ਗੁਰਦਵਾਰੇ ਵਿਚ ਭਾਰੀ ਤਾਦਾਦ ’ਚ ਪੁੱਜੇ ਪਾਵਨ ਗੁਟਕਿਆਂ ’ਚ ਗੁਰਬਾਣੀ ਨਾਲ ਛੇੜਛਾੜ
Published : Jul 22, 2020, 10:01 am IST
Updated : Jul 22, 2020, 10:01 am IST
SHARE ARTICLE
Gutka Sahib
Gutka Sahib

ਗੁਟਕਿਆਂ ਵਿਚ ਹਵਨ ਤੇ ਹਵਨ ਸਮਗਰੀ ਦਾ ਵੇਰਵਾ, ਪ੍ਰਬੰਧਕਾਂ ਨੇ ਖ਼ੁਦ ਮੰਨਿਆ ਕਿ ਸੰਪਰਦਾਈਆਂ ਵਾਲੇ ਗੁਟਕੇ ਕੀਤੇ ਗਏ ਵਾਪਸ

ਕੋਟਕਪੂਰਾ, 21 ਜੁਲਾਈ (ਗੁਰਿੰਦਰ ਸਿੰਘ) : ਜ਼ਿਲ੍ਹੇ ਦੇ ਕਸਬੇ ਬਾਜਾਖ਼ਾਨਾ ਦੇ ਗੁਰਦਵਾਰਾ ਸਾਹਿਬ ’ਚ ਸੰਪਰਦਾਈਆਂ ਵਲੋਂ ਛਾਪੇ ਜਾਂ ਛਪਵਾਏ ਗੁਰਬਾਣੀ ਦੇ ਪਾਵਨ ਗੁਟਕਿਆਂ ਦੇ ਪੁੱਜਣ ਨੂੰ ਲੈ ਕੇ ਵਿਵਾਦ ਖੜਾ ਹੋਣਾ ਸੁਭਾਵਕ ਹੈ, ਕਿਉਂਕਿ ਉਕਤ ਗੁਟਕਿਆਂ ਉਪਰ ਗੁਰੂ ਸਾਹਿਬਾਨ ਦੀ ਵਿਚਾਰਧਾਰਾ ਨੂੰ ਚੁਨੌਤੀ ਦੇਣ ਵਾਲੀਆਂ ਸਤਰਾਂ ਦੇਖ ਕੇ ਗੁਰਦਵਾਰਾ ਸਾਹਿਬ ਦੇ ਪ੍ਰਬੰਧਕ ਤੇ ਸ਼ਰਧਾਲੂ ਵੀ ਹੈਰਾਨ ਰਹਿ ਗਏ। 

ਉਨ੍ਹਾਂ ਇਕ ਵੀਡੀਉ ਜਾਰੀ ਕਰ ਕੇ ਖ਼ੁਦ ਦਸਿਆ ਕਿ ਭਾਈ ਚਤਰ ਸਿੰਘ, ਜੀਵਨ ਸਿੰਘ ਅੰਮ੍ਰਿਤਸਰ ਵਲੋਂ ਪ੍ਰਕਾਸ਼ਤ ਸਾਰੇ ਪਾਵਨ ਗੁਟਕਿਆਂ ’ਚ ਵਿਵਾਦਤ ਸ਼ਬਦਾਵਲੀ ਸੰਗਤਾਂ ’ਚ ਦੁਬਿਧਾ ਖੜੀ ਕਰਨ ਦੀ ਇਕ ਚਾਲ ਜਾਂ ਸਾਜ਼ਸ਼ ਮੰਨੀ ਜਾ ਸਕਦੀ ਹੈ। ਗੁਰਦਵਾਰਾ ਸਾਹਿਬ ਦੇ ਪ੍ਰਬੰਧਕਾਂ ਵਲੋਂ ਜਨਤਕ ਕੀਤੀ ਵੀਡੀਉ ਮੁਤਾਬਕ ਗੁਰਦਵਾਰਾ ਆਨੰਦਗੜ੍ਹ ਸਾਹਿਬ ਬਾਜਾਖ਼ਾਨਾ ਵਿਖੇ ਪੁੱਜੇ ਗੁਟਕਾ ਸਾਹਿਬ ਨੂੰ ਜਦ ਖੋਲ੍ਹ ਕੇ ਪੜਿ੍ਹਆ ਗਿਆ ਤਾਂ ਉਨ੍ਹਾਂ ਉਪਰ ਲਿਖਿਆ ਨਾਮ ਸ਼੍ਰੋਮਣੀ ਕਮੇਟੀ ਤੋਂ ਪ੍ਰਕਾਸ਼ਤ ਗੁਟਕਿਆਂ ਨਾਲ ਮੇਲ ਨਹੀਂ ਸੀ ਖਾਂਦਾ।

