100 ਕਰੋੜ ਤੋਂ ਵੱਧ ਖ਼ਰਚਣ ਮਗਰੋਂ ਵੀ ਪ੍ਰਾਜੈਕਟ ਅਧੂਰਾ
ਚੰਡੀਗੜ੍ਹ, 17 ਫ਼ਰਵਰੀ (ਸਰਬਜੀਤ ਢਿੱਲੋਂ) : ਮਿਊਂਸਪਲ ਕਾਰਪੋਰੇਸ਼ਨ ਦੇ ਨਵੇਂ ਬਣੇ ਮੇਅਰ ਦਿਵੇਸ਼ ਮੋਦਗਿਲ ਲਈ ਚੰਡੀਗੜ੍ਹ ਸ਼ਹਿਰ 'ਚ ਇਸੇ ਸਾਲ ਭਰ ਗਰਮੀਆਂ ਵਿਚ 24*7 ਘੰਟੇ ਪਾਣੀ ਦੀ ਸਪਲਾਈ ਦੇ ਪ੍ਰਾਜੈਕਟ ਵਿਚ ਲਗਾਤਾਰ ਹੋ ਰਹੀ ਦੇਰੀ ਵੱਡੀ ਸਿਅਸੀ ਮੁਸੀਬਤ ਬਣ ਸਕਦਾ ਹੈ। ਇਸ ਨਵੇਂ ਪ੍ਰਾਜੈਕਟ ਰਾਹੀਂ ਭਾਖੜਾ ਨਹਿਰ ਤੋਂ ਚੰਡੀਗੜ੍ਹ ਸ਼ਹਿਰ ਮੋਹਾਲੀ ਅਤੇ ਪੰਚਕੂਲਾ ਲਈ 29 ਮਿਲੀਅਨ ਗੈਲਨ ਲਿਟਰ ਹੋਰ ਪਾਣੀ ਲਿਆਉਣ ਲਈ ਮਈ 2016 ਤੋਂ 100 ਕਿਲੋਮੀਟਰ ਲੰਬੀਆਂ ਪਾਣੀ ਦੀਆਂ ਪਾਈਪਾਂ ਰਾਹੀਂ ਕਾਜੋਲੀ ਵਾਟਰ ਵਰਕਸ ਤਕ ਪਾਣੀ ਲਿਆਂਦਾ ਜਾਣਾ ਹੈ। ਇਹ ਪਾਣੀ ਚੰਡੀਗੜ੍ਹ ਸਹਿਰ ਦੇ ਸੱਭ ਤੋਂ ਪਹਿਲਾਂ 4 ਸੈਕਟਰਾਂ- ਸੈਕਟਰ-17, 22, 35 ਅਤੇ 43 ਵਿਚ ਪੁੱਜੇਗਾ।