ਚੰਡੀਗੜ, 11 ਜਨਵਰੀ (ਸਰਬਜੀਤ ਢਿੱਲੋਂ): ਨਗਰ ਨਿਗਮ ਚੰਡੀਗੜ੍ਹ ਵਲੋਂ ਇਸ ਵਰ੍ਹੇ 2018 ਵਿਚ ਚੰਡੀਗੜ੍ਹ ਸ਼ਹਿਰ 'ਚ 'ਸਵੱਛਤਾ ਸਫ਼ਾਈ ਮਿਸ਼ਨ ਅਧੀਨ ਭਾਰਤ ਸਰਕਾਰ ਦੇ ਸ਼ਹਿਰੀ ਵਿਕਾਸ ਮੰਤਰਾਲੇ ਵਲੋਂ ਸਵੱਛਤਾ ਸਰਵੇਖਣ 2018 ਵਿਚ ਚੰਡੀਗੜ੍ਹ ਸ਼ਹਿਰ ਨੂੰ ਪਹਿਲਾ ਦਰਜਾ ਦਿਵਾਉਣ ਲਈ ਵਿਸ਼ੇਸ਼ ਯਤਨ ਕੀਤੇ ਜਾਣਗੇ। ਇਹ ਸਵੱਛ ਸਰਵੇਖਣ ਚੰਡੀਗੜ੍ਹ ਵਿਚ 10 ਮਾਰਚ ਤਕ ਚਲੇਗਾ ਅਤੇ ਨਤੀਜੇ 26 ਮਾਰਚ ਨੂੰ ਆਉਣਗੇ। ਮੇਅਰ ਦਿਵੇਸ਼ ਮੋਦਗਿਲ ਤੇ ਕਮਿਸ਼ਨਰ ਜਤਿੰਦਰ ਯਾਦਵ ਨੇ ਅੱਜ ਬੁਲਾਏ ਪੱਤਰਕਾਰ ਸੰਮੇਲਨ ਵਿਚ ਚੰਡੀਗੜ੍ਹ ਸ਼ਹਿਰ ਨੂੰ ਸਫ਼ਾਈ ਪੱਖੋਂ ਪਹਿਲੇ ਸਥਾਨ 'ਤੇ ਲਿਜਾਣ ਲਈ ਲੋਕ ਅੰਦੋਲਨ ਬਣਾਉਣ ਦਾ ਸੱਦਾ ਦਿਤਾ ਹੈ। ਜ਼ਿਕਰਯੋਗ ਹੈ ਕਿ ਚੰਡੀਗੜ੍ਹ ਸ਼ਹਿਰ ਦੂਜੇ ਸਥਾਨ ਤੋਂ ਪਿਛਲੇ ਸਾਲ 13ਵੇਂ ਸਥਾਨ 'ਤੇ ਪੁੱਜ ਗਿਆ ਸੀ ਜਿਸ ਕਾਰਨ ਨਗਰ ਨਿਗਮ ਦੇ ਮੇਅਰ ਅਤੇ ਉੱਚ ਅਧਿਕਾਰੀਆਂ ਦੀ ਕਾਫ਼ੀ ਨਿੰਦਾ ਹੋਈ ਸੀ।