ਗੋਲੀ ਲੱਗਣ ਤੋਂ ਬਾਅਦ ਭਾਈ ਮਹਿੰਗਾ ਸਿੰਘ ਬੱਬਰ ਦੇ ਆਖ਼ਰੀ ਬੋਲ ਸਨ "ਚੜ੍ਹਦੀਕਲਾ ਹੋ ਗਈ ...।" 
Published : Jun 1, 2018, 1:11 pm IST
Updated : Jun 1, 2018, 1:13 pm IST
SHARE ARTICLE
Bhai Mehnga Singh Babbar
Bhai Mehnga Singh Babbar

ਤਿੰਨ ਵਜੇ ਦੇ ਕਰੀਬ ਗੁਰਦੁਆਰਾ ਬਾਬਾ ਅੱਟਲ ਸਾਹਿਬ ਵਾਲੇ ਮੋਰਚੇ ਤੇ ਫਾਇਰਿੰਗ ਹੋਈ ਤਾਂ ਭਾਈ ਮਹਿੰਗਾ ਸਿੰਘ ਨੇ ਵੀ ਅੱਗੋਂ ਖੜਕਵਾਂ ਜੁਆਬ ਦਿੱਤਾ ਜਿਸ ...

1 ਜੂਨ 1984 'ਤੇ ਵਿਸ਼ੇਸ਼
ਤਿੰਨ ਵਜੇ ਦੇ ਕਰੀਬ ਗੁਰਦੁਆਰਾ ਬਾਬਾ ਅੱਟਲ ਸਾਹਿਬ ਵਾਲੇ ਮੋਰਚੇ ਤੇ ਫਾਇਰਿੰਗ ਹੋਈ ਤਾਂ ਭਾਈ ਮਹਿੰਗਾ ਸਿੰਘ ਨੇ ਵੀ ਅੱਗੋਂ ਖੜਕਵਾਂ ਜੁਆਬ ਦਿੱਤਾ ਜਿਸ ਸਰਕਾਰੀ ਮੋਰਚੇ ਵਿਚੋਂ ਗੋਲੀ ਆਈ ਸੀ ਭਾਈ ਸਾਹਿਬ ਨੇ ਓਥੇ ਗੋਲੀਆਂ ਦਾ ਮੀਂਹ ਵਰ੍ਹਾ ਦਿੱਤਾ ਅਤੇ ਜੈਕਾਰੇ ਛੱਡਦੇ ਹੋਏ ਗੁੰਬਦ ਵਾਲੀ ਸਭ ਤੋਂ ਉਪਰਲੀ ਨੌਵੀਂ ਮੰਜਿਲ ਤੇ ਜਾ ਡਟੇ। ਜਿਥੋਂ ਸ਼ਿਸਤ ਹੋਰ ਵਧੀਆ ਬੱਝੀ ਅਤੇ ਪਲਾਂ ਵਿਚ ਹੀ 8 - 9 ਸੀ ਆਰ ਪੀ ਵਾਲੇ ਧੁਰ ਦੀ ਗੱਡੀ ਚਾੜ ਦਿੱਤੇ ਸਰਕਾਰੀ  ਮੋਰਚਾ ਖਾਲੀ ਹੋ ਗਿਆ।

Bhai Mehnga Singh BabbarBhai Mehnga Singh Babbarਇਹ ਮੰਜਰ ਵੇਖਣ ਲਈ ਜਿਓਂ ਹੀ ਭਾਈ ਮਹਿੰਗਾ ਸਿੰਘ ਨੇ ਸੰਗਮਰਮਰ ਦੇ ਝਰਨੇ ਤੋਂ ਆਪਣਾ ਸੀਸ ਉਪਰ ਚੁੱਕਿਆ ਤਾਂ ਦੂਰੋਂ ਕੇਸਰੀ ਦੁਮਾਲਾ ਚਮਕਿਆ ।
ਤਾੜ੍ਹ ... ਤਾੜ੍ਹ ਕਰਦਾ ਬਰਸਟ ਆਇਆ ਭਾਈ ਸਾਹਿਬ ਦਾ ਸਿਰ ਓਹਲੇ ਹੋ ਗਿਆ। ਅਸੀਂ ਸਾਰੇ ਸਿੰਘ ਸਰਾਂ ਦੀ ਚੌਥੀ ਮੰਜਿਲ ਦੇ ਖੱਬੇ ਮੁੜਕੇ ਜੋ ਅਖੀਰਲਾ ਕਮਰਾ ਸੀ ਜਿਸ ਦੀ ਬਾਰੀ ਬਾਬਾ ਅਟੱਲ ਸਾਹਿਬ ਵੱਲ ਖੁਲਦੀ ਸੀ ਅਤੇ ਜੋ ਜਥੇਦਾਰ ਸੁਖਦੇਵ ਸਿੰਘ ਬੱਬਰ ਦਾ ਕਮਰਾ ਸੀ ਵਿਚੋਂ ਇਹ ਸਭ ਨਜ਼ਾਰਾ ਵੇਖ ਰਹੇ ਸਾਂ । ਜਥੇਦਾਰ ਦੇ ਹੱਥ ਵਿਚ ਫੜੇ ਵਾਕੀ ਟਾਕੀ ਸੈਟ ਨਾਲ ਹੁਣ ਤੱਕ ਲਗਾਤਾਰ ਭਾਈ ਮਹਿੰਗਾ ਸਿੰਘ ਨਾਲ ਗੱਲ ਹੋ ਰਹੀ ਸੀ। 

