ਸੰਯੁਕਤ ਰਾਸ਼ਟਰ ਸੰਘ ਦੀ ਸੁਰੱਖਿਆ ਪ੍ਰੀਸ਼ਦ ਵੱਲੋਂ ਰਿਪੋਰਟ ਜਾਰੀ
ਸੰਯੁਕਤ ਰਾਸ਼ਟਰ ਸੰਘ ਦੀ ਸੁਰੱਖਿਆ ਪ੍ਰੀਸ਼ਦ ਨੇ ਇਕ ਰਿਪੋਰਟ ਜਾਰੀ ਕੀਤੀ ਜਿਸ ਵਿਚ ਕਿਹਾ ਗਿਆ ਹੈ ਕਿ ਓਸਾਮਾ ਬਿਨ ਲਾਦੇਨ ਦਾ ਵਫ਼ਾਦਾਰ ਸੈਫ਼ ਅਲ-ਅਦੇਲ ਅਲ ਕਾਇਦਾ ਦਾ ਨਵਾਂ ਮੁਖੀ ਬਣ ਗਿਆ ਹੈ, ਜੋ ਇਸ ਸਮੇਂ ਈਰਾਨ ਤੋਂ ਸੰਚਾਲਿਤ ਹੈ। ਰਿਪੋਰਟ ਮੁਤਾਬਕ ਅਮਰੀਕਾ ਵੱਲੋਂ ਕੀਤੇ ਗਏ ਹਮਲੇ ਵਿਚ ਅਯਮਨ ਅਲ-ਜ਼ਵਾਹਿਰੀ ਦੀ ਮੌਤ ਤੋਂ ਬਾਅਦ ਸੈਫ ਅਲ-ਅਦੇਲ ਨੂੰ ਅਲਕਾਇਦਾ ਦਾ ਮੁਖੀ ਚੁਣ ਲਿਆ ਗਿਆ ਸੀ। ਹਾਲਾਂਕਿ ਤਾਲਿਬਾਨ ਦੇ ਸੱਤਾ 'ਚ ਆਉਣ ਤੋਂ ਬਾਅਦ ਅਫਗਾਨਿਸਤਾਨ ਦੀ ਰਾਜਨੀਤੀ 'ਚ ਆਈ ਉਥਲ-ਪੁਥਲ ਕਾਰਨ ਅਲਕਾਇਦਾ ਫਿਲਹਾਲ ਇਸ ਦਾ ਐਲਾਨ ਕਰਨ ਤੋਂ ਗੁਰੇਜ਼ ਕਰ ਰਹੀ ਹੈ।
ਇਹ ਵੀ ਪੜ੍ਹੋ : ਅਗਨੀਵੀਰ ਪ੍ਰੀਖਿਆ ’ਚ ਮਿਲੀ ਅਸਫ਼ਲਤਾ ਤਾਂ ਨੌਜਵਾਨ ਨੇ ਚੁੱਕਿਆ ਖੌਫ਼ਨਾਕ ਕਦਮ
ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ 2021 'ਚ ਸੱਤਾ 'ਚ ਆਉਣ ਤੋਂ ਬਾਅਦ ਤਾਲਿਬਾਨ ਅੰਤਰਰਾਸ਼ਟਰੀ ਪੱਧਰ 'ਤੇ ਆਪਣੀ ਸਵੀਕਾਰਤਾ ਵਧਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਜਿਸ ਕਾਰਨ ਉਸ ਨੇ ਅਮਰੀਕਾ ਨਾਲ ਇਕ ਸਮਝੌਤਾ ਕੀਤਾ ਸੀ ਜਿਸ ਵਿਚ ਇਹ ਲਿਖਿਆ ਗਿਆ ਸੀ ਕਿ ਉਹ ਆਪਣੀ ਧਰਤੀ ਤੋਂ ਕਿਸੇ ਵੀ ਅੱਤਵਾਦੀ ਸੰਗਠਨ ਨੂੰ ਕੰਮ ਕਰਨ ਦੀ ਇਜਾਜ਼ਤ ਨਹੀਂ ਦੇਵੇਗਾ। ਅਜਿਹੇ 'ਚ ਜੇਕਰ ਅਲਕਾਇਦਾ ਸੈਫ ਅਲ ਅਦੇਲ ਨੂੰ ਨਵਾਂ ਮੁਖੀ ਐਲਾਨਦਾ ਹੈ ਤਾਂ ਇਸ ਨਾਲ ਤਾਲਿਬਾਨ ਦੀਆਂ ਮੁਸ਼ਕਿਲਾਂ ਵਧ ਸਕਦੀਆਂ ਹਨ। ਕਿਉਂਕਿ ਅਦੇਲ 'ਤੇ ਅਮਰੀਕਾ ਨੇ 82 ਕਰੋੜ ਦਾ ਇਨਾਮ ਰੱਖਿਆ ਸੀ। ਨਾਲ ਹੀ ਇਸ ਨੇ ਤਨਜ਼ਾਨੀਆ ਅਤੇ ਕੀਨੀਆ ਵਿਚ ਅਮਰੀਕੀ ਦੂਤਾਵਾਸਾਂ 'ਤੇ ਹਮਲੇ ਦੀ ਸਾਜ਼ਿਸ਼ ਰਚੀ ਹੈ।
ਇਹ ਵੀ ਪੜ੍ਹੋ : BBC ਦਫ਼ਤਰ ’ਚ ਆਮਦਨ ਕਰ ਵਿਭਾਗ ਦਾ ਸਰਵੇ ਤੀਜੇ ਦਿਨ ਵੀ ਜਾਰੀ, ਕਰਮਚਾਰੀਆਂ ਨੂੰ ਘਰ ਤੋਂ ਕੰਮ ਕਰਨ ਦੇ ਆਦੇਸ਼
ਹਾਲਾਂਕਿ ਸੰਯੁਕਤ ਰਾਸ਼ਟਰ ਦੇ ਕਈ ਮੈਂਬਰਾਂ ਦਾ ਮੰਨਣਾ ਹੈ ਕਿ ਅਦੇਲ ਦੇ ਲੰਬੇ ਸਮੇਂ ਤੱਕ ਈਰਾਨ 'ਚ ਰਹਿਣ ਕਾਰਨ ਅਲਕਾਇਦਾ ਦਾ ਮੁਖੀ ਬਣਨ 'ਤੇ ਚੁੱਪੀ ਧਾਰੀ ਹੋਈ ਹੈ। ਇਹਨਾਂ ਮੈਂਬਰਾਂ ਦਾ ਕਹਿਣਾ ਹੈ ਕਿ ਈਰਾਨ ਸ਼ੀਆ ਬਹੁਗਿਣਤੀ ਵਾਲਾ ਦੇਸ਼ ਹੈ ਜਿਸ ਦੀ ਕਮਾਂਡ ਸ਼ੀਆ ਮੌਲਵੀਆਂ ਦੇ ਹੱਥਾਂ ਵਿਚ ਹੈ। ਜਦਕਿ ਅਲਕਾਇਦਾ ਇਕ ਸੁੰਨੀ ਅੱਤਵਾਦੀ ਸੰਗਠਨ ਹੈ।
ਇਹ ਵੀ ਪੜ੍ਹੋ : ਨਿੱਕੀ ਹੇਲੀ ਰੰਧਾਵਾ ਕੋਲ ਅਮਰੀਕਾ ਦਾ ਅਗਲਾ ਰਾਸ਼ਟਰਪਤੀ ਬਣਨ ਲਈ ਸਾਰੀਆਂ ਯੋਗਤਾਵਾਂ ਹਨ : ਪ੍ਰਮੁੱਖ ਭਾਰਤੀ ਅਮਰੀਕੀ
ਜਾਣੋ ਕੌਣ ਹੈ ਸੈਫ ਅਲ ਅਦੇਲ
