Advertisement
  ਖ਼ਬਰਾਂ   ਕੌਮਾਂਤਰੀ  23 Oct 2019  ਲੰਦਨ ਨੇੜੇ ਟਰੱਕ ਦੇ ਕੰਟੇਨਰ ਵਿਚੋਂ 39 ਲਾਸ਼ਾਂ ਮਿਲੀਆਂ: ਬ੍ਰਿਟਿਸ਼ ਪੁਲਿਸ

ਲੰਦਨ ਨੇੜੇ ਟਰੱਕ ਦੇ ਕੰਟੇਨਰ ਵਿਚੋਂ 39 ਲਾਸ਼ਾਂ ਮਿਲੀਆਂ: ਬ੍ਰਿਟਿਸ਼ ਪੁਲਿਸ

ਏਜੰਸੀ
Published Oct 23, 2019, 7:38 pm IST
Updated Oct 23, 2019, 7:38 pm IST
ਉੱਤਰੀ ਆਇਰਲੈਂਡ ਦੇ ਰਹਿਣ ਵਾਲੇ 25 ਸਾਲਾ ਟਰੱਕ ਡਰਾਈਵਰ ਗ੍ਰਿਫ਼ਤਾਰ ਕੀਤਾ
39 bodies found inside truck container in Britain
 39 bodies found inside truck container in Britain

ਲੰਡਨ : ਬ੍ਰਿਟੇਨ ਦੇ ਲੰਦਨ ਨੇੜੇ ਬੁਧਵਾਰ ਨੂੰ ਇਕ ਟਰੱਕ ਕੰਟੇਨਰ ਵਿਚੋਂ 39 ਲਾਸ਼ਾਂ ਮਿਲੀਆਂ। ਇਹ ਟਰੱਕ ਬੁਲਗਾਰੀਆ ਤੋਂ ਆਇਆ ਸੀ। ਪੁਲਿਸ ਨੇ ਇਹ ਜਾਣਕਾਰੀ ਦਿਤੀ। ਉਨ੍ਹਾਂ ਦਸਿਆ ਕਿ ਉੱਤਰੀ ਆਇਰਲੈਂਡ ਦੇ ਰਹਿਣ ਵਾਲੇ 25 ਸਾਲਾ ਡਰਾਈਵਰ ਨੂੰ 39 ਲੋਕਾਂ ਦੀ ਹਤਿਆ ਦੇ ਸ਼ੱਕ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਲਾਸ਼ਾਂ ਉਸ ਦੇ ਟਰੱਕ ਤੋਂ ਐਸੇਕਸ, ਦੱਖਣ-ਪੂਰਬੀ ਇੰਗਲੈਂਡ ਵਿਚ ਬਰਾਮਦ ਹੋਈਆਂ।

39 bodies found inside truck container in Britain39 bodies found inside truck container in Britain

ਐਸੇਕਸ ਪੁਲਿਸ ਨੇ ਕਿਹਾ ਕਿ ਲੰਦਨ ਦੇ ਪੂਰਬੀ ਗ੍ਰੇਜ਼ ਦੇ ਵਾਟਰਗਲੇਡ ਦੇ ਉਦਯੋਗਿਕ ਪਾਰਕ ਵਿਖੇ ਘਟਨਾ ਸਥਾਨ 'ਤੇ ਮਿਲੇ ਲੋਕਾਂ ਨੂੰ ਮ੍ਰਿਤਕ ਐਲਾਨ ਦਿਤਾ ਗਿਆ ਹੈ। ਮੁਢਲੇ ਸੰਕੇਤਾਂ ਤੋਂ ਪਤਾ ਚਲਦਾ ਹੈ ਕਿ ਮਰਨ ਵਾਲਿਆਂ ਵਿਚ 38 ਬਾਲਗ ਅਤੇ ਇਕ ਨਾਬਾਲਗ ਸ਼ਾਮਲ ਹੈ। ਪੁਲਿਸ ਨੇ ਦਸਿਆ ਕਿ ਟਰੱਕ ਬੁਲਗਾਰੀਆ ਤੋਂ ਆਇਆ ਸੀ ਅਤੇ ਸਨਿਚਰਵਾਰ ਨੂੰ ਹੋਲੀਹੈੱਡ ਦੇ ਰਸਤੇ ਦੇਸ਼ ਵਿਚ ਦਾਖਲ ਹੋਇਆ ਸੀ। ਚੀਫ ਸੁਪਰਡੈਂਟ ਆਫ਼ ਪੁਲਿਸ ਐਂਡਿਊ ਮੈਰੀਨਰ ਨੇ ਕਿਹਾ ਕਿ ਅਧਿਕਾਰੀ ਪੀੜਤਾਂ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।

