ਬਾਰਸ਼ ਹੋਣ ਦੇ ਬਾਵਜੂਦ ਸੰਗਤਾਂ ਦਾ ਭਰਪੂਰ ਹੁੰਗਾਰਾ
ਅੱਜ ਭਾਵੇਂ ਮੌਸਮ ਐਨਾ ਵਧੀਆ ਨਹੀਂ ਸੀ ਪਰ ਇਸ ਦੇ ਬਾਵਜੂਦ ਗੁਰਦਵਾਰਾ ਨਾਨਕਸਰ ਠਾਠ ਈਸ਼ਰ ਦਰਬਾਰ ਵਿਖੇ ਖਾਲਸਾ ਸਾਜਨਾ ਦਿਵਸ ਨੂੰ ਸਮਰਪਤ ਵਿਸ਼ਾਲ ਨਗਰ ਕੀਰਤਨ ਸਜਾਇਆ ਗਿਆ।ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਸਰੂਪ ਨੂੰ ਸੁੰਦਰ ਸਜੇ ਟਰੱਕ ਉਤੇ ਸੁਸ਼ੋਭਿਤ ਕੀਤਾ ਗਿਆ ਅਤੇ ਬਾਰਿਸ਼ ਤੋਂ ਬਚਾਅ ਵਾਸਤੇ ਪਲਾਸਟਿਕ ਸ਼ੀਟਾਂ ਲਗਾਈਆਂ ਸਨ। ਸੰਗਤਾਂ ਦਾ ਭਰਪੂਰ ਇਕੱਠ ਸੀ ਅਤੇ ਬਾਰਿਸ਼ ਦੀ ਪ੍ਰਵਾਹ ਕੀਤੇ ਬਗੈਰ ਸੰਗਤਾਂ ਨੇ ਨਗਰ ਕੀਰਤਨ ਦਾ ਪੂਰਾ ਸਾਥ ਦਿਤਾ ਪਰ ਨਗਰ ਕੀਰਤਨ ਦਾ ਸਫ਼ਰ ਥੋੜਾ ਛੋਟਾ ਕਰ ਲਿਆ ਗਿਆ ਸੀ।ਨਗਰ ਕੀਰਤਨ ਦੀ ਆਰੰਭਤਾ ਮੌਸਮ ਖ਼ਰਾਬ ਦੇ ਚਲਦਿਆਂ ਅੱਧਾ ਘੰਟਾ ਲੇਟ ਸ਼ੁਰੂਆਤ ਹੋਈ ਅਤੇ ਲਗਪਗ 1:30 ਵਜੇ ਨਗਰ ਕੀਰਤਨ ਵਾਪਸ ਗੁਰਦਵਾਰਾ ਸਾਹਿਬ ਪਹੁੰਚਿਆ।
Nagar Kirtan
ਨਗਰ ਕੀਰਤਨ ਦੀ ਅਗਵਾਈ ਪੰਜ ਪਿਆਰਿਆਂ ਅਤੇ ਪੰਜ ਨਿਸ਼ਾਨਚੀਆਂ ਨੇ ਕੀਤੀ ਜਦ ਕਿ ਰਹਿਨੁਮਾਈ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਰਹੀ। ਗਤਕਾ ਪਾਰਟੀਆਂ ਵੀ ਪਹੁੰਚੀਆਂ ਹੋਈਆਂ ਸਨ ਅਤੇ ਸਮਾਪਤੀ ਉਤੇ ਪੂਰਾ ਗਤਕੇ ਦਾ ਅਖਾੜਾ ਲਾਇਆ ਗਿਆ। ਕੁਝ ਸੰਗਤਾਂ ਟਰੱਕਾਂ ਦੇ ਵਿਚ ਸੀ ਸਨ ਅਤੇ ਕਾਰਾਂ ਦੇ ਵਿਚ ਸਨ। ਰਸਤੇ ਦੇ ਵਿਚ ਮੈਚ ਰੋਡ ਉਤੇ ਸੰਗਤਾਂ ਵਾਸਤੇ ਕਈ ਤਰ੍ਹਾਂ ਦੇ ਫਲ-ਫ਼ਰੂਟ ਅਤੇ ਹੋਰ ਪੇਯਜਲ ਰੱਖੇ ਗਏ ਸਨ। ਅੰਤ ਇਹ ਨਗਰ ਕੀਰਤਨ ਪਿਛਲੇ ਸਾਲਾਂ ਵਾਂਗ ਅਪਣੀ ਸਫ਼ਲਤਾ ਦੇ ਨਾਲ ਸਮਾਪਤ ਹੋ ਗਿਆ।