Bhai Mehnga Singh BabbarBhai Mehnga Singh Babbarਬਰਸਟ ਦੀ ਅਵਾਜ਼ ਸੁਣਕੇ ਕਿਸੇ ਨੂੰ ਸਮਝ ਨਹੀਂ ਆ ਰਹੀ ਸੀ ਕਿ ਇਹ ਭਾਈ ਸਾਹਿਬ ਦੇ ਵੱਜਾ ਹੈ ਜਾਂ ਕੋਲੋਂ ਦੀ ਲੰਘ ਗਿਆ ਸੀ । ਅੱਗੋਂ ਕੋਈ ਆਵਾਜ਼ ਨਹੀਂ ਆ ਰਹੀ ਸੀ ਸਾਡੀਆਂ ਧੜਕਣਾਂ ਤੇਜ਼ ਹੋ ਗਾਈਆਂ ਸਨ। ਮਨ ਵਿਚ ਆ ਰਹੀ  ਸੋਚ ਤੇ ਦਿਲ ਬਾਰ ਬਾਰ ਕਾਬੂ ਪਾਉਣ ਦੀ ਕੋਸ਼ਿਸ਼ ਕਰਦਾ । ਸਭ ਦੀਆਂ ਨਜ਼ਰਾਂ ਬਾਬਾ ਅਟੱਲ ਸਾਹਿਬ ਦੀ ਅਖੀਰਲੀ ਮੰਜਿਲ ਤੇ ਗੱਡੀਆਂ ਹੋਈਆਂ ਸਨ ਇਸੇ ਉਡੀਕ ਵਿਚ ਕਿ ਹੁਣੇ ਹੀ ਭਾਈ ਸਾਹਿਬ ਦਾ ਕੇਸਰੀ ਦੁਮਾਲਾ ਫਿਰ ਨਜਰੀਂ ਪਵੇਗਾ . 
ਅਚਾਨਕ ਗੰਭੀਰ ਜਹੀ ਆਵਾਜ਼ ਵਿਚ ਜਥੇਦਾਰ ਨੇ ਚੁੱਪ ਤੋੜੀ   " ਭਾਣਾ ਵਾਪਰ ਗਿਆ ਲਗਦਾ "।

sikh 1984sikh 1984ਫਿਰ ਵਾਕੀ ਟਾਕੀ ਸੈਟ ਤੇ ਉਚੀ ਦੇਣੀ ਅਵਾਜਾਂ ਮਾਰੀਆਂ ।
ਓ ਮਹਿੰਗਾਂ ਸਿਆਂ ... ਓ ਮਹਿੰਗਾ ਸਿਆਂ ..... ਕੀ ਹਾਲ ਆ ਸਿੰਘਾ 
ਇਸ ਵਾਰ ਅੱਗੋਂ ਜਵਾਬ ਆਇਆ " ਚੜਦੀਕਲਾ ਹੋ ਗਈ , ਬੋਲੇ ਸੋ ਨਿਹਾਲ "
" ਸਤਿ ਸ਼੍ਰੀ ਅਕਾ.......ਲ " ਕਮਰੇ ਵਿਚ ਮੌਜੂਦ ਸਾਰੇ ਸਿੰਘਾਂ ਨੇ ਬੜੀ ਗਰਜਵੀਂ ਆਵਾਜ਼ ਵਿਚ ਜਵਾਬ ਦਿੱਤਾ ।
ਇਹ ਭਾਈ ਮਹਿੰਗਾ ਸਿੰਘ ਦੇ ਆਖਰੀ ਬੋਲੇ ਸਨ , ਇਸ ਤੋਂ ਬਾਅਦ ਦੂਜੇ ਪਾਸਿਓਂ ਕੋਈ ਆਵਾਜ਼ ਨਹੀਂ ਆਈ 

