ਸਰਕਾਰਾਂ ਨੇ ਹੱਥ ਖੜੇ ਕੀਤੇ ਅਪਣੀ ਰੋਜ਼ੀ ਰੋਟੀ ਤੇ ਜਾਨ ਦੀ ਚਿੰਤਾ ਆਪ ਕਰੋ!
Published : Jun 2, 2020, 4:06 am IST
Updated : Jun 2, 2020, 4:06 am IST
SHARE ARTICLE
Workers
Workers

23 ਮਾਰਚ ਤੋਂ ਇਕੋ ਗੱਲ ਸੁਣ ਰਹੇ ਹਾਂ ਕਿ ਜਾਨ ਹੈ ਤਾਂ ਜਹਾਨ ਹੈ, ਬੱਚ ਕੇ ਰਹੋ। ਪਰ ਅੱਜ ਭਾਰਤ ਨੂੰ ਤਕਰੀਬਨ ਤਕਰੀਬਨ ਪੂਰੀ ਆਜ਼ਾਦੀ ਮਿਲ ਗਈ ਹੈ।

23 ਮਾਰਚ ਤੋਂ ਇਕੋ ਗੱਲ ਸੁਣ ਰਹੇ ਹਾਂ ਕਿ ਜਾਨ ਹੈ ਤਾਂ ਜਹਾਨ ਹੈ, ਬੱਚ ਕੇ ਰਹੋ। ਪਰ ਅੱਜ ਭਾਰਤ ਨੂੰ ਤਕਰੀਬਨ ਤਕਰੀਬਨ ਪੂਰੀ ਆਜ਼ਾਦੀ ਮਿਲ ਗਈ ਹੈ। ਜੋ ਮਰਜ਼ੀ ਕਰੋ ਤੇ ਅਪਣੀ ਜਾਨ ਵੀ ਆਪ ਬਚਾਉ ਤੇ ਜਹਾਨ ਦੇ ਰਾਖੇ ਵੀ ਆਪ ਬਣੋ। ਰੇਲ ਗੱਡੀਆਂ ਉਤੇ ਸਫ਼ਰ ਕਰੋ, ਹਵਾਈ ਜਹਾਜ਼, ਸੜਕਾਂ ਉਤੇ ਜਿਹੜੀ ਮਰਜ਼ੀ ਥਾਂ ਜਾਉ, ਸਾਰਿਆਂ ਨੂੰ ਆਜ਼ਾਦੀ ਮਿਲ ਗਈ ਹੈ। ਇੱਕਾ-ਦੁੱਕਾ ਕਿੱਤਿਆਂ ਵਾਲਿਆਂ ਨੂੰ ਅਜੇ ਬੰਦ ਰਖਿਆ ਜਾ ਰਿਹਾ ਹੈ ਪਰ ਆਉਣ ਵਾਲੇ ਸਮੇਂ ਵਿਚ ਉਹ ਵੀ ਖੋਲ੍ਹ ਦਿਤੇ ਜਾਣਗੇ। ਦਿੱਲੀ ਵਿਚ ਤਾਂ ਕੇਂਦਰ ਦੀਆਂ ਹਦਾਇਤਾਂ ਤੋਂ ਅੱਗੇ ਵੱਧ ਕੇ ਸਕੂਲਾਂ ਨੂੰ ਖੋਲ੍ਹਣ ਦੀ ਗੱਲ ਕੀਤੀ ਜਾ ਰਹੀ ਹੈ।

