Advertisement
  ਖ਼ਬਰਾਂ   ਕੌਮਾਂਤਰੀ  13 Aug 2020  ਚੀਨੀ ਦਾਅਵਾ : ਬ੍ਰਾਜ਼ੀਲ ਤੋਂ ਆਈਆਂ ਮੁਰਗੀਆਂ ਕੋਰੋਨਾ ਪਾਜ਼ੇਟਿਵ, ਨਾਗਰਿਕਾਂ ਲਈ ਚੇਤਾਵਨੀ ਜਾਰੀ!

ਚੀਨੀ ਦਾਅਵਾ : ਬ੍ਰਾਜ਼ੀਲ ਤੋਂ ਆਈਆਂ ਮੁਰਗੀਆਂ ਕੋਰੋਨਾ ਪਾਜ਼ੇਟਿਵ, ਨਾਗਰਿਕਾਂ ਲਈ ਚੇਤਾਵਨੀ ਜਾਰੀ!

ਏਜੰਸੀ
Published Aug 13, 2020, 8:16 pm IST
Updated Aug 13, 2020, 8:16 pm IST
ਮਾਸਾਹਾਰੀ ਵਸਤਾਂ ਦੀ ਸਕ੍ਰੀਨਿੰਗ ਦੌਰਾਨ ਖੁਲਾਸਾ ਹੋਣ ਦਾ ਦਾਅਵਾ
poultry
 poultry

ਬੀਜਿੰਗ : ਕੋਰੋਨਾ ਵਾਇਰਸ ਮਹਾਂਮਾਰੀ ਦੇ ਦੌਰ ਵਿਚ ਚੀਨ ਨੇ ਹੁਣ ਬ੍ਰਾਜ਼ੀਲ ਤੋਂ ਆਯਾਤ ਹੋਣ ਵਾਲੇ ਫਰੋਜ਼ਨ ਚਿਕਨ ਸਬੰਧੀ ਵੱਡਾ ਦਾਅਵਾ ਕੀਤਾ ਹੈ। ਅਸਲ ਵਿਚ ਦਖਣੀ ਚੀਨੀ ਸ਼ਹਿਰ ਸ਼ੇਨਝੇਂਨ ਵਿਚ ਵੱਡੀ ਮਾਤਰਾ ਵਿਚ ਬ੍ਰਾਜ਼ੀਲ ਤੋਂ ਫਰੋਜ਼ਨ ਚਿਕਨ ਵਿੰਗਸ ਆਯਾਤ ਕੀਤਾ ਜਾਂਦਾ ਹੈ। ਵੀਰਵਾਰ ਨੂੰ ਚੀਨ ਦੀ ਸਰਕਾਰ ਨੇ ਇਕ ਨੋਟਿਸ ਜਾਰੀ ਕਰਦਿਆਂ ਕਿਹਾ ਕਿ ਕੋਰੋਨਾ ਟੈਸਟ ਕਰਾਏ ਜਾਣ 'ਤੇ ਇਹ ਫਰੋਜ਼ਨ ਚਿਕਨ ਵਿੰਗਸ ਕੋਵਿਡ-19 ਪਾਜ਼ੇਟਿਵ ਪਾਏ ਗਏ ਹਨ।

Ambulance used to ferry poultrypoultry

ਚੀਨ ਦੇ ਸਥਾਨਕ ਰੋਗ ਕੰਟਰੋਲ ਕੇਂਦਰ (ਸੀਡੀਸੀ) ਨੇ ਕੋਰੋਨਾ ਵਾਇਰਸ ਸੰਕਟ ਨੂੰ ਦੇਖਦੇ ਹੋਏ ਜੂਨ ਦੇ ਬਾਅਦ ਤੋਂ ਮਾਸਾਹਾਰੀ ਅਤੇ ਸਮੁੰਦਰੀ ਭੋਜਨ (ਸੀ-ਫੂਡ) ਵਰਗੀਆਂ ਆਯਾਤ ਹੋਣ ਵਾਲੀਆਂ ਖਾਣੇ ਦੀਆਂ ਵਸਤਾਂ ਦੀ ਸਕ੍ਰੀਨਿੰਗ ਕਰਨੀ ਸ਼ੁਰੂ ਕੀਤੀ।

poultry farmpoultry farm

ਰੂਟੀਨ ਸਕ੍ਰੀਨਿੰਗ ਦੇ ਰੂਪ ਵਿਚ ਮਾਂਸ ਦੀ ਉੱਪਰੀ ਸਤਹਿ ਦੇ ਨਮੂਨੇ ਦਾ ਜਦੋਂ ਕੋਰੋਨਾ ਟੈਸਟ ਕੀਤਾ ਗਿਆ ਤਾਂ ਉਸ ਦੇ ਨਤੀਜੇ ਪਾਜ਼ੇਟਿਵ ਮਿਲੇ। ਇਸ ਦੇ ਇਲਾਵਾ ਚੀਨ ਦੇ ਕਈ ਸ਼ਹਿਰਾਂ ਵਿਚ ਸੀ-ਫੂਡ ਦੇ ਪੈਕੇਜਿੰਗ ਦੀ ਜਾਂਚ ਕਰਨ 'ਤੇ ਵੀ ਕੋਰੋਨਾ ਲਾਗ ਪਾਏ ਜਾਣ ਦੀ ਗੱਲ ਸਾਹਮਣੇ ਆਈ ਹੈ।

