ਵਾਸ਼ਿੰਗਟਨ : ਪੁਲਾੜ ਏਜੰਸੀ ਨਾਸਾ ਦਾ ਕਹਿਣਾ ਹੈ ਕਿ ਚੰਨ ਦੇ ਖੇਤਰ ਦੇ ਕੋਲ ਤੋਂ ਹਾਲ ਹੀ ਲੰਘੇ ਉਸ ਦੇ ਚੰਦਰਮਾ ਉਰਬਿਟਰ ਵਲੋਂ ਲਈ ਗਈ ਤਸਵੀਰਾਂ ਵਿਚ ਚੰਦਰਯਾਨ-2 ਦੇ ਵਿਕਰਮ ਲੈਂਡਰ ਦਾ ਕੋਈ ਸੁਰਾਗ ਨਹੀਂ ਮਿਲਿਆ ਹੈ। ਇਹ ਉਰਬਿਟਰ ਚੰਨ ਦੇ ਉਸ ਖੇਤਰ ਤੋਂ ਲੰਘਿਆ ਜਿਥੇ ਭਾਰਤ ਦੇ ਅਭਿਲਾਸ਼ੀ ਮਿਸ਼ਨ 'ਚੰਦਰਯਾਨ -2' ਨੇ ਸਾਫ਼ਟ ਲੈਂਡਿੰਗ ਦੀ ਕੋਸ਼ਿਸ਼ ਕੀਤੀ ਸੀ।

Chandrayaan-2: Vikram lander not found in new Nasa images of Moon

ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਨੇ 7 ਸਤੰਬਰ ਨੂੰ ਚੰਨ ਦਖਣ ਧਰੁਵ 'ਤੇ ਵਿਕਰਮ ਦੀ ਸਾਫ਼ਟ ਲੈਂਡਿੰਗ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ ਸੀ, ਪਰ ਲੈਂਡਰ ਦਾ ਸੰਪਰਕ ਟੁੱਟ ਜਾਣ ਤੋਂ ਬਾਅਦ ਕੁਝ ਪਤਾ ਨਹੀਂ ਲੱਗ ਸਕਿਆ। ਲੂਨਰ ਰੀਕੋਨਾਈਸੈਂਸ ਉਰਬਿਟਰ (ਐਲਆਰਓ) ਦੇ ਪ੍ਰੋਜੈਕਟ ਵਿਗਿਆਨੀ ਨੋਆਹ ਐਡਵਰਡ ਪੈਟਰੋ ਨੇ ਈ-ਮੇਲ ਰਾਹੀਂ ਇਕ ਵਿਸ਼ੇਸ਼ ਗੱਲਬਾਤ ਵਿਚ ਦਸਿਆ, ''ਐਲਆਰਓ ਮਿਸ਼ਨ ਨੇ 14 ਅਕਤੂਬਰ ਨੂੰ ਚੰਦਰਯਾਨ-2 ਵਿਕਰਮ ਲੈਂਡਰ ਦੇ ਲੈਂਡਿੰਗ ਏਰੀਆ ਦੀਆਂ ਤਸਵੀਰਾਂ ਲਈਆਂ ਪਰ ਉਸ ਨੂੰ ਲੈਂਡਰ ਦਾ ਕੋਈ ਸੁਰਾਗ ਨਹੀਂ ਮਿਲਿਆ।''

Chandrayaan-2: Vikram lander not found in new Nasa images of Moon

ਪੈਟ੍ਰੋ ਨੇ ਦਸਿਆ ਕਿ ਕੈਮਰਾ ਟੀਮ ਨੇ ਬਹੁਤ ਧਿਆਨ ਨਾਲ ਇਨ੍ਹਾਂ ਤਸਵੀਰਾਂ ਦਾ ਅਧਿਐਨ ਕੀਤਾ ਅਤੇ ਤਬਦੀਲੀ ਦਾ ਪਤਾ ਲਗਾਉਣ ਵਾਲੀ ਤਕਨੀਕ ਦਾ ਇਸਤੇਮਾਲ ਕੀਤਾ ਜਿਸ ਵਿਚ ਲੈਂਡਿੰਗ ਦੀ ਕੋਸ਼ਿਸ਼ ਤੋਂ ਪਹਿਲਾਂ ਦੀ ਤਸਵੀਰਾਂ ਅਤੇ 14 ਅਕਤੂਬਰ ਨੂੰ ਲਈ ਗਈ ਤਸਵੀਰ ਵਿਚਕਾਰ ਤੁਲਨਾ ਕੀਤੀ ਗਈ। ਐਲਆਰਓ ਮਿਸ਼ਨ ਪ੍ਰੋਜੈਕਟ ਦੇ ਉਪ ਵਿਗਿਆਨੀ ਜੌਨ ਕੈਲਰ ਨੇ ਪੀਟੀਆਈ ਨੂੰ ਦਸਿਆ, “ਇਹ ਸੰਭਵ ਹੈ ਕਿ ਵਿਕਰਮ ਪਰਛਾਵੇਂ ਵਿਚ ਛੁਪਿਆ ਹੋਵੇਗਾ ਜਾਂ ਫ਼ਿਰ ਉਸ ਖੇਤਰ ਵਿਚ ਨਹੀਂ ਹੋਵੇਗਾ ਜਿਥੇ ਅਸੀਂ ਉਸ ਦੀ ਭਾਲ ਕੀਤੀ। ਇਹ ਖੇਤਰ ਕਦੇ ਵੀ ਪਰਛਾਵੇਂ ਤੋਂ ਮੁਕਤ ਨਹੀਂ ਹੁੰਦਾ। 

Chandrayaan-2: Vikram lander not found in new Nasa images of Moon

ਇਸ ਤੋਂ ਪਹਿਲਾਂ 17 ਅਕਤੂਬਰ ਨੂੰ ਕੀਤੇ ਗਏ ਇਕ ਮਿਸ਼ਨ ਵਿਚ ਵੀ ਐਲਆਰਓ ਟੀਮ ਲੈਂਡਰ ਦੀਆਂ ਫੋਟੋਆਂ ਖਿੱਚਣ ਜਾਂ ਇਸ ਦਾ ਪਤਾ ਲਗਾਉਣ ਵਿਚ ਸਫਲ ਨਹੀਂ ਹੋ ਪਾਈ ਸੀ।