ਅਲਕਾਇਦਾ ਦੇ ਵਿਸਫੋਟਕ ਮਾਹਿਰ ਸੈਫ ਅਲ ਅਦੇਲ ਦਾ ਜਨਮ 1960 ਦੇ ਦਹਾਕੇ ਦੇ ਸ਼ੁਰੂ ਵਿਚ ਮਿਸਰ ਵਿਚ ਹੋਇਆ ਸੀ। ਉਸ ਦਾ ਅਸਲੀ ਨਾਮ ਮੁਹੰਮਦ ਸਲਾਹ ਅਲ-ਦੀਨ ਜ਼ੈਦਾਨ ਮੰਨਿਆ ਜਾਂਦਾ ਹੈ ਪਰ ਸੈਫ ਅਲ-ਅਦੇਲ ਨਾਮ ਦੇ ਪਿੱਛੇ ਇਕ ਕਹਾਣੀ ਹੈ। ਸੈਫ ਅਲ-ਅਦੇਲ ਦਾ ਅਰਥ ਹੈ 'ਨਿਆਂ ਦੀ ਤਲਵਾਰ'। ਇਸੇ ਲਈ ਉਸ ਨੇ ਆਪਣਾ ਨਾਂਅ ਬਦਲ ਲਿਆ ਹੈ। ਸੈਫ ਅਲ ਅਦੇਲ ਮਿਸਰ ਦੀ ਫੌਜ ਵਿਚ ਕਰਨਲ ਰਹਿ ਚੁੱਕੇ ਹਨ। 1988 ਵਿਚ ਮਿਸਰ ਦੇ ਰਾਸ਼ਟਰਪਤੀ ਅਨਵਰ ਅਲ-ਸਾਦਤ ਦੀ ਹੱਤਿਆ ਤੋਂ ਬਾਅਦ ਉਹ ਮਿਸਰ ਛੱਡ ਕੇ ਅਫ਼ਗਾਨਿਸਤਾਨ ਵਿਚ ਮੁਜਾਹਿਦੀਨ ਦੇ ਨਾਲ ਸੋਵੀਅਤ ਫੌਜਾਂ ਨੂੰ ਬਾਹਰ ਕੱਢਣ ਲਈ ਜੁਟ ਗਿਆ ਸੀ।
ਇਹ ਵੀ ਪੜ੍ਹੋ : ਲੁਧਿਆਣਾ ਜ਼ਿਲ੍ਹੇ ਦੇ 26 ਪਿੰਡ ਐਲਾਨੇ ਗਏ 'ਨਸ਼ਾ-ਮੁਕਤ'
ਮੰਨਿਆ ਜਾਂਦਾ ਹੈ ਕਿ ਉਹ ਇੱਥੋਂ ਲੈਬਨਾਨ ਗਿਆ ਸੀ। ਖਾਰਤੂਮ ਦੇ ਖਾਲੀ ਖੇਤਾਂ ਵਿਚ ਅੱਤਵਾਦੀਆਂ ਨੂੰ ਵਿਸਫੋਟਕ ਬਣਾਉਣ ਅਤੇ ਵਰਤਣ ਦੀ ਸਿਖਲਾਈ ਦਿੱਤੀ ਗਈ ਸੀ। ਅਦੇਲ ਅਲ ਕਾਇਦਾ ਦੀ ਮਜਲਿਸ-ਏ-ਸ਼ੂਰਾ ਅਤੇ ਮਿਲਟਰੀ ਕਮੇਟੀ ਦਾ ਮੈਂਬਰ ਹੈ। ਉਸ ਨੇ ਅਫਗਾਨਿਸਤਾਨ, ਸੂਡਾਨ ਅਤੇ ਪਾਕਿਸਤਾਨ ਵਿਚ ਕਈ ਨਜ਼ਰਬੰਦੀ ਕੈਂਪ ਵੀ ਚਲਾਏ। ਉਸ ਨੇ ਸੋਮਾਲੀਆ ਦੇ ਰਾਸ ਕੰਬੋਨੀ ਵਿਚ ਕੀਨੀਆ ਦੀ ਸਰਹੱਦ ਦੇ ਨੇੜੇ ਇਕ ਸਿਖਲਾਈ ਕੈਂਪ ਵੀ ਖੋਲ੍ਹਿਆ। 