ਐਸ.ਏ.ਐਸ. ਨਗਰ, 26 ਦਸੰਬਰ (ਪ੍ਰਭਸਿਮਰਨ ਸਿੰਘ ਘੱਗਾ) : ਸ਼ਹਿਰ ਵਿਚ ਗ਼ੈਰਕਾਨੂੰਨੀ ਤਰੀਕੇ ਨਾਲ ਚੱਲ ਰਹੇ ਪੀਜੀ ਉਤੇ ਗਮਾਡਾ ਨੇ ਸ਼ਿਕੰਜਾ ਕਸਣ ਦੀ ਤਿਆਰੀ ਸ਼ੁਰੂ ਕਰ ਦਿਤੀ ਹੈ। ਇਸ ਦੇ ਲਈ ਗਮਾਡਾ ਦੁਆਰਾ ਪੂਰੇ ਸ਼ਹਿਰ ਦਾ ਇਕ ਸਰਵੇ ਕਰਵਾਇਆ ਜਾ ਰਿਹਾ ਹੈ। ਇਸ ਦੌਰਾਨ ਜ਼ਿਨ੍ਹਾਂ ਵੀ ਘਰਾਂ ਵਿਚ ਗ਼ੈਰਕਾਨੂੰਨੀ ਤਰੀਕੇ ਨਾਲ ਪੀਜੀ ਚਲਦੇ ਮਿਲਣਗੇ, ਉਨ੍ਹਾਂ ਦੇ ਮਾਲਕਾਂ 'ਤੇ ਗਮਾਡਾ ਦੁਆਰਾ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ, ਨਾਲ ਹੀ ਪੁਲਿਸ ਕੇਸ ਤਕ ਦਰਜ ਕਰਵਾਏ ਜਾਣਗੇ। ਗਮਾਡਾ ਅਧਿਕਾਰੀਆਂ ਦੇ ਮੁਤਾਬਕ ਜਨਵਰੀ ਵਿਚ ਇਹ ਸਰਵੇ ਖ਼ਤਮ ਹੋ ਜਾਵੇਗਾ। ਇਸ ਤੋਂ ਤੁਰਤ ਬਾਅਦ ਕਾਰਵਾਈ ਕੀਤੀ ਜਾਵੇਗੀ। ਗਮਾਡਾ ਦੀ ਈ.ਓ. ਹਾਊਸਿੰਗ ਪੂਜਾ ਸਿਆਲ ਨੇ ਵੀ ਇਸ ਦੀ ਪੁਸ਼ਟੀ ਕੀਤੀ ਹੈ। ਉਥੇ ਹੀ, ਉਨ੍ਹਾਂ ਕਿਹਾ ਕਿ ਜਿਥੋਂ ਵੀ ਉਨ੍ਹਾਂ ਕੋਲ ਸ਼ਿਕਾਇਤ ਆਉਂਦੀ ਹੈ, ਉਨ੍ਹਾਂ ਦੀ ਟੀਮ ਦੁਆਰਾ ਮੌਕੇ 'ਤੇ ਜਾ ਕੇ ਕਾਰਵਾਈ ਕੀਤੀ ਜਾਂਦੀ ਹੈ। ਜਾਣਕਾਰੀ ਮੁਤਾਬਕ ਗਮਾਡਾ ਨੇ ਸ਼ਹਿਰ ਵਿਚ ਪੀਜੀ ਰੱਖਣ ਲਈ ਇਕ ਉਚਿਤ ਨਿਯਮ ਬਣਾਏ ਗਏ ਹਨ, ਪਰ ਲੋਕਾਂ ਦੁਆਰਾ ਨਿਯਮਾਂ ਨੂੰ ਛਿੱਕੇ ਟੰਗ ਕੇ ਪੀਜੀ ਚਲਾਏ ਜਾਂਦੇ ਹਨ। ਇਸ ਸਬੰਧੀ ਨਾ ਤਾਂ ਲੋਕਾਂ ਦੁਆਰਾ ਗਮਾਡਾ ਤੋਂ ਆਗਿਆ ਲਈ ਜਾਂਦੀ ਹੈ ਅਤੇ ਨਾ ਹੀ ਅਪਣੇ ਇਥੇ ਰੱਖੇ ਲੋਕਾਂ ਦੀ ਪੁਲਿਸ ਵੈਰੀਫ਼ੀਕੇਸ਼ਨ ਕਰਵਾਈ ਜਾਂਦੀ ਹੈ। ਜੇ ਗਮਾਡਾ ਮੌਕੇ 'ਤੇ ਜਾਂਦਾ ਹੈ ਤਾਂ ਲੋਕ ਅਪਣੇ ਰੱਖੇ ਪੀਜੀ ਨੂੰ ਰਿਸ਼ਤੇਦਾਰ ਆਦਿ ਦੱਸ ਕੇ ਬਚਾ ਲੈਂਦੇ ਹਨ। ਪਰ ਹੁਣ ਪੀਜੀ ਦੀ ਸਮਸਿਆ ਗੰਭੀਰ ਹੋ ਗਈ ਹੈ। ਆਏ ਦਿਨ ਰਿਹਾਇਸ਼ੀ ਇਲਾਕੀਆਂ ਵਿਚ ਲੜਾਈ ਝਗੜੇ ਹੁੰਦੇ ਹਨ। ਨਾਲ ਹੀ ਪਾਰਕਿੰਗ ਨੂੰ ਲੈ ਕੇ ਵਿਵਾਦ ਹੁੰਦਾ ਹੈ। ਇੰਨਾਂ ਹੀ ਨਹੀਂ ਇਸ ਤੋਂ ਇਲਾਕੇ ਵਿਚ ਚੋਰੀ ਦੀ ਵਾਰਦਾਤਾ ਵੀ ਵੱਧ ਰਹੀਆਂ ਹਨ। ਸੇਵਾ ਸੋਚ ਕਮੇਟੀ ਦੇ ਪ੍ਰਧਾਨ ਅਤੁਲ ਸ਼ਰਮਾ ਦਾ ਕਹਿਣਾ ਹੈ ਕਿ ਗ਼ੈਰਕਾਨੂੰਨੀ ਪੀਜੀ ਦਾ ਮਾਮਲਾ ਕਾਫ਼ੀ ਗੰਭੀਰ ਹੈ। ਇਸ 'ਤੇ ਪ੍ਰਸ਼ਾਸਨ ਨੂੰ ਤੁਰੰਤ ਕਾਬੂ ਪਾਇਆ ਜਾਣਾ ਚਾਹੀਦਾ ਹੈ।ਛੋਟੇ ਮਕਾਨਾਂ ਵਿਚ ਨਹੀਂ ਖੁਲ੍ਹੇਗਾ ਪੀਜੀ : ਗਮਾਡਾ ਨੇ ਅਪਣੀ ਪੀਜੀ ਪਾਲਿਸੀ ਵਿਚ ਕੁੱਝ ਬਦਲਾਵ ਕੀਤਾ ਸੀ। ਇਸ ਅਨੁਸਾਰ ਸ਼ਹਿਰ ਵਿਚ ਸਾਢੇ ਸੱਤ ਮਰਲੇ ਤੋਂ ਛੋਟੇ ਘਰਾਂ ਵਿਚ ਪੀਜੀ ਨਹੀਂ ਖੁੱਲ੍ਹ ਸਕਦੇ। ਪੀਜੀ ਮਾਲਕਾਂ ਨੂੰ ਹੀ ਪੀਜੀ ਦੇ
ਵਾਹਨਾਂ ਦੀ ਪਾਰਕਿੰਗ ਦਾ ਇੰਤਜਾਮ ਕਰਨਾ ਹੋਵੇਗਾ। ਇਹ ਸੋਧ ਗਮਾਡਾ ਨੇ ਚੰਡੀਗੜ ਦੀ ਤਰਜ 'ਤੇ ਕੀਤੇ ਹਨ। ਪੀਜੀ ਹਾਉਸ ਵਧੀਆ ਤਰੀਕੇ ਨਾਲ ਸਾਫ਼ ਸਫ਼ਾਈ ਰੱਖਣ ਦੀ ਜ਼ਿੰਮੇਦਾਰੀ ਵੀ ਮਕਾਨ ਮਾਲਕ ਦੀ ਹੋਵੇਗੀ। ਗਮਾਡਾ ਨੇ ਸਾਫ਼ ਕੀਤਾ ਹੈ ਕਿ ਪੀਜੀ ਹਾਉਸ ਵਿਚ 150 ਵਰਗ ਗਜ ਘੱਟ ਤੋਂ ਘੱਟ ਜਗ੍ਹਾ ਹੋਣੀ ਚਾਹੀਦੀ ਹੈ। ਨਾਲ ਹੀ ਪਬਲਿਕ ਹੈਲਥ ਡਿਪਾਰਟਮੈਂਟ ਦੀ ਗਾਈਡ ਲਾਈਨ ਮੁਤਾਬਕ ਬਾਥਰੂਮ ਦਾ ਇੰਤਜ਼ਾਮ ਕਰਨਾ ਹੋਵੇਗਾ। ਪੰਜ ਲੋਕਾਂ ਲਈ ਇਕ ਬਾਥਰੂਮ ਰਹੇਗਾ। ਗੁਆਂਢੀਆਂ ਤੋਂ ਵੀ ਲੈਣੀ ਹੋਵੇਗੀ ਆਗਿਆ : ਇਸ ਤੋਂ ਇਲਾਵਾ ਪੀਜੀ ਮਾਲਿਕ ਨੂੰ ਉਸ ਇਲਾਕੇ ਦੀ ਰੈਜੀਡੈਂਟ ਵੈਲਫ਼ੇਅਰ ਐਸੋਸੀਏਸ਼ਨ ਤੋਂ ਨੋ ਆਬਜੈਕਸ਼ਨ ਸਰਟੀਫ਼ੀਕੇਟ ਲੈਣਾ ਹੋਵੇਗਾ। ਗ਼ੈਰਕਾਨੂੰਨੀ ਪੀ.ਜੀ. ਮਾਲਕਾਂ 'ਤੇ ਗਮਾਡਾ ਨੇ ਕਸਿਆ ਸ਼ਿਕੰਜਾਜੇਕਰ ਕਿਤੇ ਰੈਜਿਡੈਂਟ ਵੈਲਫੇਅਰ ਸੰਸਥਾ ਨਹੀਂ ਹੈ, ਤਾਂ ਗੁਆਂਡੀਆਂ ਤੋਂ ਆਗਿਆ ਲੈਣੀ ਹੋਵੇਗੀ। ਇਸ ਤੋਂ ਇਲਾਵਾ ਪੀਜੀ ਹਾਉਸ ਵਿਚ ਕਿਸੇ ਤਰ੍ਹਾਂ ਦਾ ਕੋਈ ਫਰੰਟ ਦਫ਼ਤਰ ਨਹੀਂ ਬਣੇਗਾ। ਪੀਜੀ ਹਾਉਸ ਪੂਰੀ ਤਰ੍ਹਾਂ ਘਰ ਦੀ ਤਰ੍ਹਾਂ ਰਹੇਗਾ। ਨਿਯਮ ਟੁੱਟਣ ਉੱਤੇ ਗਮਾਡਾ ਦੁਆਰਾ ਕਾਰਵਾਈ ਕੀਤੀ ਜਾਵੇਗੀ। ਪੀਜੀ ਵਿਚ ਰਹਿਣ ਵਾਲੇ ਲੋਕਾਂ ਤੋਂ ਚੰਗੇ ਸੁਭਾਅ ਅਤੇ ਚਾਲ ਚਲਣ ਲਈ ਉਸਦੇ ਮਾਤਾ-ਪਿਤਾ ਜਾਂ ਗਾਰਡਿਅਨ ਜ਼ਿੰਮੇਦਾਰ ਹੋਣਗੇ। ਪੀਜੀ ਵਿਚ ਰਹਿਣ ਵਾਲਾ ਵਿਅਕਤੀ ਕਿਸੇ ਵੀ ਤਰ੍ਹਾਂ ਦੇ ਗਲਤ ਕੰਮਾਂ ਵਿਚ ਸ਼ਾਮਿਲ ਨਹੀਂ ਹੋਣਾ ਚਾਹਿਦਾ ਹੈ। ਜਿਸ ਨਾਲ ਸਮਾਜ ਵਿਚ ਗਲਤ ਸਥਿਤੀਆਂ ਪੈਦਾ ਹੋਣ। ਇਸ ਤੋਂ ਇਲਾਵਾ ਪੀਜੀ ਵਿਚ ਵੱਖ ਤੋਂ ਰਸੋਈ ਨਹੀਂ ਬਣਾਉਣਗੇ। ਇਹ ਤੈਅ ਕੀਤੀ ਹੈ ਪੀਜੀ ਦੀ ਪਰਿਭਾਸ਼ਾਗਮਾਡਾ ਨੇ ਪੀਜੀ ਦੀ ਪਰਿਭਾਸ਼ਾ ਵੀ ਤਿਆਰ ਕੀਤੀ ਹੈ। ਇਸਦੇ ਤਹਿਤ ਕੋਈ ਵੀ ਕਿਸੇ ਕੋਰਸ ਦਾ ਵਿਦਿਆਰਥੀ, ਸਰਕਾਰੀ ਜਾਂ ਪ੍ਰਾਇਵੇਟ ਮੁਲਾਜ਼ਮ, ਪ੍ਰੋਫੈਸ਼ਨਲ ਜੋ ਕਿ ਮਕਾਨ ਮਾਲਿਕ ਦੇ ਨਾਲ ਘਰ ਉੱਤੇ ਰਹਿੰਦਾ ਹੈ। ਮਕਾਨ ਮਾਲਿਕ ਦੁਆਰਾ ਹੀ ਉਸਨੂੰ ਖਾਣਾ ਦਿਤਾ ਜਾਂਦਾ ਹੈ ਜਾਂ ਨਹੀਂ , ਤੇ ਰਹਿਣ ਵਾਲਾ ਹਰ ਮਹੀਨੇਂ ਇਸਦਾ ਭੁਗਤਾਨ ਕਰੇ ਉਹੀ ਪੀਜੀ ਹੋਵੇਗਾ। ਪੀਜੀ ਦਾ ਇਹ ਮਤਲੱਬ ਕਦੇ ਨਹੀਂ ਹੈ ਕਿ ਇਕ ਮਕਾਨ ਨੂੰ ਖਰੀਦਕੇ ਅੱਗੇ ਕਿਰਾਏ ਉੱਤੇ ਦੇ ਦਿੱਤਾ। ਇਹ ਹੋਟਲ ਜਾਂ ਧਰਮਸ਼ਾਲਾ ਦੀ ਤਰ੍ਹਾਂ ਬਿਲਕੁਲ ਨਹੀਂ ਹੋਵੇਗਾ। ਪੀਜੀ ਮਾਲਿਕ ਉਸਨੂੰ ਕਦੇ ਵੀ ਬਿਨਾਂ ਨੋਟਿਸ ਤੋਂ ਖਾਲੀ ਕਰਨ ਲਈ ਕਹਿ ਸਕਦਾ ਹੈ। ਪੋਸਟਰ ਅਤੇ ਇਸ਼ਤਿਹਾਰਾਂ 'ਤੇ ਵੀ ਨਜ਼ਰ ਗਮਾਡਾ ਦੁਆਰਾ ਪੀਜੀ ਸਬੰਧੀ ਲੋਕਾਂ ਦੁਆਰਾ ਵੱਖ-ਵੱਖ ਜਗ੍ਹਾ ਉੱਤੇ ਲਾਗਏ ਜਾਣ ਵਾਲੇ ਪੋਸਟਰਾਂ ਅਤੇ ਬੈਨਰਾਂ ਉੱਤੇ ਵੀ ਨਜ਼ਰ ਰੱਖੀ ਜਾ ਰਹੀ ਹੈ। ਇਨ੍ਹਾਂ ਹੀ ਨਹੀਂ ਜਗ੍ਹਾ - ਜਗ੍ਹਾ ਲੱਗੇ ਪੋਸਟਰਾਂ ਦੀਆਂ ਫੋਟੋਆਂ ਵੀ ਕੀਤੀਆਂ ਜਾ ਰਹੀਆਂ ਹਨ। ਤਾਂਕਿ ਲੋਕਾਂ ਨੂੰ ਨੋਟਿਸ ਦੇਕੇ ਉਨ੍ਹਾਂ ਨੂੰ ਬੁਲਾਇਆ ਜਾਵੇਗਾ ਤੇ ਇਸ ਸਬੰਧੀ ਉਨ੍ਹਾਂ ਨਾਲ ਗਲ ਬਾਤ ਕੀਤੀ ਜਾਵੇ।