Lockdown Lockdown

ਪੰਜਾਬ ਨੇ ਸਨਿਚਰਵਾਰ ਨੂੰ ਜੋ ਸਖ਼ਤੀ ਵਿਖਾਈ ਸੀ, ਉਹ ਐਤਵਾਰ ਨੂੰ ਗ਼ਾਇਬ ਹੋ ਗਈ ਅਤੇ ਸਾਰਾ ਕੁੱਝ ਕੇਂਦਰ ਦੀਆਂ ਹਦਾਇਤਾਂ ਮੁਤਾਬਕ ਹੀ ਕਰ ਦਿਤਾ ਗਿਆ ਹੈ। ਜਿਸ ਦਿਨ ਤਾਲਾਬੰਦੀ ਦੀ ਸ਼ੁਰੂਆਤ ਹੋਈ ਸੀ, ਉਸ ਦਿਨ ਪੂਰੇ ਦੇÎਸ਼ ਅੰਦਰ ਕੋਰੋਨਾ ਦੇ ਕੁਲ 499  ਕੇਸ ਸਨ। ਜਦ ਇਹ ਕੇਸ ਦੋ ਲੱਖ ਤਕ ਪਹੁੰਚ ਗਏ, ਉਦੋਂ ਤਾਲਾਬੰਦੀ ਖੋਲ੍ਹ ਦਿਤੀ ਗਈ ਹੈ।

GDPGDP

ਸਰਕਾਰਾਂ ਭਾਵੇਂ ਅਪਣੀ ਪਿੱਠ ਆਪ ਹੀ ਜਿੰਨੀ ਮਰਜ਼ੀ ਥਪਥਪਾ ਲੈਣ, ਇਕ ਗੱਲ ਸਾਫ਼ ਹੈ ਕਿ ਤਾਲਾਬੰਦੀ ਪੂਰੀ ਤਰ੍ਹਾਂ ਫ਼ੇਲ੍ਹ ਹੋਈ ਹੈ। ਤਾਲਾਬੰਦੀ ਕੋਰੋਨਾ ਵਾਇਰਸ ਨੂੰ ਕਾਬੂ ਨਹੀਂ ਕਰ ਸਕੀ ਪਰ ਤਾਲਾਬੰਦੀ ਨੇ ਭਾਰਤ ਦੇ ਅਰਥਚਾਰੇ ਨੂੰ ਅਪਾਹਜ ਬਣਾਉਣ ਵਿਚ ਕੋਈ ਕਸਰ ਨਹੀਂ ਛੱਡੀ। ਅੱਜ 2020 ਦੇ ਪਹਿਲੇ ਤਿੰਨ ਮਹੀਨਿਆਂ ਦੀ ਜੀ.ਡੀ.ਪੀ. ਦੇ ਅੰਕੜੇ 4 ਫ਼ੀ ਸਦੀ ਤੋਂ ਵੀ ਹੇਠਾਂ ਆਏ ਹਨ ਅਤੇ ਹੁਣ ਤਾਂ ਆਖਿਆ ਜਾ ਰਿਹਾ ਹੈ ਕਿ ਤਾਲਾਬੰਦੀ ਤੋਂ ਬਾਅਦ ਇਹ ਦਰ ਪਿੱਛੇ ਨੂੰ ਮੁੜ ਚੁੱਕੀ ਹੋਵੇਗੀ।

