ਇਹ ਰਸਮ ਪਵਿੱਤਰ ਸ਼ਹਿਰ ਮੱਕਾ ਦੇ ਬਾਹਰ ਅਰਾਫਾਤ ਪਹਾੜ 'ਤੇ 1.8 ਮਿਲੀਅਨ ਤੋਂ ਵੱਧ ਸ਼ਰਧਾਲੂਆਂ ਦੇ ਇਕੱਠੇ ਹੋਣ ਤੋਂ ਇਕ ਦਿਨ ਬਾਅਦ ਹੋਈ
Hajj Yatra 2024: ਸਾਊਦੀ ਅਰਬ 'ਚ ਐਤਵਾਰ ਨੂੰ ਭਿਆਨਕ ਗਰਮੀ 'ਚ ਵੱਡੀ ਗਿਣਤੀ 'ਚ ਹੱਜ ਯਾਤਰੀਆਂ ਨੇ ਸ਼ੈਤਾਨ ਨੂੰ ਪ੍ਰਤੀਕ ਵਜੋਂ ਪੱਥਰ ਮਾਰਨ ਦੀ ਰਸਮ ਅਦਾ ਕੀਤੀ। ਜਾਰਡਨ ਦੀ ਸਰਕਾਰੀ ਨਿਊਜ਼ ਏਜੰਸੀ 'ਪੇਟਰਾ' ਮੁਤਾਬਕ ਹੱਜ ਯਾਤਰਾ ਦੌਰਾਨ ਲੂ ਲੱਗਣ ਕਾਰਨ 14 ਜਾਰਡਨ ਦੇ ਸ਼ਰਧਾਲੂਆਂ ਦੀ ਮੌਤ ਹੋ ਗਈ ਹੈ ਅਤੇ 17 ਦੇ ਕਰੀਬ ਲੋਕ ਲਾਪਤਾ ਦੱਸੇ ਜਾ ਰਹੇ ਹਨ।
ਵਿਦੇਸ਼ ਮੰਤਰਾਲੇ ਨੇ ਇਕ ਬਿਆਨ ਵਿਚ ਕਿਹਾ ਕਿ ਉਹ ਸਾਊਦੀ ਅਰਬ ਵਿਚ ਮ੍ਰਿਤਕਾਂ ਨੂੰ ਦਫ਼ਨਾਉਣ ਜਾਂ ਲਾਸ਼ਾਂ ਨੂੰ ਜਾਰਡਨ ਭੇਜਣ ਲਈ ਸਾਊਦੀ ਅਧਿਕਾਰੀਆਂ ਨਾਲ ਗੱਲਬਾਤ ਕਰ ਰਿਹਾ ਹੈ। ਸ਼ੈਤਾਨ ਨੂੰ ਪ੍ਰਤੀਕਾਤਮਕ ਪੱਥਰ ਮਾਰਨ ਦੀ ਰਸਮ ਹੱਜ ਯਾਤਰਾ ਦੇ ਅੰਤਮ ਦਿਨਾਂ ਵਿਚ ਦੁਨੀਆ ਭਰ ਦੇ ਮੁਸਲਮਾਨਾਂ ਲਈ ਈਦ ਅਲ-ਅਧਾ ਦੀ ਸ਼ੁਰੂਆਤ ਨੂੰ ਦਰਸਾਉਂਦੀ ਹੈ।
ਸ਼ੈਤਾਨ ਨੂੰ ਪੱਥਰ ਮਾਰਨਾ ਇਸਲਾਮ ਦੇ ਪੰਜ ਥੰਮ੍ਹਾਂ ਵਿਚੋਂ ਇਕ ਹੈ ਅਤੇ ਹੱਜ ਦੀ ਆਖਰੀ ਰਸਮ ਹੈ। ਇਹ ਰਸਮ ਪਵਿੱਤਰ ਸ਼ਹਿਰ ਮੱਕਾ ਦੇ ਬਾਹਰ ਅਰਾਫਾਤ ਪਹਾੜ 'ਤੇ 1.8 ਮਿਲੀਅਨ ਤੋਂ ਵੱਧ ਸ਼ਰਧਾਲੂਆਂ ਦੇ ਇਕੱਠੇ ਹੋਣ ਤੋਂ ਇਕ ਦਿਨ ਬਾਅਦ ਹੋਈ, ਜਿੱਥੇ ਸ਼ਰਧਾਲੂ ਸਾਲਾਨਾ ਪੰਜ ਦਿਨਾਂ ਹੱਜ ਦੀਆਂ ਰਸਮਾਂ ਨੂੰ ਪੂਰਾ ਕਰਨ ਲਈ ਆਉਂਦੇ ਹਨ।
(For more Punjabi news apart from 14 pilgrims dead during Hajj Yatra 2024 in Saudi Arabia, stay tuned to Rozana Spokesman)
