ਨਵੀਂ ਦਿੱਲੀ: ਇਲੈਕਸ਼ਨ ਕਮੀਸ਼ਨ ਬੁੱਧਵਾਰ ਨੂੰ ਗੁਜਰਾਤ ਵਿਧਾਨਸਭਾ ਚੋਣਾਂ ਦੀ ਤਾਰੀਖਾਂ ਦਾ ਐਲਾਨ ਕਰੇਗਾ। ਹਿਮਾਚਲ ਪ੍ਰਦੇਸ਼ ਦੇ ਇਲੈਕਸ਼ਨ ਸ਼ਡਿਊਲ ਦੇ ਨਾਲ ਗੁਜਰਾਤ ਦੀਆਂ ਤਾਰੀਖਾਂ ਦਾ ਐਲਾਨ ਨਾਲ ਹੋਣ ਦੇ ਚਲਦੇ ਹਾਲ ਹੀ ਵਿੱਚ ਵਿਵਾਦ ਹੋਇਆ ਸੀ। ਕਾਂਗਰਸ ਨੇ ਸਵਾਲ ਚੁੱਕੇ ਸਨ। ਪਰ ਇਲੈਕਸ਼ਨ ਕਮੀਸ਼ਨ ਨੇ ਕਿਹਾ ਸੀ ਕਿ ਹਿਮਾਚਲ ਦੇ ਵੋਟਿੰਗ ਪੈਟਰਨ ਜਾਂ ਨਤੀਜਿਆਂ ਦਾ ਅਸਰ ਗੁਜਰਾਤ ‘ਤੇ ਨਹੀਂ ਪਿਆ, ਇਸ ਲਈ ਸ਼ਡਿਊਲ ਵੱਖ-ਵੱਖ ਰੱਖਿਆ ਗਿਆ ਹੈ।
ਅਜਿਹਾ ਪਹਿਲੀ ਵਾਰ ਹੋਇਆ ਹੈ ਜਦ ਗੁਜਰਾਤ ਦੇ ਚੋਣ ਨਤੀਜਿਆਂ ਦੀ 18 ਦਸੰਬਰ ਦੀ ਤਾਰੀਖ ਪਹਿਲਾਂ ਤੋਂ ਤੈਅ ਹੈ, ਪਰ ਸ਼ਡਿਊਲ ਹੁਣ ਜਾਰੀ ਹੋਵੇਗਾ। ਗੁਜਰਾਤ ਵਿੱਚ 182 ਸੀਟਾਂ ਹਨ। ਮੌਜੂਦਾ ਅਸੈਂਬਲੀ ਦਾ ਟਰਮ 22 ਜਨਵਰੀ 2018 ਨੂੰ ਖਤਮ ਹੋ ਰਿਹਾ ਹੈ। ਬੀਜੇਪੀ ਨੇ ਇਸ ਵਾਰ ਰਿਕਾਰਡ 150 + ਸੀਟਾਂ ਜਿੱਤਣ ਦਾ ਟਾਰਗੇਟ ਰੱਖਿਆ ਹੈ। ਪਟੇਲ-ਪਾਟੀਦਾਰ ਵੋਟਰ ਇਸ ਵਾਰ ਕਿੰਗਮੇਕਰ ਸਾਬਤ ਹੋ ਸਕਦੇ ਹਨ।
ਕਿਉਂ ਹੈ ਪਟੇਲ -ਪਾਟੀਦਾਰ ਕੰਮਿਊਨਿਟੀ ਦੀ ਮਹੱਤਤਾ?
ਗੁਜਰਾਤ ਦੇ ਵੋਟਰਾਂ ਵਿੱਚੋਂ 20 % ਪਾਟੀਦਾਰਾਂ ਨੂੰ ਵੱਖ ਕਰ ਦਈਏ ਤਾਂ ਬਚੇ 80% ਵੋਟਰਾਂ ਵਿੱਚੋਂ ਬੀਜੇਪੀ-ਕਾਂਗਰਸ ਨੂੰ 40-40 % ਵੋਟਰਾਂ ਦਾ ਸਪੋਰਟ ਹਾਸਿਲ ਹੈ। 19 ਸਾਲ ਤੋਂ BJP ਨੂੰ ਸੱਤਾ ਦਵਾਉਣ ਵਿੱਚ ਪਾਟੀਦਾਰਾਂ ਦੀ ਮਹੱਤਵਪੂਰਣ ਭੂਮਿਕਾ ਮੰਨੀ ਜਾਂਦੀ ਰਹੀ ਹੈ। ਰਾਜ ਦੇ 182 ਵਿੱਚੋਂ 44 ਵਿਧਾਇਕ ਪਾਟੀਦਾਰ ਹਨ।
2012 ਵਿੱਚ 20 % ਪਾਟੀਦਾਰ ਵੋਟਰਾਂ ਵਿੱਚੋਂ 80 % ਵੋਟਰਾਂ ਨੇ ਬੀਜੇਪੀ ਨੂੰ ਸਪੋਰਟ ਕੀਤਾ ਸੀ। ਜੇਕਰ ਇਹ ਵੋਟਰ ਇਸ ਵਾਰ ਕਾਂਗਰਸ ਵੱਲ ਝੁਕ ਜਾਂਦੇ ਹਨ ਤਾਂ ਬੀਜੇਪੀ ਨੂੰ ਬਹੁਤ ਨੁਕਸਾਨ ਹੋ ਸਕਦਾ ਹੈ। ਪਾਟੀਦਾਰਾਂ ਰਿਜ਼ਰਵੇਸ਼ਨ ਦਾ ਆਰਕਸ਼ਣ ਅੰਦੋਲਨ ਅਗਸਤ 2015 ਵਿੱਚ ਭੜਕਿਆ ਸੀ। ਪਟੇਲ-ਪਾਟੀਦਾਰਾਂ ਨੇ ਓਬੀਸੀ ਦੇ 27 ਫੀਸਦੀ ਕੋਟੇ ਵਿੱਚ ਆਰਕਸ਼ਣ ਦੇਣ ਦੀ ਮੰਗ ਕੀਤੀ ਸੀ। ਅੰਦੋਲਨ ਦਾ ਚਿਹਰਾ ਹਾਰਦਿਕ ਪਟੇਲ ਸਨ।
3 ਸਾਲ ‘ਚ ਗੁਜਰਾਤ ਵਿੱਚ 3 ਸੀਐਮ
ਨਰਿੰਦਰ ਮੋਦੀ : 22 ਮਈ 2014 ਤੱਕ
ਆਨੰਦੀਬੇਨ ਪਟੇਲ : 22 ਮਈ 2014 ਤੋਂ 7 ਅਗਸਤ 2016 ਤੱਕ
ਵਿਜੇ ਰੂਪਾਣੀ: 7 ਅਗਸਤ 2016 ਤੋਂ ਹੁਣ ਤੱਕ
