ਗੁਰੂ ਹਰਿਕ੍ਰਿਸ਼ਨ ਮੈਡੀਕਲ ਟਰੱਸਟ ਦੀ ਬਹਾਲੀ ਬਾਦਲਾਂ ਦੀ ਹਾਰ: ਸਰਨਾ
ਨਵੀਂ ਦਿੱਲੀ, 7 ਜੂਨ (ਅਮਨਦੀਪ ਸਿੰਘ): ਵਿਵਾਦਾਂ ਵਿਚ ਘਿਰੇ ਰਹੇ ਗੁਰੂ ਹਰਿਕ੍ਰਿਸ਼ਨ ਹਸਪਤਾਲ, ਗੁਰਦਵਾਰਾ ਬਾਲਾ ਸਾਹਿਬ ਨੂੰ ਚਲਾਉਣ ਲਈ ਦਿੱਲੀ ਸਿੱਖ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਵਲੋਂ ਸਾਲ 2007 ਵਿਚ ਕਾਇਮ ਕੀਤੇ ਗਏ ਗੁਰੂ ਹਰਿਕ੍ਰਿਸ਼ਨ ਮੈਡੀਕਲ ਟਰੱਸਟ ਨੂੰ ਦਿੱਲੀ ਹਾਈ ਕੋਰਟ ਵਲੋਂ ਮੁੜ ਬਹਾਲ ਕਰਨ ਨੂੰ ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਦੇ ਪ੍ਰਧਾਨ ਪਰਮਜੀਤ ਸਿੰਘ ਸਰਨਾ ਤੇ ਸਕੱਤਰ ਜਨਰਲ ਹਰਵਿੰਦਰ ਸਿੰਘ ਸਰਨਾ ਨੇ ਅਪਣੀ ਮਿਸਾਲੀ ਜਿੱਤ ਤੇ ਬਾਦਲਾਂ ਦੀ ਕਰਾਰੀ ਹਾਰ ਦਸਿਆ ਹੈ।
Harwinder Singh Sarnaਜਦ 2013 ਵਿਚ ਦਿੱਲੀ ਸਿੱਖ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦਾ ਪ੍ਰਬੰਧ ਮਨਜੀਤ ਸਿੰਘ ਜੀ.ਕੇ. ਦੀ ਅਗਵਾਈ ਹੇਠ ਬਾਦਲ ਦਲ ਕੋਲ ਚਲਾ ਗਿਆ ਸੀ, ਉਦੋਂ ਅਪ੍ਰੈਲ 2013 ਵਿਚ ਹੇਠਲੀ ਜ਼ਿਲ੍ਹਾ ਅਦਾਲਤ ਵਿਚ ਅਕਾਲੀ ਅਹੁਦੇਦਾਰ ਕੁਲਦੀਪ ਸਿੰਘ ਭੋਗਲ ਵਲੋਂ ਦਾਖ਼ਲ ਕੀਤੇ ਗਏ ਮੁਕੱਦਮੇ ਪਿੱਛੋਂ ਇਸੇ ਟਰੱਸਟ ਨੂੰ ਗ਼ੈਰ-ਕਾਨੂੰਨੀ ਆਖ ਕੇ ਰੱਦ ਕਰ ਦਿਤਾ ਗਿਆ ਸੀ।
ਅੱਜ ਇਥੇ ਸਰਨਾ ਭਰਾਵਾਂ ਨੇ ਕਿਹਾ ਹੁਣ ਦਿੱਲੀ ਹਾਈ ਕੋਰਟ ਵਲੋਂ ਜੋ ਫ਼ੈਸਲਾ ਦਿਤਾ ਗਿਆ ਹੈ ਕਿ ਹਸਪਤਾਲ ਚਲਾਉਣ ਲਈ ਸਾਡੇ ਵਲੋਂ ਪਿਛੋਕੜ ਵਿਚ ਕਾਇਮ ਕੀਤਾ ਗਿਆ ਧਾਰਮਕ ਟਰੱਸਟ ਗ਼ੈਰ-ਕਾਨੂੰਨੀ ਨਹੀਂ ਸੀ, ਹੁਣ ਬਾਦਲ ਦਲ ਸੰਗਤ ਨੂੰ ਸਪੱਸ਼ਟ ਕਰੇ ਕਿ ਕਿਉਂ ਸਾਡੇ ਵਿਰੁਧ ਪਿਛਲੇ ਕਈ ਸਾਲਾਂ ਤੋਂ ਹਸਪਤਾਲ ਵੇਚਣ ਦਾ ਪ੍ਰਾਪੇਗੰਢਾ ਕੀਤਾ ਗਿਆ
Paramjit Singh Sarnaਤੇ ਹੁਣ ਸਾਢੇ ਪੰਜ ਸਾਲ ਤੋਂ ਦਿੱਲੀ ਗੁਰਦਵਾਰਾ ਕਮੇਟੀ ਦਾ ਪ੍ਰਬੰਧ ਚਲਾਉਣ ਦੇ ਬਾਵਜੂਦ ਕਿਉਂ ਹਸਪਤਾਲ ਨੂੰ ਸ਼ੁਰੂ ਨਹੀਂ ਕਰ ਸਕਿਆ? ਉਨ੍ਹਾਂ ਕਿਹਾ ਕਿ ਜਦ ਅਸੀਂ ਕੋਈ ਅਪਰਾਧ ਹੀ ਨਹੀਂ ਕੀਤਾ ਤਾਂ ਅਸੀਂ ਕਿਉਂ ਡਰੀਏ? ਉਨ੍ਹਾਂ ਮੰਗ ਕੀਤੀ ਕਿ ਦਿੱਲੀ ਦੇ ਸੇਵਾਮੁਕਤ ਜੱਜਾ ਜਾਂ ਵਿਦਿਅਕ ਮਾਹਰਾਂ ਦੀ ਕਮੇਟੀ ਕਾਇਮ ਹੋਵੇ ਜੋ ਇਹ ਪੜਤਾਲ ਕਰ ਕੇ ਸਾਰਾ ਸੱਚ ਸਿੱਖਾਂ ਸਾਹਮਣੇ ਰੱਖਣ ਕਿ ਆਖ਼ਰ ਕਿਉਂ ਬਾਦਲ ਦਲ ਨੇ ਹਸਪਤਾਲ ਨੂੰ ਚਲਣ ਨਹੀਂ ਦਿਤਾ।
