ਚੰਡੀਗੜ੍ਹ, 30 ਜਨਵਰੀ (ਸਰਬਜੀਤ ਢਿਲੋਂ) : ਸੈਕਟਰ-17 ਪਲਾਜ਼ਾ 'ਚ ਅੱਜ ਪੰਜਾਬ, ਹਰਿਆਣਾ ਤੇ ਚੰਡੀਗੜ੍ਹ ਦੇ ਵਕੀਲਾਂ ਨੇ ਜਸਟਿਸ ਲੋਇਆ ਦੀ ਮੌਤ 'ਤੇ ਡੂੰਘਾ ਦੁੱਖ ਪ੍ਰਗਟ ਕਰਦਿਆਂ ਸ਼ਾਂਤਮਈ ਰੋਸ ਪ੍ਰਦਰਸ਼ਨ ਕੀਤਾ। ਇਸ ਮੌਕੇ ਵਕੀਲਾਂ ਨੇ ਜਸਟਿਸ ਲੋਇਆ ਦੀ ਭੇਤਭਰੀ ਮੌਤ ਦੀ ਸੀ.ਬੀ.ਆਈ. ਕੋਲੋ ਜਾਂਚ ਕਰਵਾਉਣ ਦੀ ਮੰਗ ਕੀਤੀ।
ਇਸ ਮੌਕੇ ਉੱਘੀ ਵਕੀਲ ਅਨੀਤਾ ਸ਼ਰਮਾ ਨੇ ਕਿਹਾ ਕਿ ਜਸਟਿਸ ਲੋਇਆ ਦੇ ਕਪੜਿਆਂ 'ਤੇ ਖ਼ੂਨ ਦੇ ਦਾਗ਼ ਕਿਥੋਂ ਆਏ? ਰੋਸ ਮਾਰਚ 'ਚ ਅਮਰਜੀਤ ਗੁਜਰਾਲ ਨੇ ਕਿਹਾ ਕਿ ਜਸਟਿਸ ਲੋਇਆ ਦੇ ਮੋਬਾਈਲ ਦੇ ਸਾਰੇ ਡਾਟਾ ਡੀਲੀਟ ਕੀਤੇ, ਜਿਸ 'ਤੇ ਉਨ੍ਹਾਂ ਦਾ ਕਤਲ ਕਰਨ ਦੀ ਸਾਜ਼ਿਸ਼ ਸਾਹਮਣੇ ਆਉਂਦੀ ਹੈ।