ਪੰਜਾਬਣ ਹਾਰਵੀ ਖਟਕਰ ਇੰਗਲੈਂਡ ਦੀ ਵੈਸਟ ਮਿਡਲੈਂਡਸ ਪੁਲਿਸ ਵਿਚ ਸੁਪਰੀਡੈਂਟ ਬਣੀ ਹੈ।
ਇੰਗਲੈਂਡ: ਸਿੱਖਾਂ ਦੀ ਅੱਜ ਕੱਲ੍ਹ ਹਰ ਪਾਸੇ ਤਰੱਕੀ ਹੈ। ਸਿੱਖਾਂ ਨੇ ਦੇਸ਼ਾਂ ਵਿਦੇਸ਼ਾਂ ਵਿਚ ਬਹੁਤ ਮੱਲਾਂ ਮਾਰੀਆਂ ਹਨ। ਅੱਜ ਵੀ ਇਕ ਅਜਿਹੀ ਖਬਰ ਸਾਹਮਣੇ ਆਈ ਹੈ ਜਿਸ ਨਾਲ ਪੰਜਾਬ ਦੀ ਸ਼ਾਨ ਹੋਰ ਵਧ ਗਈ ਹੈ। ਜੀ ਹਾਂ ਵਿਦੇਸ਼ ਵਿਚ ਸਿੱਖ ਮਹਿਲਾ ਨੇ ਫਿਰ ਵਧਾਇਆ ਪੰਜਾਬ ਦਾ ਮਾਣ ਵਧਾਇਆ ਹੈ। ਪੰਜਾਬਣ ਹਾਰਵੀ ਖਟਕਰ ਇੰਗਲੈਂਡ ਦੀ ਵੈਸਟ ਮਿਡਲੈਂਡਸ ਪੁਲਿਸ ਵਿਚ ਸੁਪਰੀਡੈਂਟ ਬਣੀ ਹੈ। ਉਹ ਇਹ ਅਹੁਦਾ ਪਾਉਣ ਵਾਲੀ ਪਹਿਲੀ ਸਿੱਖ ਮਹਿਲਾ ਬਣ ਗਈ ਹੈ।
Harvi Khatkar ਹਾਰਵੀ ਨੇ ਕਿਹਾ “ ਉਸ ਨੂੰ ਉਮੀਦ ਹੈ ਕਿ ਉਸ ਦੀ ਤਰੱਕੀ ਹੋਰਨਾਂ ਨੌਜਵਾਨਾਂ ਨੂੰ ਵੀ ਪ੍ਰੇਰਿਤ ਕਰੇਗੀ ਅਤੇ ਉਹ ਇੱਕ ਪੁਲਿਸ ਅਧਿਕਾਰੀ ਬਣਨ ਲਈ ਅੱਗੇ ਆਉਣਗੇ। ਮੈਂ ਖੁਸ਼ ਹਾਂ ਕਿ ਸੇਵਾ ਦੌਰਾਨ ਉਸ ਨੂੰ ਬਾਰ-ਬਾਰ ਲੋਕਾਂ ਦੀ ਮਦਦ ਕਰਨ ਲਈ ਅੱਗੇ ਆਉਣ ਦਾ ਮੌਕਾ ਮਿਲਿਆ ਹੈ”। ਹਾਰਵੀ ਪਿਛਲੇ 25 ਸਾਲਾਂ ਤੋਂ ਪੁਲਿਸ ਸੇਵਾ ਵਿਚ ਹੈ ਅਤੇ ਵਿਭਾਗ ਵਿਚ ਇਸ ਅਹੁਦੇ 'ਤੇ ਪਹੁੰਚਣ ਵਾਲੀ ਪਹਿਲੀ ਮਹਿਲਾ ਸਿੱਖ ਹੈ। ਉਹ 1993 ਵਿਚ ਪੁਲਿਸ ਫੋਰਸ ਵਿਚ ਭਰਤੀ ਹੋਈ ਸੀ।
ਹਾਰਵੀ ਨੇਬਰਹੁੱਡ ਪੁਲਿਸਿੰਗ, ਰਿਸਪਾਂਸ, ਫੋਰਸ ਇੰਸੀਡੈਂਟ ਮੈਨੇਜਰ ਵੀ ਰਹਿ ਚੁੱਕੀ ਹੈ। ਉਹ ਹਥਿਆਰਾਂ ਅਤੇ ਪਬਲਿਕ ਆਰਡਰ ਦਾ ਕਮਾਂਡਰ ਵੀ ਹੈ। ਪੁਲਿਸ ਵਿਭਾਗ ਵਿਚ, ਉਸ ਨੇ ਬਰਮਿੰਘਮ, ਡਡਲੇ, ਸੈਂਡਵੈਲ, ਵਾਲਸਲ ਅਤੇ ਵੋਲਵਰਹੈਂਪਟਨ ਵਿਚ ਸੇਵਾ ਦੌਰਾਨ ਵੱਖ-ਵੱਖ ਅਹੁਦਿਆਂ 'ਤੇ ਸੇਵਾਵਾਂ ਦਿੱਤੀਆਂ ਹਨ।
ਵੋਲਵਰਹੈਂਪਟਨ ਵਿਖੇ ਸਭ ਤੋਂ ਸੀਨੀਅਰ ਬੀਐਮਈ ਅਧਿਕਾਰੀ ਹੋਣ ਦੇ ਕਾਰਨ, ਉਸ ਨੇ ਪੁਲਿਸ ਫੋਰਸ ਨੂੰ ਮੋਰਡਨ ਬਣਾਉਣ ਲਈ ਸਖਤ ਮਿਹਨਤ ਕੀਤੀ। ਉਸ ਨੇ ਇਹ ਸਫਲਤਾ ਪੁਲਿਸ ਦੀ ਕਾਫ਼ੀ ਗੁੰਝਲਦਾਰ ਪ੍ਰਕਿਰਿਆ ਤੋਂ ਬਾਅਦ ਪ੍ਰਾਪਤ ਕੀਤੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