4 ਅਕਤੂਬਰ 1993 ਨੂੰ ਸੋਮਾਲੀਆ ਵਿਚ ਅਮਰੀਕੀ ਰੇਂਜਰਾਂ ਅਤੇ ਅਲ ਕਾਇਦਾ ਨਾਲ ਜੁੜੇ ਮਿਲੀਸ਼ੀਆ ਵਿਚਕਾਰ ਭਿਆਨਕ ਲੜਾਈ ਹੋਈ। ਇਸ ਦੌਰਾਨ ਮਿਲੀਸ਼ੀਆ ਨੇਤਾ ਜਨਰਲ ਇਦੀਦ ਦੇ ਲੜਾਕਿਆਂ ਨੇ ਰਾਜਧਾਨੀ ਮੋਗਾਦਿਸ਼ੂ ਵਿਚ ਦੋ ਅਮਰੀਕੀ ਹੈਲੀਕਾਪਟਰਾਂ ਨੂੰ ਗੋਲੀ ਮਾਰ ਦਿੱਤੀ।
ਇਸ ਵਿਚ 18 ਅਮਰੀਕੀ ਸੈਨਿਕ ਮਾਰੇ ਗਏ ਸਨ। ਇਸ ਦੌਰਾਨ ਅਮਰੀਕੀ ਸੈਨਿਕਾਂ ਦੀਆਂ ਲਾਸ਼ਾਂ ਉੱਤੇ ਵੀ ਤਸ਼ੱਦਦ ਕੀਤਾ ਗਿਆ। ਇਸ ਘਟਨਾ ਨੂੰ 'ਬਲੈਕ ਹਾਕ ਡਾਊਨ' ਦੇ ਨਾਂਅ ਨਾਲ ਵੀ ਜਾਣਿਆ ਜਾਂਦਾ ਹੈ। ਸੈਫ ਅਲ ਅਦੇਲ ਇਸ ਹਮਲੇ ਦਾ ਮਾਸਟਰਮਾਈਂਡ ਸੀ। ਇਹ ਅਦੇਲ ਨੇ ਹੀ ਵਿਸਫੋਟਕ ਬਣਾਉਣ ਅਤੇ ਮਿਜ਼ਾਈਲਾਂ ਸੁੱਟਣ ਦੀ ਸਿਖਲਾਈ ਦਿੱਤੀ ਸੀ।
ਇਹ ਵੀ ਪੜ੍ਹੋ : BBC ਦਸਤਾਵੇਜ਼ੀ ਦੇਖਣ ਮਗਰੋਂ ਬੋਲੇ ਬ੍ਰਿਟੇਨ MP, ''ਮੇਰਾ ਖ਼ੂਨ ਖੌਲ ਗਿਆ, ਚਿੱਕੜ ਨਾ ਉਛਾਲੋ''
9/11 ਹਮਲੇ ਲਈ ਲਾਦੇਨ ਨੂੰ ਕੀਤਾ ਸੀ ਮਨ੍ਹਾਂ
ਅਮਰੀਕਾ ਵਿਚ 9/11 ਦੇ ਹਮਲੇ ਤੋਂ ਪਹਿਲਾਂ ਸੈਫ ਅਲ ਅਦੇਲ ਕੰਧਾਰ ਸ਼ਹਿਰ ਦਾ ਰੱਖਿਆ ਮੁਖੀ ਸੀ। ਅਦੇਲ ਨੇ ਅਮਰੀਕਾ ਦੇ ਵਰਲਡ ਟਰੇਡ ਸੈਂਟਰ 'ਤੇ ਹਮਲੇ ਦਾ ਵਿਰੋਧ ਕੀਤਾ ਸੀ। ਹਮਲੇ ਤੋਂ ਸਿਰਫ਼ ਦੋ ਮਹੀਨੇ ਪਹਿਲਾਂ ਅਦੇਲ ਨੇ ਬਿਨ ਲਾਦੇਨ ਨੂੰ ਅਜਿਹਾ ਨਾ ਕਰਨ ਦੀ ਸਲਾਹ ਦਿੱਤੀ ਸੀ।