mehnga singh babbarmehnga singh babbarਭਾਈ ਮਨਮੋਹਨ ਸਿੰਘ ਫੌਜੀ ਜੋ ਹੇਠਲੀ ਮੰਜਿਲ ਤੇ ਮੋਰਚੇ ਵਿਚ ਸਨ । ਓਹਨਾਂ ਜਾਕੇ ਸ਼ਹੀਦ ਸਿੰਘ ਦੇ ਦਰਸ਼ਨ ਕੀਤੇ ਅਤੇ ਉਸੇ ਵਾਕੀ ਟਾਕੀ 'ਤੇ ਦੱਸਿਆ ਕਿ,
" ਜਥੇਦਾਰ ਜੀ, ਭਾਣਾ ਵਾਪਰ ਗਿਆ ! ਭਾਈ ਮਹਿੰਗਾ ਸਿੰਘ ਸ਼ਹੀਦੀ ਪਾ ਗਿਆ " ਭਾਈ ਅਨੋਖ ਸਿੰਘ ਨੇ ਸ਼ੁਕਰਾਨੇ ਵੱਜੋਂ ਦੋਵੇਂ ਹਥ ਜੋੜ ਲਏ ਅਤੇ ਅੱਖਾਂ ਮੀਟੀਆਂ ਨਾਲ ਹੀ ਜੋਰ ਦੀ ਜੈਕਾਰਾ ਗਜਾਇਆ " ਬੋਲੇ ਸੋ ਨਿਹਾਲ "  ਇਸ ਵਾਰ ਵਧੇਰੇ ਜੋਸ਼ ਵਿਚ ਜੁਆਬ ਆਇਆ " ਸਤਿ ਸ਼੍ਰੀ ਅਕਾ.......ਲ" ਇੱਕ-ਇੱਕ ਕਰਕੇ ਪੰਜ ਜੈਕਾਰੇ ਛੱਡੇ ਗਏ, ਹਰ ਵਾਰ ਆਕਾਸ਼ ਗੂੰਜਵੀਂ ਆਵਾਜ਼ ਵਿਚ ਬੋਲੇ ਦਾ ਜੁਆਬ ਆਇਆ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

ਜਥੇਦਾਰ ਅਕਾਲ ਤਖ਼ਤ ਸਾਹਿਬ ਦੇ ਹੱਕ 'ਚ ਆਉਣ 'ਤੇ, ਬਲਜੀਤ ਸਿੰਘ ਦਾਦੂਵਾਲ ਦਾ ਵੱਡਾ ਬਿਆਨ

14 Feb 2025 12:19 PM

ਗ਼ੈਰ-ਕਾਨੂੰਨੀ ਪ੍ਰਵਾਸ ’ਤੇ PM ਮੋਦੀ ਤੇ ਰਾਸ਼ਟਪਤੀ ਟਰੰਪ ਵਿਚਾਲੇ ਕੀ ਗੱਲ ਹੋਈ ?

14 Feb 2025 12:15 PM

ਦਹਿਸ਼ਤ 'ਚ ਜਿਓਂ ਰਹੇ ਬਠਿੰਡਾ ਦੇ ਇਸ ਪਿੰਡ ਦੇ ਲੋਕ, ਸ਼ੱਕੀ ਜਾਨਵਰ ਹੋਰ ਦਾ ਖ਼ਦਸਾ

13 Feb 2025 12:14 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ

13 Feb 2025 12:11 PM

Baldev Singh Sirsa health Update : ਮਹਾਂ ਪੰਚਾਇਤ ਤੋਂ ਪਹਿਲਾਂ ਬਲਦੇਵ ਸਿੰਘ ਸਿਰਸਾ ਦੀ ਸਿਹਤ ਅਚਾਨਕ ਹੋਈ ਖ਼ਰਾਬ,

12 Feb 2025 12:38 PM
Advertisement