AAP Punjab
ਕਾਟੋ ਕਲੇਸ਼ ਦਾ ਰਾਗ ਛਿੜਿਆ, ਹੁਣ ਬਿਖਰ ਰਹੀ ਹੈ ਆਪ ਬੇਲੀ............
ਕਾਟੋ ਕਲੇਸ਼ ਦਾ ਰਾਗ ਛਿੜਿਆ, ਹੁਣ ਬਿਖਰ ਰਹੀ ਹੈ ਆਪ ਬੇਲੀ,
ਆਮ ਤੋਂ ਖ਼ਾਸ ਦੀ ਦੌੜ ਲੱਗੀ, ਆਏ ਦਿੱਲੀਉਂ ਹੁਕਮ ਨੇ ਖ਼ਾਸ ਬੇਲੀ,
ਵਰਕਰ ਵੇਖ ਕੇ ਉਦਾਸ ਹੋਏ, ਖਿੰਡ ਗਈ ਰਾਜਨੀਤੀ ਦੀ ਤਾਸ਼ ਬੇਲੀ,
ਤੀਜੀ ਧਿਰ ਦਾ ਉਭਾਰ ਪਿਆ ਮੱਠਾ, ਹੁਣ ਫ਼ੇਲ ਕਿਵੇਂ ਹੋਣਗੇ ਪਾਸ ਬੇਲੀ,
ਵਿਰੋਧੀ ਦਲ ਵਿਚ ਹੋਇਆ ਵਿਰੋਧ ਪੈਦਾ, ਬਚੀ ਨਾ ਤੰਦ ਦੀ ਆਸ ਬੇਲੀ,
ਰੁੱਸ ਗਿਆ ਇਨਕਲਾਬ ਲਗਦਾ, ਜੋ ਸੀ ਰਿਹਾ ਵਿਰਲਾਂ ਥਾਣੀਂ ਝਾਕ ਬੇਲੀ,
ਝਾੜੂ ਰਿਹਾ ਨਾ ਇਤਫ਼ਾਕ ਬੱਝਾ, ਤੀਲਾ ਤੀਲਾ ਹੋਇਆ ਆਪੋ ਧਾਪ ਬੇਲੀ,
ਰਾਜਨੀਤੀ ਖੇਡ ਹੈ ਸਮਝਦਾਰੀਆਂ ਦੀ, ਰਖਣਾ ਪੈਂਦਾ ਥੋੜਾ ਧਰਵਾਸ ਬੇਲੀ।
-ਸੁਖਵੀਰ ਘੁਮਾਣ, ਸੰਪਰਕ : 98155-90209
