
Khamanon Murder News: ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਮੁਲਜ਼ਮ ਨੇ ਆਪਣੇ ਆਪ ਨੂੰ ਕੱਚ ਦੇ ਟੁਕੜੇ ਨਾਲ ਕੀਤਾ ਗੰਭੀਰ ਜ਼ਖ਼ਮੀ ਹਸਪਤਾਲ ਭਰਤੀ
Khamanon Murder News: ਖਮਾਣੋਂ ਤੋਂ ਇਕ ਦਿਲ ਨੂੰ ਦਹਿਲਾ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਥੇ ਇਕ ਪੁੱਤਰ ਨੇ ਆਪਣੀ ਮਾਂ ਦੀ ਗਲਾ ਘੁੱਟ ਕੇ ਹੱਤਿਆ ਕਰ ਦਿਤੀ। ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਉਸ ਨੇ ਆਪਣੇ ਆਪ ਨੂੰ ਕੱਚ ਦੇ ਟੁਕੜੇ ਨਾਲ ਗੰਭੀਰ ਜ਼ਖ਼ਮੀ ਕਰ ਲਿਆ, ਜਿਸ ਨੂੰ ਗੰਭੀਰ ਰੂਪ 'ਚ ਚੰਡੀਗੜ੍ਹ ਦੇ ਇਕ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ ਹੈ।
ਇਹ ਵੀ ਪੜ੍ਹੋ: Dharmendra Kiss Scene: ਫਿਲਮ 'ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ' ਚ ਪਿਤਾ ਧਰਮਿੰਦਰ ਦੇ Kissing ਸੀਨ 'ਤੇ ਸਨੀ ਦਿਓਲ ਦਾ ਬਿਆਨ
ਮ੍ਰਿਤਕ ਦੀ ਪਹਿਚਾਣ ਪਰਮਜੀਤ ਕੌਰ (60 ਸਾਲ) ਪਤਨੀ ਦਿਲਬਾਰਾ ਸਿੰਘ ਹੈ ਜੋ ਕਿ ਵਾਸੀ ਵਾਰਡ ਨੰ 1 ਮਨਸੂਰਪੁਰ ਰੋਡ ਖਮਾਣੋਂ ਹੈ, ਜਿਸ ਨੂੰ ਕਿ ਉਸ ਦੇ ਪੁੱਤਰ ਨਰਿੰਦਰ ਸਿੰਘ ਉਰਫ਼ ਗੋਰਖਾ 22 ਸਾਲ ਵਲੋਂ ਕਥਿਤ ਤੌਰ 'ਤੇ ਘਰ ਦੇ ਅੰਦਰ ਹੀ ਗਲਾ ਘੁੱਟ ਕੇ ਮਾਰ ਦਿਤਾ। ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਉਸ ਨੇ ਆਪਣੇ ਆਪ ਨੂੰ ਕੱਚ ਦੇ ਟੁਕੜੇ ਨਾਲ ਬਾਹਾਂ ਅਤੇ ਗਰਦਨ 'ਤੇ ਗੰਭੀਰ ਰੂਪ 'ਚ ਜ਼ਖਮੀ ਕਰ ਲਿਆ, ਜਿਸ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ।
ਇਹ ਵੀ ਪੜ੍ਹੋ: Qatar News: ਕਤਰ 'ਚ ਮੌਤ ਦੀ ਸਜ਼ਾ ਦਾ ਸਾਹਮਣਾ ਕਰ ਰਹੇ 8 ਭਾਰਤੀਆਂ ਲਈ ਜਾਗੀ ਉਮੀਦ ਦੀ ਕਿਰਨ, ਹੋ ਸਕਦੀ ਹੈ ਸਜ਼ਾ ਮੁਆਫ਼! |
ਮਿਲੀ ਜਾਣਕਾਰੀ ਮੁਤਾਬਕ ਉਕਤ ਨੌਜਵਾਨ ਮਾਨਸਿਕ ਰੋਗੀ ਦੱਸਿਆ ਜਾਂਦਾ ਹੈ। ਘਟਨਾ ਦਾ ਪਤਾ ਲੱਗਦੇ ਸਾਰ ਸਥਾਨਕ ਪੁਲਿਸ ਡੀ.ਐੱਸ.ਪੀ. ਰਮਿੰਦਰ ਸਿੰਘ ਕਾਹਲੋਂ ਦੀ ਅਗਵਾਈ ਹੇਠ ਮੌਕੇ ''ਤੇ ਪਹੁੰਚੀ ਅਤੇ ਥਾਣਾ ਮੁਖੀ ਐੱਸ.ਆਈ. ਬਲਵੀਰ ਸਿੰਘ ਮੌਕੇ 'ਤੇ ਸਥਿਤੀ ਦੇਖੀ ਅਤੇ ਆਪਣੀ ਕਾਰਵਾਈ ਨੂੰ ਆਰੰਭ ਕਰ ਦਿਤਾ। ਇਸ ਦੌਰਾਨ ਫੈਰੌਸਿਕ ਦੀ ਟੀਮ ਨੇ ਮੌਕੇ 'ਤੇ ਪਹੁੰਚ ਆਪਣੀ ਕਾਰਵਾਈ ਨੂੰ ਵੀ ਅੰਜਾਮ ਦਿੱਤਾ।