ਕਰੂਜ਼ ਮੈਂਬਰਾਂ ਨੇ ਭਾਰਤ ਸਰਕਾਰ ਤੋਂ ਮਦਦ ਦੀ ਅਪੀਲ ਕੀਤੀ ਹੈ
ਬੀਜਿੰਗ- ਕੋਰੋਨਾ ਵਾਇਰਸ ਨਾਲ ਸੰਕਰਮਣ ਦੀ ਸੰਭਾਵਨਾ ਦੇ ਕਾਰਨ ਜਪਾਨ ਦੇ ਸਮੁੰਦਰੀ ਤੱਟ ‘ਤੇ 5 ਦਿਨਾਂ ਤੋਂ ਲਗਜ਼ਰੀ ਕਰੂ ਅਟਕਿਆ ਹੋਇਆ ਹੈ। ਇਸ ਵਿਚ 160 ਭਾਰਤੀ ਕਰੂ ਮੈਂਬਰ ਹਨ। ਇਨ੍ਹਾਂ ਕਰੂ ਮੈਂਬਰਾਂ ਨੇ ਭਾਰਤ ਸਰਕਾਰ ਤੋਂ ਮਦਦ ਦੀ ਅਪੀਲ ਕੀਤੀ ਹੈ। ਕਰੂ ਮੈਂਬਰਾਂ ਨੇ ਕਿਹਾ ਕਿ 160 ਭਾਰਤੀਆਂ ਵਿਚੋਂ 90% ਭਾਰਤੀ ਇਸ ਸੰਕਰਮਣ ਤੋਂ ਬਚੇ ਹੋਏ ਸਨ।
File
ਇਨ੍ਹਾਂ ਲੋਕਾਂ ਨੇ ਕਿਹਾ- ਮੋਦੀ ਜੀ ਕਿਰਪਾ ਕਰਕੇ ਕੁਝ ਵੀ ਕਰ ਕੇ ਸਾਨੂੰ ਬਚਾਓ। ਜੇਕਰ ਸੰਕਰਮਣ ਹੋ ਗਿਆ ਅਤੇ ਫਿਰ ਬਚਾਉਣ ਲਈ ਕੋਈ ਆਉਂਦਾ ਹੈ, ਤਾਂ ਉਸ ਦਾ ਫਾਇਦਾ ਕੀ ਹੈ? ਇਸ ਜਹਾਜ਼ ਵਿਚ 3700 ਯਾਤਰੀ ਅਤੇ ਚਾਲਕ ਦਲ ਦੇ ਮੈਂਬਰ ਹਨ। ਇਨ੍ਹਾਂ ਵਿੱਚੋਂ 135 ਵਿਅਕਤੀ ਹੁਣ ਤੱਕ ਕੋਰੋਨਾ ਵਾਇਰਸ ਨਾਲ ਸੰਕਰਮਿਤ ਪਾਏ ਗਏ ਹਨ। ਇਸ ਦੌਰਾਨ ਚੀਨ ਵਿੱਚ ਇੱਕ ਦਿਨ ਵਿਚ ਸੰਕਰਮਣ ਕਾਰਨ ਲਗਭਗ 97 ਲੋਕਾਂ ਦੀ ਮੌਤ ਹੋ ਗਈ।
File
ਇਸ ਤੋਂ ਬਾਅਦ ਮੌਤਾਂ ਦਾ ਅੰਕੜਾ 908 ਤੱਕ ਪਹੁੰਚ ਗਿਆ ਹੈ। 3062 ਨਵੇਂ ਕੇਸ ਸਾਹਮਣੇ ਆਏ। ਵਾਇਰਸ ਨਾਲ ਪੀੜਤ ਲੋਕਾਂ ਦੀ ਗਿਣਤੀ 40 ਹਜ਼ਾਰ ਨੂੰ ਪਾਰ ਕਰ ਗਈ ਹੈ। ਵੀਡੀਓ ਵਿੱਚ ਦਿਖਾਇਆ ਗਿਆ ਕਿ ਚਾਲਕ ਦਲ ਦੇ ਮੈਂਬਰਾਂ ‘ਚ ਰਸੋਈਆ ਬਿਨੈ ਕੁਮਾਰ ਨੇ ਇੱਕ ਮਖੌਟਾ ਪਾਇਆ ਹੋਇਆ ਹੈ। ਉਹ ਹਿੰਦੀ ‘ਚ ਪੀਐਮ ਮੋਦੀ ਅਤੇ ਸੰਯੁਕਤ ਰਾਸ਼ਟਰ ਨੂੰ ਸੰਬੋਧਿਤ ਕਰਦਿਆਂ ਕਹਿ ਰਹੇ ਹਨ ਕਿ ਭਾਰਤੀਆਂ ਨੂੰ ਹੋਰ ਲੋਕਾਂ ਤੋਂ ਤੁਰੰਤ ਵੱਖ ਕੀਤਾ ਜਾਵੇ।
File
ਵਿਅਕਤੀ ਕਹਿ ਰਿਹਾ ਹੈ ਕਿ ਉਨ੍ਹਾਂ ਚੋਂ ਕਿਸੇ ਦੀ ਵੀ ਕੋਰੋਨਾ ਵਾਇਰਸ ਲਈ ਜਾਂਚ ਨਹੀਂ ਕੀਤੀ ਗਈ ਹੈ। ਵੀਡੀਓ ਵਿੱਚ ਵੇਖਿਆ ਜਾ ਰਿਹਾ ਹੈ ਕਿ ਚਾਰੇ ਪਾਸੇ ਮਾਸਕ ਵਾਲੇ ਪੰਜ ਭਾਰਤੀ ਵੀ ਖੜ੍ਹੇ ਹਨ। ਉਹ ਉਨ੍ਹਾਂ ਨੂੰ ਜਲਦ ਤੋਂ ਜਲਦ ਬਚਾਉਣ ਦੀ ਅਪੀਲ ਕਰ ਰਿਹਾ ਹੈ। ਜੇ ਉਨ੍ਹਾਂ ਨੂੰ ਕੁਝ ਹੁੰਦਾ ਹੈ ਤਾਂ ਕੀ ਹੁੰਦਾ? ਮੈਂ ਭਾਰਤ ਸਰਕਾਰ ਅਤੇ ਪ੍ਰਧਾਨ ਮੰਤਰੀ ਮੋਦੀ ਜੀ ਨੂੰ ਬੇਨਤੀ ਕਰਨਾ ਚਾਹੁੰਦਾ ਹਾਂ ਕਿ ਕਿਰਪਾ ਕਰਕੇ ਸਾਨੂੰ ਬਾਕੀ ਲੋਕਾਂ ਤੋਂ ਵੱਖ ਕਰਕੇ ਸੁਰੱਖਿਅਤ ਘਰ ਵਾਪਸ ਆਉਣ ਦਵੋ।
File
ਟੋਕਿਓ ਵਿੱਚ ਸੋਮਵਾਰ ਨੂੰ ਇੱਕ ਟਵੀਟ ‘ਚ ਭਾਰਤੀ ਦੂਤਘਰ ਨੇ ਕਿਹਾ ਕਿ ਅਜਿਹੀਆਂ ਖ਼ਬਰਾਂ ਆਈਆਂ ਸਨ ਕਿ ਜਹਾਜ ‘ਚ ਸਵਾਰ ਭਾਰਤੀ ਲੋਕ ਵੀ ਹਨ। ਸਫਾਰਤਖਾਨੇ ਨੇ ਕਿਹਾ ਕਿ ਬਹੁਤ ਸਾਰੇ ਚਾਲਕ ਦਲ ਅਤੇ ਕੁਝ ਭਾਰਤੀ ਯਾਤਰੀ ਇਸ ਕਰੂ 'ਤੇ ਹਨ ਤੇ ਉਨ੍ਹਾਂ ਨੂੰ ਕੋਰੋਨਾ ਵਾਇਰਸ ਸੰਕਟ ਕਾਰਨ ਵੱਖਰਾ ਰੱਖਿਆ ਗਿਆ ਹੈ। ਟਵੀਟ ‘ਚ ਇਹ ਨਹੀਂ ਦੱਸਿਆ ਗਿਆ ਹੈ ਕਿ ਭਾਰਤੀਆਂ ਦੀ ਕੁਲ ਗਿਣਤੀ ਕੀ ਹੈ।