ਜਿਵੇਂ ਕਿ ਇਕ ਗੁਟਕਾ ਸਾਹਿਬ ’ਤੇ ਸੁਖਮਨੀ ਸਾਹਿਬ ਦੀ ਥਾਂ ‘ਸੁਖਮਨਾ ਸਾਹਿਬ’, ਦੂਜੇ ਗੁਟਕੇ ’ਤੇ ਸ੍ਰੀ ਗੁਰੂ ਰਾਮ ਸਿੰਘ ਜੀ ਸਹਾਏ ਲਿਖਿਆ ਹੋਇਆ ਸੀ। ਜਦ ਪ੍ਰਬੰਧਕਾਂ ਨੇ ਸ਼ੱਕ ਪੈਣ ’ਤੇ ਗੁਟਕਿਆਂ ਨੂੰ ਖੋਲ੍ਹ ਕੇ ਦੇਖਿਆ ਤਾਂ ਉਨ੍ਹਾਂ ’ਚ ਲਿਖੀਆਂ ਤੁਕਾਂ ਗੁਰੂ ਅਰਜਨ ਦੇਵ ਜੀ ਦੇ ਫ਼ਲਸਫ਼ੇ ਨਾਲ ਮੇਲ ਨਹੀਂ ਸਨ ਖਾਂਦੀਆਂ, ਕਿਉਂਕਿ ਨਾਨਕਸਰ, ਨਾਮਧਾਰੀ ਅਤੇ ਭੁੱਚੋ ਮੰਡੀ ਵਾਲਿਆਂ ਡੇਰਿਆਂ ਨਾਲ ਸਬੰਧਤ ਉਕਤ ਗੁਟਕਿਆਂ ’ਚ ਹਵਨ ਦੀ ਬਾਣੀ, ਹਵਨ ਸਮੱਗਰੀ ਅਤੇ ਅੰਮ੍ਰਿਤ ਦੀ ਬਾਣੀ ਬਾਰੇ ਵੀ ਪੜ੍ਹ ਕੇ ਹਰ ਗੁਰੂ ਨਾਨਕ ਨਾਮਲੇਵਾ ਪ੍ਰ੍ਰਾਣੀ ਦਾ ਹਿਰਦਾ ਵਲੂੰਧਰਿਆ ਜਾਣਾ ਸੁਭਾਵਿਕ ਸੀ ਕਿਉਂਕਿ ਉਕਤ ਅੰਧ-ਵਿਸ਼ਵਾਸ, ਵਹਿਮ-ਭਰਮ ਅਤੇ ਕਰਮ-ਕਾਂਡਾਂ ਦਾ ਗੁਰੂ ਸਾਹਿਬਾਨ ਵਲੋਂ ਸਰਲ ਭਾਸ਼ਾ ’ਚ ਦਲੀਲਾਂ ਨਾਲ ਖੰਡਨ ਕੀਤਾ ਗਿਆ ਹੈ।

 

ਇਲਾਕੇ ਭਰ ਦੀਆਂ ਸੰਗਤਾਂ ਨੇ ਇਸ ਨੂੰ ਸ਼੍ਰੋਮਣੀ ਕਮੇਟੀ ਦੀ ਅਣਗਹਿਲੀ ਮੰਨਦਿਆਂ ਦੋਸ਼ ਲਾਇਆ ਕਿ ਜੇਕਰ ਸਾਡੀ ਮਿੰਨੀ ਪਾਰਲੀਮੈਂਟ ਵਜੋਂ ਜਾਣੀ ਜਾਂਦੀ ਸ਼੍ਰੋਮਣੀ ਕਮੇਟੀ ਹੀ ਇਸ ਪਾਸੇ ਧਿਆਨ ਨਹੀਂ ਦੇਵੇਗੀ ਤਾਂ ਸੰਪਰਦਾਈ ਤਾਕਤਾਂ ਵਲੋਂ ਗੁਰਬਾਣੀ ਫ਼ਲਸਫ਼ੇ ’ਤੇ ਹਮਲੇ ਜਾਰੀ ਰਹਿਣਗੇ। ਗੁਰਦਵਾਰਾ ਸਾਹਿਬ ਦੇ ਮੁੱਖ ਸੇਵਾਦਾਰ ਪ੍ਰੀਤਮ ਸਿੰਘ ਨੇ ਮੰਨਿਆ ਕਿ ਉਨ੍ਹਾਂ ਖ਼ੁਦ ਅਪਣੇ ਕਿਸੇ ਜਾਣੂ ਤੋਂ ਉਕਤ ਗੁਟਕਾ ਸਾਹਿਬ ਮੰਗਵਾਏ ਸਨ ਪਰ ਸੰਪਰਦਾਈਆਂ ਵਲੋਂ ਪ੍ਰਕਾਸ਼ਤ ਕਰਵਾਏ ਗਏ ਗੁਟਕੇ ਉਨ੍ਹਾਂ ਵਾਪਸ ਕਰ ਦਿਤੇ। 

