ਅਮਰੀਕਾ ਦੇ ਲਿਵਰਪੂਲ ਵਿਚ ਰਹਿਣ ਵਾਲੀ 31 ਸਾਲ ਦੀ ਇਕ ਮਹਿਲਾ ਇੰਜੀਨੀਅਰ ਇਕ ਕਾਰ ਹਾਦਸੇ ਵਿਚ ਮੌਤ ਦੇ ਕਰੀਬ ਪਹੁੰਚ ਗਈ ਸੀ।
ਲਿਵਰਪੂਲ: ਅਮਰੀਕਾ ਦੇ ਲਿਵਰਪੂਲ ਵਿਚ ਰਹਿਣ ਵਾਲੀ 31 ਸਾਲ ਦੀ ਇਕ ਮਹਿਲਾ ਇੰਜੀਨੀਅਰ ਇਕ ਕਾਰ ਹਾਦਸੇ ਵਿਚ ਮੌਤ ਦੇ ਕਰੀਬ ਪਹੁੰਚ ਗਈ ਸੀ। ਹਾਦਸੇ ਵਿਚ ਵਿੰਟਰ ਮ੍ਰਾਜ਼ ਦੀ ਗਰਦਨ, ਗੋਡੇ ਅਤੇ ਅੱਡੀਆਂ ਟੁੱਟ ਗਈ ਸੀ। ਇਸ ਨਾਲ ਉਸ ਦੀ ਜ਼ਿੰਦਗੀ ਵਿਚ ਬਹੁਤ ਸਾਰੀਆਂ ਮੁਸ਼ਕਲਾਂ ਵਧੀਆਂ। ਫਿਰ ਇਕ ਗੁਆਂਢੀ ਨੇ ਮ੍ਰਾਜ਼ ਨੂੰ ਸਰੀਰ ਵਿਚ ਬਾਇਓਨਿਕ ਚਿੱਪ ਲਗਾਉਣ ਦੀ ਸਲਾਹ ਦਿੱਤੀ।
ਇਸ ਤੋਂ ਬਾਅਦ ਔਰਤ ਨੇ ਆਪਣੇ ਸਰੀਰ ਵਿਚ ਦੋ ਚਿੱਪਾਂ ਲਗਵਾਈਆਂ। ਇਕ ਚਿੱਪ ਦਰਵਾਜ਼ੇ ਖੋਲ੍ਹਣ ਲਈ ਹੈ ਅਤੇ ਦੂਜੀ ਵਪਾਰਕ ਸੰਦੇਸ਼ ਭੇਜਣ ਲਈ। ਇਨ੍ਹਾਂ ਚਿੱਪਾਂ ਦੀ ਮਦਦ ਨਾਲ ਮ੍ਰਾਜ਼ ਦੇ ਬਹੁਤ ਸਾਰੇ ਕੰਮ ਸੌਖੇ ਹੋ ਗਏ। ਆਪਣਾ ਕਾਰੋਬਾਰ ਕਰਨ ਵਾਲੀ ਮ੍ਰਾਜ਼ ਨੇ ਦੱਸਿਆ ਕਿ ਕਾਰ ਹਾਦਸੇ ਤੋਂ ਬਾਅਦ ਕਾਰ ਇਕ ਆਮ ਔਰਤ ਤੋਂ ਬਾਇਓਨਿਕ ਔਰਤ ਬਣਨ ਦੀ ਸ਼ੁਰੂਆਤ ਹੋਈ।
ਅੱਜ ਉਸ ਦਾ ਇਕ ਗੋਡਾ 3 ਡੀ ਪ੍ਰਿੰਟਡ ਹੈ। ਇਸ ਚਿੱਪ ਦੀ ਮਦਦ ਨਾਲ ਉਹ ਆਪਣੇ ਰੋਜ਼ਾਨਾ ਦੇ ਕੰਮਾਂ ਨੂੰ ਚੰਗੀ ਤਰ੍ਹਾਂ ਕਰਨ ਸਕਦੀ ਹੈ। ਉਹਨਾਂ ਕਿਹਾ ਕਿ ਉਹਨਾਂ ਦੇ ਖੱਬੇ ਹੱਥ ਵਿਚ ਇੱ ਛੋਟੀ ਜਿਹੀ ਚਿਪ ਲੱਗੀ ਹੋਈ ਹੈ, ਜੋ ਦਫਤਰ ਦੇ ਦਰਵਾਜ਼ੇ ਖੋਲ੍ਹਣ ਲਈ ਵਰਤੀ ਜਾਂਦੀ ਹੈ।
ਇਹ ਠੀਕ ਉਸੇ ਤਰ੍ਹਾਂ ਕੰਮ ਕਰਦੀ ਹੈ ਜਿਵੇਂ ਡਿਟੈਕਟ ਮਸ਼ੀਨ ਕਰਮਚਾਰੀ ਦੇ ਕਾਰਡ ਨੂੰ ਡਿਟੈਕਟ ਕਰਦੀ ਹੈ। ਦੂਜੀ ਚਿੱਪ ਉਹਨਾਂ ਦੇ ਸੱਜੇ ਹੱਥ ਵਿਚ ਹੈ। ਇਸ ਦੀ ਸਹਾਇਤਾ ਨਾਲ ਕਾਰੋਬਾਰੀ ਕਾਰਡ ਦੀ ਜਾਣਕਾਰੀ ਸਮਾਰਟ ਫੋਨ 'ਤੇ ਆਉਂਦੀ ਹੈ।
