ਸਰਕਾਰੀ ਬੈਂਕਾਂ ਤੋਂ ਕਰਜ਼ ਲੈ ਕੇ ਦੇਸ਼ ਤੋਂ ਭੱਜੇ ਕਾਰੋਬਾਰੀ ਵਿਜੇ ਮਾਲਿਆ ਦੇ ਖਾਤਿਆਂ ਦਾ ਹਾਲ ਸਵਿਟਜ਼ਰਲੈਂਡ ਸਰਕਾਰ ਸੀਬੀਆਈ ਨੂੰ ਸੌਂਪਣ ਨੂੰ ਤਿਆਰ ਹੈ। ਮਾਲਿਆ...
ਲੰਡਨ : ਸਰਕਾਰੀ ਬੈਂਕਾਂ ਤੋਂ ਕਰਜ਼ ਲੈ ਕੇ ਦੇਸ਼ ਤੋਂ ਭੱਜੇ ਕਾਰੋਬਾਰੀ ਵਿਜੇ ਮਾਲਿਆ ਦੇ ਖਾਤਿਆਂ ਦਾ ਹਾਲ ਸਵਿਟਜ਼ਰਲੈਂਡ ਸਰਕਾਰ ਸੀਬੀਆਈ ਨੂੰ ਸੌਂਪਣ ਨੂੰ ਤਿਆਰ ਹੈ। ਮਾਲਿਆ ਨੇ ਸਵਿਟਜ਼ਰਲੈਂਡ ਦੀ ਸੁਪ੍ਰੀਮ ਕੋਰਟ ਦੇ ਸਾਹਮਣੇ ਸੀਬੀਆਈ ਵਿਚ ਨੰਬਰ 2 ਰਹੇ ਰਾਕੇਸ਼ ਅਸਥਾਨਾ 'ਤੇ ਭ੍ਰਿਸ਼ਟਾਚਾਰ ਦੇ ਇਲਜ਼ਾਮ ਦੇ ਮੁੱਦੇ ਨੂੰ ਚੁੱਕ ਕੇ ਇਸ ਵਿਚ ਰੁਕਾਵਟ ਪਹੁੰਚਾਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਨਾਕਾਮ ਰਿਹਾ। ਸੀਬੀਆਈ ਨੇ ਸਵਿਸ ਅਧਿਕਾਰੀਆਂ ਵਲੋਂ ਅਪੀਲ ਕੀਤੀ ਸੀ ਕਿ ਮਾਲਿਆ ਦੇ 4 ਬੈਂਕ ਖਾਤਿਆਂ ਵਿਚ ਮੌਜੂਦ ਫੰਡ ਨੂੰ ਬਲਾਕ ਕਰ ਦਿਤਾ ਜਾਵੇ।
CBI
ਜਿਨੇਵਾ ਦੇ ਸਰਕਾਰੀ ਬਚਾਅ ਪੱਖ ਨੇ 14 ਅਗਸਤ 2018 ਨੂੰ ਨਾ ਸਿਰਫ਼ ਉਸ ਬੇਨਤੀ 'ਤੇ ਸਹਿਮਤੀ ਜਤਾਈ, ਸਗੋਂ ਉਸ ਦੇ ਤਿੰਨ ਹੋਰ ਖਾਤਿਆਂ ਅਤੇ ਉਸ ਨਾਲ ਜੁਡ਼ੀ ਪੰਜ ਕੰਪਨੀਆਂ ਦਾ ਹਾਲ ਸਾਂਝਾ ਕਰਨ ਦੀ ਗੱਲ ਕਹੀ। ਹਾਲ ਸਾਂਝਾ ਕਰਨ ਦੇ ਫ਼ੈਸਲੇ ਦਾ ਵਿਰੋਧ ਕਰਦੇ ਹੋਏ ਮਾਲਿਆ ਦੀ ਸਵਿਸ ਲੀਗਲ ਟੀਮ ਸਵਿਟਜ਼ਰਲੈਂਡ ਦੇ ਸੁਪ੍ਰੀਮ ਕੋਰਟ ਪਹੁੰਚੀ ਅਤੇ ਦਲੀਲ ਦਿੱਤੀ ਕਿ ਭਾਰਤ ਵਿਚ ਪ੍ਰਕਿਰਿਆ ਵਿਚ ਗੰਭੀਰ ਕਮੀ ਹੈ ਕਿਉਂਕਿ ਮਾਲਿਆ ਦੇ ਖਿਲਾਫ਼ ਜਾਂਚ ਕਰ ਰਹੇ ਸੀਬੀਆਈ ਦੇ ਸਪੈਸ਼ਲ ਡਾਇਰੈਕਟਰ ਰਾਕੇਸ਼ ਅਸਥਾਨਾ ਹੀ ਭ੍ਰਿਸ਼ਟਾਚਾਰ ਦੇ ਆਰੋਪੀ ਹਨ।
Mallya
ਮਾਲਿਆ ਨੇ ਮਨੁਖੀ ਅਧੀਕਾਰ 'ਤੇ ਯੂਰੋਪੀ ਕਨਵੈਨਸ਼ਨ ਦੇ ਆਰਟਿਕਲ 6 ਦਾ ਵੀ ਸਹਾਰਾ ਲਿਆ। ਸਵਿਟਜ਼ਰਲੈਂਡ ਦੇ ਫੈਡਰਲ ਸੁਪ੍ਰੀਮ ਕੋਰਟ ਨੇ ਫ਼ੈਸਲੇ ਵਿਚ ਕਿਹਾ ਕਿ ਮਾਲਿਆ ਵਿਦੇਸ਼ੀ ਪ੍ਰਕਿਰਿਆ ਵਿਚ ਕਮੀ ਕੱਢਣ ਨੂੰ ਅਧਿਕ੍ਰਿਤ ਨਹੀਂ ਹੈ। ਉਹ ਕਿਸੇ ਤੀਜੇ ਦੇਸ਼ ਵਿਚ ਰਹਿ ਰਿਹਾ ਹੈ ਅਤੇ ਭਾਰਤ ਦਾ ਸਪੁਰਦਗੀ ਪੈਂਡਿੰਗ ਹੈ। ਅਪਰਾਧਿਕ ਪ੍ਰਕਿਰਿਆ ਦੇ ਸਵਾਲ ਉਤੇ ਸਬੰਧਤ ਦੇਸ਼ ਫ਼ੈਸਲਾ ਕਰੇਗਾ, ਜਿਥੇ ਉਹ ਰਹਿ ਰਿਹਾ ਹੈ।
Swiss Federal Tribunal
ਸਵਿਸ ਕੋਰਟ ਦੇ ਮੁਤਾਬਕ, ਬਲਾਕ ਕੀਤੇ ਜਾ ਰਹੇ 4 ਅਕਾਉਂਟ ਵਿਚੋਂ ਇਕ ਵਿਜੇ ਮਾਲਿਆ ਦਾ ਨਾਮ ਹੈ ਅਤੇ ਤਿੰਨ ਹੋਰ ਡਰਾਇਟਨ ਰਿਸੋਰਸਿਜ਼, ਬਲੈਕ ਫਾਰੈਸਟ ਹੋਲਡਿੰਗਸ ਅਤੇ ਹੈਰਿਸਨ ਫਾਇਨੈਂਸ ਦੇ ਹਨ। ਧਿਆਨ ਯੋਗ ਹੈ ਕਿ ਸ਼ਰਾਬ ਦੇ ਕਾਰੋਬਾਰ ਵਿਜੇ ਮਾਲਿਆ ਸਰਕਾਰੀ ਬੈਂਕਾਂ ਤੋਂ 9 ਹਜ਼ਾਰ ਕਰੋਡ਼ ਰੁਪਏ ਦਾ ਕਰਜ਼ ਲੈ ਕੇ ਵਿਲਫੁਲ ਡਿਫਾਲਟਰ ਹੋ ਗਿਆ। ਉਹ ਦੇਸ਼ ਛੱਡਕੇ ਬ੍ਰੀਟੇਨ ਵਿਚ ਰਹਿ ਰਿਹਾ ਹੈ।
