ਚੰਡੀਗੜ੍ਹ, 19 ਜਨਵਰੀ (ਸਰਬਜੀਤ ਢਿੱਲੋਂ): ਯੂ.ਟੀ. ਪ੍ਰਸ਼ਾਸਕ ਵੀ.ਪੀ. ਸਿੰਘ ਬਦਨੌਰ ਨੇ ਅੱਜ ਮਿਊਂਸਪਲ ਕਾਰਪੋਰੇਸ਼ਨ ਚੰਡੀਗੜ੍ਹ ਵਲੋਂ ਸੈਕਟਰ-36, 52 ਅਤੇ 56 'ਚ ਤਿਆਰ ਕੀਤੇ ਗਰੀਨ ਪਾਰਕਾਂ ਦਾ ਮੇਅਰ ਦਿਵੇਸ਼ ਮੋਦਗਿਲ ਦੇ ਸੱਦੇ 'ਤੇ ਦੌਰਾ ਕੀਤਾ। ਇਸ ਮੌਕੇ ਉਨ੍ਹਾਂ ਸੈਕਟਰ-36 ਦੇ ਫ਼ਰੈਗਰੈਂਸ ਗਾਰਡਨ ਤੋਂ ਇਲਾਵਾ ਹੋਰ ਪਾਰਕਾਂ ਵਿਚ ਨਿਗਮ ਵਲੋਂ ਲਗਾਏ ਓਪਨ ਏਅਰ ਜਿੰਮਾਂ ਅਤੇ ਘਾਹ-ਫੂਸ ਤੋਂ ਤਿਆਰ ਆਰਗੈਨਿਕ ਖਾਦ ਬਣਾਉਣ ਵਾਲੀਆਂ ਥਾਵਾਂ ਅਤੇ ਟੈਰੀਸਰੀ ਵਾਟਰ ਦੀ ਸਪਲਾਈ ਸਬੰਧੀ ਅਧਿਕਾਰੀਆਂ ਤੋਂ ਜਾਣਕਾਰੀ ਪ੍ਰਾਪਤ ਕੀਤੀ। ਇਸ ਮੌਕੇ ਉਨ੍ਹਾਂ ਇਲਾਕੇ ਦੇ ਲੋਕਾਂ ਨੂੰ ਦੇਸੀ ਖਾਦਾਂ ਦੇ ਪੈਕਟ ਵੀ ਵੰਡੇ।