Advertisement

ਧਰਤੀ ਹੇਠਲਾ ਪਾਣੀ

ਸਪੋਕਸਮੈਨ ਸਮਾਚਾਰ ਸੇਵਾ | Edited by : ਵੀਰਪਾਲ ਕੌਰ
Published Aug 21, 2019, 1:01 pm IST
Updated Aug 21, 2019, 1:01 pm IST
ਬੇਸਮਝੀ ਵਿਚ ਅਸੀ ਮੁਕਾ ਲਿਆ, ਧਰਤ ਹੇਠਲਾ ਪਾਣੀ ਜੀ,
Water
 Water

ਬੇਸਮਝੀ ਵਿਚ ਅਸੀ ਮੁਕਾ ਲਿਆ, ਧਰਤ ਹੇਠਲਾ ਪਾਣੀ ਜੀ,

ਮਾਰੂਥਲ ਹੁਣ ਬਣਦੀ ਜਾਂਦੀ, ਪੰਜ ਆਬਾਂ ਦੀ ਰਾਣੀ ਜੀ,

ਸਾਨੂੰ ਗੁਰੂਆਂ ਨੇ ਜੋ ਬਖ਼ਸ਼ੀ, ਅੰਮ੍ਰਿਤ ਧੁਰ ਕੀ ਬਾਣੀ ਜੀ,

ਅਸਲੀ ਅਰਥ ਨਾ ਪੜ੍ਹੇ ਪੰਜਾਬੀਉ, ਪੈ ਗਏ ਹੋਰ ਹੀ ਵਾਹਣੀ ਜੀ,

ਫੜ ਲਈ ਫਿਰ ਪੁਜਾਰੀਵਾਦ ਦੀ, ਉਹੀ ਰੀਤ ਪੁਰਾਣੀ ਜੀ,

ਗਧਿਆਂ ਨੇ ਹੱਥ ਆਏ ਲਾਲ ਦੀ, ਭੋਰਾ ਕਦਰ ਨਾ ਜਾਣੀ ਜੀ,

ਨਸ਼ਿਆਂ ਨੇ ਖਾ ਲਈ ਜਵਾਨੀ, ਪਸਰ ਗਈ ਮੁਰਦੇਹਾਣੀ ਜੀ,

'ਪਸਿਆਨੇ' ਜੇ ਨਾ ਸੁਧਰੇ ਪੰਜ ਸੱਤ ਸਾਲ ਤਾਂ ਸਮਝੋ ਖ਼ਤਮ ਕਹਾਣੀ ਜੀ।

-ਦਰਸ਼ਨ ਸਿੰਘ ਪਸਿਆਣਾ, ਸੰਪਰਕ : 97795-85081