poultry farmpoultry farm

ਨਾਗਰਿਕਾਂ ਨੂੰ ਕੀਤਾ ਸਾਵਧਾਨ ਰਹਿਣ ਲਈ ਕਿਹਾ : ਸ਼ੇਨਝੇਨ ਸਿਹਤ ਅਧਿਕਾਰੀ ਹੁਣ ਉਹਨਾਂ ਸਾਰੇ ਲੋਕਾਂ ਦਾ ਪਤਾ ਲਗਾਉਣ ਵਿਚ ਜੁਟ ਗਏ ਹਨ ਜੋ ਇਹਨਾਂ ਖਾਧ ਉਤਪਾਦਾਂ ਦੇ ਸੰਪਰਕ ਵਿਚ ਆਏ। ਇਸ ਦੇ ਇਲਾਵਾ ਹੁਣ ਚੀਨ ਪ੍ਰਸ਼ਾਸਨ ਪਹਿਲਾਂ ਤੋਂ ਸਟੋਰ ਕੀਤੇ ਗਏ ਖਾਧ ਉਤਪਾਦਾਂ ਦੀ ਵੀ ਜਾਂਚ ਕਰ ਰਿਹਾ ਹੈ। ਭਾਵੇਂਕਿ ਹਾਲੇ ਤਕ ਸਟੋਰ ਕੀਤੀ ਗਈ ਭੋਜਨ ਸਮੱਗਰੀ ਵਿਚ ਕੋਰੋਨਾ ਦਾ ਵਾਇਰਸ ਨਹੀਂ ਪਾਇਆ ਗਿਆ ਹੈ। ਸ਼ੇਨਝੇਨ ਦੇ ਮਹਾਮਾਰੀ ਰੋਕਥਾਮ ਅਤੇ ਕੰਟਰੋਲ ਹੈੱਡਕੁਆਰਟਰ ਨੇ ਲੋਕਾਂ ਨੂੰ ਚੇਤਾਵਨੀ ਦਿੰਦੇ ਹੋਏ ਕਿਹਾ ਕਿ ਆਯਤਿਤ ਚਿਕਨ ਅਤੇ ਸੀ-ਫੂਡ ਦੀ ਗੱਲ ਆਉਣ 'ਤੇ ਜਨਤਾ ਨੂੰ ਸਾਵਧਾਨ ਹੋਣ ਦੀ ਲੋੜ ਹੈ।

poultry farmpoultry farm

ਵੁਹਾਨ ਦੀ ਸਮੁੰਦਰੀ ਭੋਜਨ ਮਾਰਕੀਟ ਤੋਂ ਵਾਇਰਸ ਫੈਲਣ ਦਾ ਖਦਸ਼ਾ : ਚੀਨ ਦੇ ਵੁਹਾਨ ਸ਼ਹਿਰ ਤੋਂ ਦੁਨੀਆਂ ਭਰ 'ਚ ਕੋਰੋਨਾ ਵਾਇਰਸ ਦੀ ਮਹਾਂਮਾਰੀ ਫੈਲੀ ਹੈ। ਇਹ ਖਦਸ਼ਾ ਹੈ ਕਿ ਇਹ ਵਾਇਰਸ ਇਥੇ ਦੇ ਸਮੁੰਦਰੀ ਭੋਜਨ ਬਾਜ਼ਾਰ ਤੋਂ ਫੈਲਿਆ ਸੀ। ਇਸ ਮਾਰਕੀਟ 'ਚ ਕਈ ਤਰ੍ਹਾਂ ਦੇ ਜਾਨਵਰਾਂ ਦਾ ਮਾਸ ਵਿਕਦਾ ਹੈ ਜਿਸ 'ਚ ਚਮਗਿਦੱੜਾਂ ਅਤੇ ਸੱਪ ਸ਼ਾਮਲ ਹਨ। ਵਾਇਰਸ ਨੂੰ ਲੈ ਕੇ ਵਿਵਾਦ ਵਧਣ ਤੋਂ ਬਾਅਦ ਚੀਨ ਨੇ ਕਈ ਜਾਨਵਰਾਂ ਦੇ ਖਰੀਦਣ ਅਤੇ ਵੇਚਣ ਤੇ ਪਾਬੰਦੀ ਲਗਾ ਦਿਤੀ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।

Location: China, Hunan
Advertisement
Advertisement

 

Advertisement
Advertisement