EconomyEconomy

ਫਿਰ ਜੇ ਕੋਰੋਨਾ ਨਾ ਵੀ ਰੁਕਿਆ ਅਤੇ ਜਹਾਨ ਵੀ ਬਰਬਾਦ ਹੋਇਆ ਤਾਂ ਅਸੀਂ ਕੀ ਖਟਿਆ? ਅਸੀਂ ਪੰਜਾਬ ਦੇ ਕਰਫ਼ੀਊ ਦੀਆਂ ਸਿਫ਼ਤਾਂ ਕਰਦੇ ਆ ਰਹੇ ਹਾਂ ਕਿ ਸਰਕਾਰ ਨੇ ਪੰਜਾਬ ਨੂੰ ਬਚਾ ਲਿਆ ਪਰ ਪੰਜਾਬ ਤਾਂ ਜਨਵਰੀ-ਫ਼ਰਵਰੀ ਵਿਚ ਹੀ ਚੌਕਸ ਸੀ ਅਤੇ ਬਚਿਆ ਹੋਇਆ ਸੀ। ਪੰਜਾਬ ਨੂੰ ਜੋ ਆਰਥਕ ਨੁਕਸਾਨ ਹੋਇਆ ਹੈ, ਕੀ ਉਸ ਨੂੰ ਪੰਜਾਬ ਉਤੇ ਥੋਪਣ ਦੀ ਕੋਈ ਲੋੜ ਵੀ ਸੀ? ਪੰਜਾਬੀਆਂ ਨੂੰ ਡੰਡੇ ਮਾਰੇ ਗਏ, ਤਾਕਿ ਉਹ ਅੰਦਰ ਰਹਿਣ ਅਤੇ ਇਸ ਨਾਲ ਪੰਜਾਬ ਪੁਲਿਸ ਦੀ ਛਵੀ ਵੀ ਮਾੜੀ ਪੈ ਗਈ। ਅੱਜ ਉਸ ਸਾਰੀ ਮਿਹਨਤ, ਉਸ ਕੁਰਬਾਨੀ ਦਾ ਸਿੱਟਾ ਕੀ ਨਿਕਲਿਆ ਹੈ?

CoronavirusFile Photo

ਜਿਸ ਕੋਰੋਨਾ ਨੇ ਮਾਰਚ ਵਿਚ ਫੈਲਣਾ ਸੀ, ਉਹ ਹੁਣ ਫੈਲਣਾ ਸ਼ੁਰੂ ਹੋਵੇਗਾ। ਹਾਂ, ਇਕ ਫ਼ਰਕ ਜ਼ਰੂਰ ਹੈ ਕਿ ਮਾਰਚ ਵਿਚ ਸਾਰਿਆਂ ਦੇ ਖਾਤਿਆਂ ਵਿਚ ਪੈਸਾ ਸੀ, ਅਪਣੇ ਆਪ ਦਾ ਇਲਾਜ ਕਰਵਾਉਣ ਦੀ ਸਮਰੱਥਾ ਸੀ, ਕਮਾਈ ਦਾ ਸਾਧਨ ਸੀ, ਰਸੋਈਆਂ ਵਿਚ ਰਾਸ਼ਨ ਸੀ, ਪਰ ਅੱਜ ਬਹੁਤੇ ਭਾਰਤੀਆਂ ਕੋਲ ਕੁੱਝ ਵੀ ਨਹੀਂ ਅਤੇ ਮਹਾਂਮਾਰੀ ਨੂੰ ਸਾਡੇ ਉਤੇ ਹਮਲਾ ਕਰਨ ਵਾਸਤੇ ਛੱਡ ਦਿਤਾ ਗਿਆ ਹੈ।

Corona VirusFile Photo

ਅੱਜ ਤੁਹਾਡੀ ਜਾਨ ਵੀ ਖ਼ਤਰੇ ਵਿਚ ਹੈ ਅਤੇ ਜਹਾਨ ਵੀ ਤੁਹਾਡਾ ਡਗਮਗਾਇਆ ਹੋਇਆ ਹੈ। ਇਨ੍ਹਾਂ ਹਾਲਾਤ ਵਿਚ ਸਾਰੀ ਜ਼ਿੰਮੇਵਾਰੀ ਤੁਹਾਡੇ ਉਤੇ ਸੁਟ ਦਿਤੀ ਗਈ ਹੈ, ਜਾਨ ਨੂੰ ਲੈ ਕੇ ਵੀ ਅਤੇ ਜਹਾਨ ਨੂੰ ਲੈ ਕੇ ਵੀ। ਇਸ ਕਰ ਕੇ ਸਰਕਾਰਾਂ ਵਲੋਂ ਦਿਤੀ ਢਿੱਲ ਤੋਂ ਇਹ ਨਾ ਮੰਨ ਲੈਣਾ ਕਿ ਕੋਰੋਨਾ ਵਾਇਰਸ ਦੀ ਜੰਗ ਜਿੱਤੀ ਗਈ ਹੈ। ਜੰਗ ਅਜੇ ਪੂਰੀ ਤਰ੍ਹਾਂ ਚਲ ਰਹੀ ਹੈ।

