ ਕਿੰਝ ਕਾਬੂ ਹੋਵੇਗਾ Ravi River ਦਾ ਪਾਣੀ ?

29 Aug 2025 3:11 PM

kartik baggan murder Case : ਦੇਖੋ ਕਿਵੇਂ ਕੀਤਾ ਗਿਆ Ludhiana Influencer Kartik Baggan ਦਾ murder

28 Aug 2025 2:56 PM

Punjab Flood Rescue Operation : ਲੋਕਾਂ ਦੀ ਜਾਨ ਬਚਾਉਣ ਲਈ ਪਾਣੀ 'ਚ ਉਤਰਿਆ ਫੌਜ ਦਾ 'HULK'

28 Aug 2025 2:55 PM

Gurdwara Sri Kartarpur Sahib completely submerged in water after heavy rain Pakistan|Punjab Floods

27 Aug 2025 3:16 PM
Advertisement