ਫ਼ਤਹਿਵੀਰ ਦੀ ਮੌਤ ਦਾ ਬਹੁਤ ਅਫ਼ਸੋਸ ਹੈ। ਅਫ਼ਸੋਸ ਨਾਲ ਕਹਿਣਾ ਪੈਂਦਾ ਹੈ ਕਿ ਪਹਿਲੀ ਗ਼ਲਤੀ ਤਾਂ ਘਰ ਵਾਲਿਆਂ ਦੀ ਹੈ, ਉਨ੍ਹਾਂ ਕਿਵੇਂ ਦੋ ਸਾਲ ਦੇ ਬੱਚੇ ਨੂੰ ਅੱਖੋਂ ਓਹਲੇ...
ਫ਼ਤਹਿਵੀਰ ਦੀ ਮੌਤ ਦਾ ਬਹੁਤ ਅਫ਼ਸੋਸ ਹੈ। ਅਫ਼ਸੋਸ ਨਾਲ ਕਹਿਣਾ ਪੈਂਦਾ ਹੈ ਕਿ ਪਹਿਲੀ ਗ਼ਲਤੀ ਤਾਂ ਘਰ ਵਾਲਿਆਂ ਦੀ ਹੈ, ਉਨ੍ਹਾਂ ਕਿਵੇਂ ਦੋ ਸਾਲ ਦੇ ਬੱਚੇ ਨੂੰ ਅੱਖੋਂ ਓਹਲੇ ਕਰ ਦਿਤਾ ਕਿ ਬਾਹਰ ਜਾ ਕੇ ਕਿਸੇ ਖੱਡੇ ਵਿਚ ਡਿੱਗ ਜਾਵੇ ਤੇ ਮਰ ਜਾਵੇ। ਇਹ ਉਹੀ ਗੱਲ ਹੋਈ ''ਵਸਤ ਨਾ ਰਖੇ ਆਪਣੀ, ਚੋਰਾਂ ਗਾਲੀ ਦੇ।'' ਬਾਅਦ ਵਿਚ ਕਿਸੇ ਨੂੰ ਉਸ ਦੀ ਮੌਤ ਦਾ ਜ਼ਿੰਮੇਵਾਰ ਕਹਿਣਾ, ਉਸ ਲਈ ਨਾਹਰੇ ਲਗਾਉਣੇ, ਸਰਕਾਰ ਨੂੰ ਬੁਰਾ ਭਲਾ ਕਹਿਣਾ, ਫ਼ੋਟੋਆਂ ਉਤੇ ਜੁਤੀਆਂ ਮਾਰਨੀਆਂ, ਧਰਨੇ ਲਗਾਉਣੇ, ਇਹ ਤਾਂ ਠੀਕ ਨਹੀਂ ਲਗਦਾ। ਦੂਜੀ ਗ਼ਲਤੀ ਪਿੰਡ ਵਾਲਿਆਂ ਦੀ ਹੈ ਜੋ ਉਥੋਂ ਦੇ ਪੰਚਾਂ-ਸਰਪੰਚਾਂ ਨੂੰ ਕਹਿ ਕੇ ਇਨ੍ਹਾਂ ਖੁੱਲ੍ਹੇ ਬੋਰਵੈੱਲਾਂ ਦਾ ਇਤਜ਼ਾਮ ਕਰਦੇ ਜੋ ਕਿ ਕਿਸੇ ਦੀ ਵੀ ਜਾਨ ਲੈ ਸਕਦੇ ਹਨ।
Ucha Dar Babe Nanak
ਇਕ ਹੋਰ ਗੱਲ ਮੈਂ ਸਤਕਾਰਯੋਗ ਸਰਦਾਰ ਜੋਗਿੰਦਰ ਸਿੰਘ ਤੇ ਸਾਰੇ ਪ੍ਰਵਾਰ ਨੂੰ ਕਹਿਣਾ ਚਾਹੁੰਦੀ ਹਾਂ ਕਿ ਤੁਹਾਡਾ ਬਹੁਤ-ਬਹੁਤ ਧਨਵਾਦ ਕਿ ਤੁਸੀ 'ਉੱਚਾ ਦਰ ਬਾਬੇ ਨਾਨਕ ਦਾ' ਬਹੁਤ ਮਿਹਨਤ ਤੇ ਘਾਲਣਾ ਨਾਲ ਤਿਆਰ ਕੀਤਾ ਹੈ। ਤੁਸੀ ਗ਼ਰੀਬਾਂ ਬਾਰੇ ਸੋਚਿਆ ਹੈ ਜਦੋਂ ਕਿ ਅੱਜ ਦੇ ਜ਼ਮਾਨੇ ਵਿਚ ਚਾਰੇ ਪਾਸੇ ਲਾਲਚ ਤੇ ਖੁਦਗ਼ਰਜ਼ੀ ਫੈਲ ਰਹੀ ਹੈ। ਇਸ ਲਈ ਮੈਨੂੰ ਇਹ ਫ਼ਿਕਰ ਰਹਿੰਦਾ ਹੈ ਕਿ ਕੋਈ ਤੁਹਾਡੇ ਵਰਗਾ ਹੀ ਮਹਾਨ ਤੇ ਇਮਾਨਦਾਰ ਹੋਵੇ ਜਿਸ ਦੇ ਹਵਾਲੇ ਤੁਸੀ ਇਸ ਨੂੰ ਕਰੋ ਜਾਂ ਤੁਸੀ ਆਪ ਹੀ ਇਸ ਦੀ ਵਾਗਡੋਰ ਸੰਭਾਲ ਕੇ ਰੱਖੋ ਕਿਉਂਕਿ ਇਕ ਵਾਰ ਅਖ਼ਬਾਰ ਵਿਚ ਪੜ੍ਹਿਆ ਸੀ ਕਿ ਕਿਸੇ ਨੇ ਇਸ ਨੂੰ ਖ਼ਰੀਦਣ ਦੀ ਗੱਲ ਵੀ ਕੀਤੀ ਸੀ ਤੇ ਕਿਹਾ ਸੀ ਕਿ ਇਕ ਕਮਰੇ ਵਿਚ ਬਾਬਾ ਜੀ ਦਾ ਪ੍ਰਕਾਸ਼ ਕਰ ਕੇ ਬਾਕੀ ਹੋਰ ਮਤਲਬ ਲਈ ਵਰਤਿਆ ਜਾਵੇਗਾ।
Joginder Singh
ਤੁਸੀ ਇਹ ਪੇਸ਼ਕਸ਼ ਠੁਕਰਾ ਦਿਤੀ ਸੀ, ਪਰ ਤੁਹਾਡੇ ਬਾਦ ਕੋਈ ਲਾਲਚੀ ਬੰਦੇ ਆ ਜਾਣ ਜੋ ਇਸ ਤਰ੍ਹਾਂ ਦਾ ਸੋਦਾ ਕਰ ਦੇਣ ਤਾਂ ਤੁਹਾਡੀ ਘਾਲਣਾ ਬੇਕਾਰ ਹੋ ਜਾਵੇਗੀ। ਇਸ ਗੱਲ ਦਾ ਸ਼ਰਧਾਲੂਆਂ ਨੂੰ ਬਹੁਤ ਅਫ਼ਸੋਸ ਹੋਵੇਗਾ ਤੇ ਗ਼ਰੀਬਮਾਰੀ ਹੋਵੇਗੀ। ਬਾਕੀ ਤੁਸੀ ਜੋ ਵੀ ਕਰੋਗੇ ਠੀਕ ਹੀ ਕਰੋਗੇ। ਮੈਂ ਪਹਿਲੀ ਵਾਰ ਲਿਖ ਰਹੀ ਹਾਂ ਇਸ ਲਈ ਮੈਨੂੰ ਇਹ ਜਾਣਕਾਰੀ ਨਹੀਂ ਕਿ ਜੇਕਰ ਸਰਦਾਰ ਜੋਗਿੰਦਰ ਸਿੰਘ ਜੀ ਨੂੰ ਇਹ ਕਹਿਣਾ ਹੋਵੇ ਤਾਂ ਕਿਥੇ ਲਿਖਣਾ ਹੁੰਦਾ ਹੈ ਜਾਂ ਹੋਰ ਕੋਈ ਢੰਗ ਹੈ?
- ਡਾ. ਰਾਜਿੰਦਰ ਕੌਰ ਢੀਂਡਸਾ, ਜਲੰਧਰ, ਸੰਪਰਕ : 98556-36353