39 bodies found inside truck container in Britain39 bodies found inside truck container in Britain

ਮਰੀਨਰ ਨੇ ਇਕ ਬਿਆਨ ਵਿਚ ਕਿਹਾ, “ਇਹ ਬਹੁਤ ਹੀ ਦੁਖਦਾਈ ਘਟਨਾ ਹੈ ਜਿਸ ਵਿਚ ਵੱਡੀ ਗਿਣਤੀ ਵਿਚ ਲੋਕਾਂ ਨੇ ਅਪਣੀਆਂ ਜਾਨਾਂ ਗੁਆ ਦਿਤੀਆਂ। ਅਸੀਂ ਜਾਂਚ ਕਰ ਰਹੇ ਹਾਂ ਕਿ ਇਹ ਘਟਨਾ ਕਿਵੇਂ ਵਾਪਰੀ।” ਪੁਲਿਸ ਨੇ ਕਿਹਾ ਕਿ ਵਾਟਰਗਲੇਡ ਉਦਯੋਗਿਕ ਪਾਰਕ ਵਿਚ ਇਕ ਟਰੱਕ ਦੇ ਕੰਟੇਨਰ ਵਿਚ ਲੋਕਾਂ ਦੇ ਪਾਏ ਜਾਣ ਦੇ ਬਾਅਦ ਐਂਬੂਲੈਂਸ ਸੇਵਾ ਨੂੰ ਸੂਚਿਤ ਕੀਤਾ। ਮਰੀਨਰ ਨੇ ਕਿਹਾ, “ਅਸੀਂ ਪੀੜਤਾਂ ਦੀ ਪਛਾਣ ਕਰ ਰਹੇ ਹਾਂ। ਹਾਲਾਂਕਿ ਮੈਨੂੰ ਲਗਦਾ ਹੈ ਕਿ ਇਹ ਇਕ ਲੰਮੀ ਪ੍ਰਕਿਰਿਆ ਹੋ ਸਕਦੀ ਹੈ।”

39 bodies found inside truck container in Britain39 bodies found inside truck container in Britain

ਇਸ ਦੌਰਾਨ, ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਨੇ ਟਵੀਟ ਕੀਤਾ ਕਿ ਉਹ ਇਸ ਦੁਖਦਾਈ ਘਟਨਾ ਤੋਂ ਦੁਖੀ ਹੈ ਅਤੇ ਇਸ ਘਟਨਾ ਦੇ ਅਸਲ ਤੱਥਾਂ ਦਾ ਪਤਾ ਲਗਾਉਣ ਲਈ ਐਸੇਕਸ ਪੁਲਿਸ ਨਾਲ ਮਿਲ ਕੇ ਕੰਮ ਕਰਨ ਲਈ ਵਚਨਬੱਧ ਹੈ। ਬ੍ਰਿਟੇਨ ਦੀ ਗ੍ਰਹਿ ਮੰਤਰੀ ਪ੍ਰੀਤੀ ਪਟੇਲ ਨੇ ਕਿਹਾ ਕਿ ਉਹ ਇਸ ਦੁਖਦਾਈ ਘਟਨਾ ਤੋਂ ਹੈਰਾਨ ਅਤੇ ਦੁਖੀ ਹਨ।

Advertisement
Advertisement

 

Advertisement
Advertisement