PM Narendra ModiPM Narendra Modi

ਸਿਰਫ਼ ਸਰਕਾਰਾਂ ਨੇ ਹੱਥ ਖੜੇ ਕਰ ਦਿਤੇ ਹਨ। ਤੁਸੀ ਅਪਣੀ ਜ਼ਿੰਮੇਵਾਰੀ ਲੈਂਦੇ ਹੋਏ ਰੋਟੀ ਰੋਜ਼ੀ ਵੀ ਕਮਾਉਣੀ ਹੈ ਤੇ ਸਿਹਤ ਨੂੰ ਵੀ ਬਚਾਉਣਾ ਹੈ। ਬਾਹਰ ਕੰਮਾਂ ਨੂੰ ਵੀ ਜਾਣਾ ਹੈ ਅਤੇ ਸਾਰੀਆਂ ਸਾਵਧਾਨੀਆਂ ਵੀ ਵਰਤਣੀਆਂ ਹਨ। ਮਾਸਕ, ਹੱਥ ਧੋਣਾ ਤੇ ਸਮਾਜਕ ਦੂਰੀ ਕਾਇਮ ਰਖਣੀ ਹੈ। ਪੰਜਾਬ, ਇਸ ਦੀਆਂ ਸਰਕਾਰਾਂ ਕਰ ਕੇ ਨਹੀਂ, ਸਰਕਾਰਾਂ ਦੇ ਬਾਵਜੂਦ, ਅਪਣੇ ਬਲਬੂਤੇ ਤੇ ਅੱਗੇ ਵਧਣ ਵਾਲੇ ਪੰਜਾਬੀਆਂ ਦਾ ਸੂਬਾ ਹੈ ਅਤੇ ਅਪਣੀ ਇਸ ਰਵਾਇਤ ਨੂੰ ਕਾਇਮ ਰੱਖ ਕੇ ਪੰਜਾਬੀ ਅਤੇ ਪੰਜਾਬ ਅੱਜ ਵੀ ਬਚ ਸਕਦੇ ਹਨ।  -ਨਿਮਰਤ ਕੌਰ
 

Location: India, Delhi, New Delhi

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

Chandigarh police slapped a Sikh youth | Police remove Sikh turban | Chandigarh police Latest News

12 Jul 2025 5:52 PM

Batala Conductor Woman Clash : Batala 'ਚ Conductor ਨਾਲ਼ ਤੂੰ ਤੂੰ ਮੈਂ ਮੈਂ ਮਗਰੋਂ ਔਰਤ ਹੋਈ ਬੇਹੋਸ਼

12 Jul 2025 5:52 PM

Harpal Cheema VS Partap Bajwa : ਪ੍ਰਤਾਪ ਬਾਜਵਾ ਤੇ ਹਰਪਾਲ ਚੀਮਾ ਦੀ ਹੋ ਗਈ ਬਹਿਸ ਤੁਸੀ ਗੈਂਗਸਟਰ ਪਾਲੇ ਆ

11 Jul 2025 12:17 PM

Punjab Vidhan Sabha Session live : ਅਮਨ ਅਰੋੜਾ ਤੇ ਬਾਜਵਾ ਦੀ ਬਹਿਸ ਮਗਰੋਂ CM ਮਾਨ ਹੋ ਗਏ ਖੜ੍ਹੇ

11 Jul 2025 12:15 PM

Abohar Tailor Murder Case Sanjay Verma, photo of Sandeep Jakhar with the accused in the Abohar case

10 Jul 2025 9:04 PM
Advertisement