ਚੰਡੀਗੜ੍ਹ, 23 ਜਨਵਰੀ (ਤਰੁਣ ਭਜਨੀ): ਸੈਕਟਰ-27ਡੀ ਦੇ ਮਕਾਨ ਨੰਬਰ 3347 ਦੀ ਪਹਿਲੀ ਮੰਜ਼ਲ 'ਤੇ ਮੰਗਲਵਾਰ ਸਵੇਰੇ ਅੱਗ ਲੱਗ ਗਈ। ਦਸਿਆ ਜਾ ਰਿਹਾ ਹੈ ਕਿ ਅੱਗ ਏ.ਸੀ. ਦਾ ਕੰਪਰੈਸਰ ਫੱਟਣ ਕਾਰਨ ਲੱਗੀ। ਹਾਦਸੇ ਵਿਚ ਘਰ 'ਚ ਮੌਜੂਦ 40 ਸਾਲ ਅਵਿਨਾਸ਼ ਕੁਮਾਰ ਨੂੰ ਜ਼ਖ਼ਮੀ ਹਾਲਤ ਵਿਚ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਹੈ। ਇਸ ਦੇ ਨਾਲ ਹੀ ਅੱਗ ਲੱਗਣ ਨਾਲ ਧੂਆਂ ਦੂਜੀ ਮੰਜ਼ਲ 'ਤੇ ਵੀ ਪਹੁੰਚ ਗਿਆ। ਜਿਸ ਨਾਲ ਉਥੇ ਰਹਿ ਰਹੀ ਇਕ 80 ਸਾਲਾ ਬਜ਼ੁਰਗ ਔਰਤ ਪ੍ਰਕਾਸ਼ ਰਾਣੀ ਦਾ ਸਾਹ ਲੈਣਾ ਔਖਾ ਹੋ ਗਿਆ। ਫ਼ਾਇਰ ਬ੍ਰਿਗੇਡ ਦੇ ਕਰਮਚਾਰੀਆਂ ਨੇ ਤੁਰਤ ਬਜ਼ੁਰਗ ਔਰਤ ਨੂੰ ਉਥੋਂ ਕਢਿਆ ਅਤੇ ਉਸ ਨੂੰ ਸੁਰੱਖਿਅਤ ਥਾਂ 'ਤੇ ਪਹੁੰਚਾਇਆ।