ਮੋਨਾ ਨੇ ਅਪਣੇ ਸੁਨੇਹੇ ਵਿਚ ਕਿਹਾ ਕਿ ਇਕ ਲੜਕੀ ਨੂੰ ਸਿੱਖਿਅਤ ਬਣਾ ਕੇ ਪੂਰੇ ਪਰਵਾਰ ਅਤੇ ਆਉਣ ਵਾਲੀਆਂ ਪੀੜੀਆਂ ਨੂੰ ਵੀ ਸਿੱਖਿਅਤ ਕੀਤਾ ਜਾ ਸਦਕਾ ਹੈ।
ਵਾਸ਼ਿੰਗਟਨ : ਬਿਹਾਰ ਦੇ ਮੁੰਗੇਰ ਜ਼ਿਲ੍ਹੇ ਵਿਚ ਪੈਦਾ ਹੋਈ ਮੋਨਾ ਦਾਸ ਅਮਰੀਕਾ ਦੇ ਵਾਸ਼ਿੰਗਟਨ ਰਾਜ ਦੇ 47ਵੇਂ ਜ਼ਿਲ੍ਹੇ ਦੀ ਸੀਨੇਟਰ ਚੁਣੀ ਗਈ ਹੈ। ਉਹਨਾਂ ਨੂੰ ਇਹ ਕਾਮਯਾਬੀ ਪਹਿਲੀ ਹੀ ਕੋਸ਼ਿਸ਼ ਵਿਚ ਹਾਸਲ ਹੋਈ ਹੈ। ਡੈਮੋਕ੍ਰੈਟਿਕ ਪਾਰਟੀ ਦੀ ਮੈਂਬਰ ਮੋਨਾ ਦਾਸ ਨੇ ਅਮਰੀਕੀ ਸੀਨੇਟ ਵਿਚ ਧਰਮਗ੍ਰੰਥ ਗੀਤਾ ਨੂੰ ਹੱਥ ਵਿਚ ਲੈ ਕੇ ਸਹੁੰ ਚੁੱਕੀ।
Mona Das sworn in as senator
ਮੋਨਾ ਦਾਸ ਨੇ ਸਿਨਸਿਨਾਟੀ ਯੂਨੀਵਰਸਿਟੀ ਤੋਂ ਮਨੋਵਿਗਿਆਨ ਵਿਚ ਗ੍ਰੈਜੁਏਸ਼ਨ ਕੀਤਾ ਹੈ। ਮੋਨਾ ਦਾਸ ਨੇ ਭਾਰਤੀ ਸੱਭਿਆਚਾਰ ਮੁਤਾਬਕ ਗੀਤਾ 'ਤੇ ਹੱਥ ਰੱਖ ਕੇ ਸਹੁੰ ਚੁੱਕੀ। ਮੋਨਾ ਨੇ ਅਪਣੇ ਸੁਨੇਹੇ ਵਿਚ ਕਿਹਾ ਕਿ ਇਕ ਲੜਕੀ ਨੂੰ ਸਿੱਖਿਅਤ ਬਣਾ ਕੇ ਪੂਰੇ ਪਰਵਾਰ ਅਤੇ ਆਉਣ ਵਾਲੀਆਂ ਪੀੜੀਆਂ ਨੂੰ ਵੀ ਸਿੱਖਿਅਤ ਕੀਤਾ ਜਾ ਸਦਕਾ ਹੈ। ਮੈਂਬਰ ਚੁਣੇ ਜਾਣ 'ਤੇ ਦਾਸ ਨੇ ਲੜਕੀਆਂ ਨੂੰ ਅੱਗੇ ਵਧਣ ਲਈ ਉਤਸ਼ਾਹਤ ਕਰਨ ਦਾ ਫ਼ੈਸਲਾ ਲਿਆ ਹੈ।
Darbhanga City in Bihar
ਮੋਨਾ ਦਾਸ ਨੇ ਅਪਣੀ ਜਨਮਭੂਮੀ ਨੂੰ ਯਾਦ ਕਰਦੇ ਹੋਏ ਕਿਹਾ ਕਿ ਮੇਰੀ ਯੋਜਨਾ ਹੈ ਕਿ ਇਕ ਦਿਨ ਮੈਂ ਬਿਹਾਰ ਦੇ ਦਰਿਆਪੁਰ ਵਿਖੇ ਅਪਣੇ ਜੱਦੀ ਘਰ ਜਾਂਵਾ। ਮੋਨਾ ਨੇ ਅਪਣੇ ਮੂਲ ਦੇਸ਼ ਭਾਰਤ ਦੇ ਬਾਕੀ ਹਿੱਸਿਆਂ ਵਿਚ ਵੀ ਘੁੰਮਣ ਦੀ ਇੱਛਾ ਪ੍ਰਗਟ ਕੀਤੀ ਹੈ। ਮੋਨਾ ਦਾ ਜਨਮ 1971 ਵਿਚ ਬਿਹਾਰ ਦੇ ਦਰਭੰਗਾ ਹਸਪਤਾਲ ਵਿਖੇ ਹੋਇਆ ਸੀ।
Mona Das
ਅੱਠ ਮਹੀਨੇ ਦੀ ਉਮਰ ਵਿਚ ਉਹ ਮਾਤਾ-ਪਿਤਾ ਨਾਲ ਅਮਰੀਕਾ ਚਲੀ ਗਈ ਸੀ। ਮੋਨਾ ਦੇ ਪਿਤਾ ਸੁਬੋਧ ਦਾਸ ਇੰਜੀਨੀਅਰ ਹਨ। ਦੱਸ ਦਈਏ ਕਿ ਮੋਨਾ ਦਾਸ ਨੇ ਸੀਨੇਟਰ ਚੋਣਾਂ ਵਿਚ ਦੋ ਵਾਰ ਦੇ ਰਿਪਬਲਿਕਨ ਸੀਨੇਟਰ ਜੋ ਫੈਨ ਨੂੰ ਹਰਾਇਆ। ਮੋਨਾ ਸੀਨੇਟ ਹਾਊਸਿੰਗ ਸਟੇਬਿਲਟੀ ਐਂਡ ਅਫੋਰਡੇਬਿਲਿਟੀ ਕਮੇਟੀ ਦੀ ਉਪ ਚੇਅਰਮੈਨ ਦੇ ਤੌਰ 'ਤੇ ਕੰਮ ਕਰਨਗੇ।
