ਛੋਟੇ ਛੋਟੇ ਕੰਮ ਕਰਦੀ ਹੈ 'ਟੀਮਿਆ' ਨਾਮ ਦੀ ਇਹ ਰੋਬੋਟ
ਕਾਬੁਲ : ਅਫ਼ਗ਼ਾਨਿਸਤਾਨ ਦੀ ਰਾਜਧਾਨੀ ਕਾਬੁਲ ਦੇ ਇਕ ਰੈਸਤਰਾਂ ਵਿਚ ਇਹਨੀਂ ਦਿਨੀਂ ਇਕ ਰੋਬੋਟ ਵੇਟਰ ਲੋਕਾਂ ਦੇ ਖਿੱਚ ਦਾ ਕੇਂਦਰ ਬਣੀ ਹੋਈ ਹੈ। ਇਹ ਅਫ਼ਗ਼ਾਨਿਸਤਾਨ ਵਿਚ ਪਹਿਲੀ ਰੋਬੋਟ ਵੇਟਰ ਹੈ, ਜੋ ਇਕ ਯੁੱਧਗ੍ਰਸਤ ਦੇਸ਼ ਵਿਚ ਲੋਕਾਂ ਨੂੰ ਭੋਜਨ ਪਰੋਸਣ ਦੇ ਨਾਲ-ਨਾਲ ਉਹਨਾਂ ਦੇ ਚਿਹਰੇ 'ਤੇ ਮੁਸਕੁਰਾਹਟ ਵੀ ਬਿਖੇਰ ਰਹੀ ਹੈ।
Photo
'ਟੀਮਿਆ' ਨਾਂ ਦੀ ਇਸ ਰੋਬੋਟ ਦੀ ਲੰਬਾਈ 5 ਫੁੱਟ ਹੈ ਤੇ ਇਹ ਅਜੇ ਛੋਟੇ-ਛੋਟੇ ਕੰਮ ਕਰਦੀ ਹੈ। ਇਹ ਅਫ਼ਗ਼ਾਨਿਸਤਾਨ ਦੀਆਂ ਦੋ ਮੁੱਖ ਭਾਸ਼ਾਵਾਂ ਵਿਚੋਂ ਇਕ 'ਦਾਰੀ' ਵਿਚ ਗੱਲ ਕਰਦੀ ਹੈ। ਇਸ ਨੂੰ 'ਹੈਪੀ ਬਰਥਡੇ' ਜਿਹੇ ਕੁਝ ਵਾਕ ਵੀ ਆਉਂਦੇ ਹਨ। ਰੈਸਤਰਾਂ ਦੇ ਪ੍ਰਬੰਧਕ ਮੁਹੰਮਦ ਰਫੀ ਸ਼ੀਰਜਾਦ ਨੇ ਇਸ ਰੋਬੋਟ ਨੂੰ ਜਾਪਾਨ ਤੋਂ ਲਿਆਂਦਾ ਹੈ।
Photo
ਪਿਛਲੇ ਮਹੀਨੇ ਇਸ ਨੇ ਇਥੇ ਕੰਮ ਕਰਨਾ ਸ਼ੁਰੂ ਕੀਤਾ ਹੈ, ਜਿਸ ਤੋਂ ਬਾਅਦ ਤੋਂ ਨਵੇਂ ਗਾਹਕਾਂ ਦੀ ਆਮਦ ਵਧ ਗਈ ਹੈ। ਉਹਨਾਂ ਨੇ ਕਿਹਾ ਕਿ ਇਥੇ ਕਈ ਲੋਕਾਂ ਦੇ ਲਈ ਰੋਬੋਟ ਦੇਖਣਾ ਦਿਲਚਸਪ ਗੱਲ ਹੈ। ਸ਼ੀਰਜਾਦਾ ਨੇ ਕਿਹਾ ਕਿ ਕਦੇ-ਕਦੇ ਤਾਂ ਬੱਚੇ ਰੋਬੋਟ ਨੂੰ ਭੋਜਨ ਲਿਆਉਂਦੇ ਦੇਖ ਖੁਸ਼ੀ ਨਾਲ ਛਾਲਾਂ ਮਾਰਨ ਲੱਗਦੇ ਹਨ। ਇਕ ਪਾਸੇ ਜਾਪਾਨ ਤੇ ਚੀਨ ਵਿਚ ਆਮ ਸਥਾਨਾਂ 'ਤੇ ਰੋਬੋਟ ਦੀ ਤਾਦਾਦ ਵਧ ਰਹੀ ਹੈ, ਉਥੇ ਹੀ ਦੂਜੇ ਪਾਸੇ ਸੰਕਟਗ੍ਰਸਤ ਅਫ਼ਗ਼ਾਨਿਸਤਾਨ ਵਿਚ ਇਹ ਨਵੀਂ ਗੱਲ ਹੈ।
Photo
ਅਫ਼ਗ਼ਾਨਿਸਤਾਨ ਵਿਚ ਦਹਾਕਿਆਂ ਤਕ ਚੱਲੇ ਯੁੱਧ ਦੇ ਕਾਰਨ ਕਈ ਬੁਨਿਆਦੀ ਢਾਂਚੇ ਤਬਾਹ ਹੋ ਗਏ ਹਨ। ਅਜਿਹੇ ਵਿਚ ਇਹ ਰੋਬੋਟ ਵੇਟਰੈਸ ਕੁਝ ਦੇਰ ਦੇ ਲਈ ਹੀ ਸਹੀ, ਲੋਕਾਂ ਦੇ ਚਿਹਰੇ 'ਤੇ ਮੁਸਕੁਰਾਹਟ ਦਾ ਕਾਰਨ ਬਣ ਰਿਹਾ ਹੈ।
Photo
9 ਸਾਲਾ ਅਹਿਮਦ ਜਕੀ ਰੋਬੋਟ ਨੂੰ ਦੇਖ ਕੇ ਬੇਹੱਦ ਖੁਸ਼ ਹੈ। ਉਸ ਨੇ ਕਿਹਾ ਕਿ ਮੈਂ ਸਿਰਫ਼ ਟੀਵੀ 'ਤੇ ਹੀ ਅਜਿਹੇ ਰੋਬੋਟ ਦੇਖੇ ਸਨ, ਲਿਹਾਜ਼ਾ ਮੈਂ ਅਪਣੇ ਪਿਤਾ ਨੂੰ ਮੈਨੂੰ ਇਸ ਰੈਸਤਰਾਂ ਲਿਆਉਣ ਲਈ ਕਿਹਾ।
