‘ਸੰਡੇ ਟਾਈਮਜ਼’ ਦੀ ਰਿਪੋਰਟ ਮੁਤਾਬਕ ਪੀਐਮ ਸੁਨਕ ਤੇ ਉਨ੍ਹਾਂ ਦੀ ਪਤਨੀ ਅਕਸ਼ਿਤਾ ਮੂਰਤੀ ਦੀ ਜਾਇਦਾਦ ’ਚ ਵਾਧਾ ਹੋਇਆ ਹੈ।
UK News: ਗੋਪੀ ਹਿੰਦੂਜਾ ਇੰਗਲੈਂਡ ਦੇ ਸੱਭ ਤੋਂ ਅਮੀਰ ਵਿਅਕਤੀ ਹਨ। ਉਨ੍ਹਾਂ ਕੋਲ 37.2 ਅਰਬ ਯੂਰੋ ਦੀ ਜਾਇਦਾਦ ਹੈ। ਇਸੇ ਤਰ੍ਹਾਂ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਦੀ ਜਾਇਦਾਦ ਮਹਾਰਾਜਾ ਚਾਰਲਸ ਤੋਂ ਵੱਧ ਹੈ। ‘ਸੰਡੇ ਟਾਈਮਜ਼’ ਦੀ ਰਿਪੋਰਟ ਮੁਤਾਬਕ ਪੀਐਮ ਸੁਨਕ ਤੇ ਉਨ੍ਹਾਂ ਦੀ ਪਤਨੀ ਅਕਸ਼ਿਤਾ ਮੂਰਤੀ ਦੀ ਜਾਇਦਾਦ ’ਚ ਵਾਧਾ ਹੋਇਆ ਹੈ। ਕਿੰਗ ਚਾਰਲਸ ਕੋਲ 76.20 ਕਰੋੜ ਡਾਲਰ ਸੀ।
ਅਮੀਰਾਂ ਦੀ ਸੂਚੀ ਵਿਚ ਪਹਿਲੇ ਨੰਬਰ ’ਤੇ ਗੋਪੀ ਹਿੰਦੂਜਾ ਹਨ। ਦੂਜੇ ਨੰਬਰ ’ਤੇ ਸਰ ਲਿਓਨਾਰਡ ਬਲਾਵਤਨਿਕ, ਤੀਜੇ ’ਤੇ ਡੇਵਿਡ ਐਂਡ ਸਿਮਸਨ ਪਰਿਵਾਰ, ਚੌਥੇ ’ਤੇ ਜਿਮ ਰੈਟਕਲਿਫ਼, ਪੰਜਵੇਂ ’ਤੇ ਜੇਮਸ ਡਾਇਸਨ ਅਤੇ ਪਰਿਵਾਰ ਹੈ। ਭਾਰਤੀ ਮੂਲ ਦੇ ਕਾਰੋਬਾਰੀ ਲਕਸ਼ਮੀ ਮਿਤਲ ਦਾ ਅਠਵਾਂ ਸਥਾਨ ਹੈ। ਇਸ ਵਾਰ ਇੰਗਲੈਂਡ ’ਚ ਅਰਬਪਤੀਆਂ ਦੀ ਸੂਚੀ ਵਿਚ ਕਮੀ ਆਈ ਹੈ। ਸਾਲ 2022 ’ਚ 177 ਅਰਬਪਤੀ ਸਨ, ਜੋ ਹੁਣ ਘਟ ਕੇ 165 ਹੋ ਗਏ ਹਨ।
ਗੋਪੀ ਹਿੰਦੂਜਾ ਤੇ ਉਨ੍ਹਾਂ ਦੇ ਪ੍ਰਵਾਰ ਕੋਲ 47.2 ਅਰਬ ਡਾਲਰ ਦੀ ਜਾਇਦਾਦ ਹੈ। ਇਸ ਸੂਚੀ ਵਿਚ ਭਾਰਤੀ ਮੂਲ ਦੇ ਅਨਿਲ ਅਗਰਵਾਲ ਦਾ 23ਵਾਂ ਨੰਬਰ ਹੈ। ਉਨ੍ਹਾਂ ਕੋਲ ਲਗਭਗ 70 ਲੱਖ ਯੂਰੋ ਦੀ ਜਾਇਦਾਦ ਹੈ। ਇਸ ਤੋਂ ਇਲਾਵਾ ਭਾਰਤੀ ਮੂਲ ਦੇ ਪ੍ਰਕਾਸ਼ ਲੋਹੀਆ 30ਵੇਂ ਸਥਾਨ ’ਤੇ ਹਨ। ਮੋਹਸਿਨ ਅਤੇ ਜ਼ੁਬੈਰ ਈਸਾ ਦਾ 39ਵਾਂ ਨੰਬਰ ਹੈ। ਫ਼ਾਰਮਾ ਕੰਪਨੀ ਦੇ ਹੈਡ ਨਵੀਨ ਅਤੇ ਵਰਸ਼ਾ ਇੰਜੀਨੀਅਰ 58ਵੇਂ ਸਥਾਨ ’ਤੇ ਹਨ। ਇਸ ਤੋਂ ਇਲਾਵਾ ਵੀ ਕਈ ਭਾਰਤੀਆਂ ਦੇ ਨਾਮ ਇਸ ਸੂਚੀ ਵਿਚ ਸ਼ਾਮਲ ਹਨ। ਇਸ ਸੂਚੀ ਵਿਚ ਵੱਡੀ ਗਿਣਤੀ ’ਚ ਐਨਆਰਆਈ ਸ਼ਾਮਲ ਹਨ।
(For more Punjabi news apart from Gopi Hinduja is the richest person in England, stay tuned to Rozana Spokesman)