ਉਘੇ ਸਿੱਖ ਪ੍ਰਚਾਰਕ ਭਾਈ ਹਰਜਿੰਦਰ ਸਿੰਘ ਮਾਝੀ ਨੇ ਆਖਿਆ ਕਿ ਪਹਿਲਾਂ ਅਕਾਲ ਤਖ਼ਤ ਦੇ ਜਥੇਦਾਰ ਗਿਆਨੀ ਜੋਗਿੰਦਰ ਸਿੰਘ ਵੇਦਾਂਤੀ ਅਤੇ ਫਿਰ ਗਿਆਨੀ ਗੁਰਬਚਨ ਸਿੰਘ ਨੇ ਬਿਨਾਂ ਕੋਈ ਪੜਤਾਲ ਕੀਤਿਆਂ ਕੱੁਝ ਅਜਿਹੇ ਲੋਕਾਂ ਨੂੰ ਗੁਰੂ ਗ੍ਰੰਥ ਸਾਹਿਬ ਦੇ ਪੁਰਾਤਨ ਸਰੂਪ ਇਕੱਤਰ ਕਰ ਕੇ ਉਨ੍ਹਾਂ ਦਾ ਸਸਕਾਰ ਜਾਂ ਜਲ ਪ੍ਰਵਾਹ ਕਰਨ ਦੀ ਇਜਾਜ਼ਤ ਦੇ ਰੱਖੀ ਸੀ।

ਉਨ੍ਹਾਂ ਦੋਸ਼ ਲਾਇਆ ਕਿ ਦੁਸ਼ਮਣ ਤਾਕਤਾਂ ਨੇ ਤਖ਼ਤਾਂ ਦੇ ਜਥੇਦਾਰਾਂ ਦੀ ਅਣਗਹਿਲੀ ਜਾਂ ਮਿਲੀਭੁਗਤ ਨਾਲ ਅਜਿਹੇ ਹਜ਼ਾਰਾਂ ਪੁਰਾਤਨ ਸਰੂਪ ਪਤਾ ਹੀ ਨਹੀਂ ਕਿਧਰ ਗੁੰਮ ਕਰ ਦਿਤੇ। ਸ਼੍ਰੋਮਣੀ ਕਮੇਟੀ ਦੇ ਸਾਬਕਾ ਮੈਂਬਰ ਤੇ ਅਕਾਲੀ ਦਲ ਟਕਸਾਲੀ ਦੇ ਜਨਰਲ ਸਕੱਤਰ ਜਥੇਦਾਰ ਮੱਖਣ ਸਿੰਘ ਨੰਗਲ ਨੇ ਆਖਿਆ ਕਿ ਗੁਰੂ ਸਾਹਿਬ ਨੇ ਮਾਮੂਲੀ ਗ਼ਲਤੀ ਦੇ ਬਦਲੇ ਧੀਰ ਮੱਲੀਆਂ ਤੇ ਰਾਮ ਰਾਈਆਂ ਨੂੰ ਪੰਥ ’ਚੋਂ ਖ਼ਾਰਜ ਕੀਤਾ ਸੀ ਪਰ ਹੁਣ ਗੁਰਬਾਣੀ ਨਾਲ ਛੇੜਛਾੜ ਨੂੰ ਅਕਾਲੀ ਦਲ ਟਕਸਾਲੀ ਬਰਦਾਸ਼ਤ ਨਹੀਂ ਕਰੇਗਾ।

Location: India, Punjab

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

Chandigarh police slapped a Sikh youth | Police remove Sikh turban | Chandigarh police Latest News

12 Jul 2025 5:52 PM

Batala Conductor Woman Clash : Batala 'ਚ Conductor ਨਾਲ਼ ਤੂੰ ਤੂੰ ਮੈਂ ਮੈਂ ਮਗਰੋਂ ਔਰਤ ਹੋਈ ਬੇਹੋਸ਼

12 Jul 2025 5:52 PM

Harpal Cheema VS Partap Bajwa : ਪ੍ਰਤਾਪ ਬਾਜਵਾ ਤੇ ਹਰਪਾਲ ਚੀਮਾ ਦੀ ਹੋ ਗਈ ਬਹਿਸ ਤੁਸੀ ਗੈਂਗਸਟਰ ਪਾਲੇ ਆ

11 Jul 2025 12:17 PM

Punjab Vidhan Sabha Session live : ਅਮਨ ਅਰੋੜਾ ਤੇ ਬਾਜਵਾ ਦੀ ਬਹਿਸ ਮਗਰੋਂ CM ਮਾਨ ਹੋ ਗਏ ਖੜ੍ਹੇ

11 Jul 2025 12:15 PM

Abohar Tailor Murder Case Sanjay Verma, photo of Sandeep Jakhar with the accused in the Abohar case

10 Jul 2025 9:04 PM
Advertisement