ਇਹ ਕੁੜੀ ਹੋਈ ਪੰਜਾਬ ਦੇ ਪੁੱਤ ਸੋਨੂੰ ਸੂਦ ਦੀ ਫੈਨ, ਕਾਰਟੂਨ ਜ਼ਰੀਏ ਕੀਤੀ ਪ੍ਰਸ਼ੰਸਾ 

ਚੰਡੀਗੜ੍ਹ - ਸੋਨੂੰ ਸੂਦ ਪੰਜਾਬ ਦਾ ਉਹ ਪੁੱਤ ਹੈ ਜਿਸ ਦਾ ਅੱਜ ਹਰ ਕੋਈ ਫੈਨ ਹੈ ਭਾਵੇ ਕਿ ਸੋਨੂੰ ਅਕਸਰ ਹੀ ਫਿਲਮਾਂ 'ਚ ਵਿਲੇਨ ਦੇ ਕਿਰਦਾਰ 'ਚ ਨਜ਼ਰ ਆਇਆ ਪਰ ਅੰਤ ਕੋਰੋਨਾ ਦੌਰ 'ਚ ਉਹ ਕਈ ਜ਼ਿੰਦਗੀਆਂ ਲਈ ਅਸਲ ਹੀਰੋ ਬਣਿਆ। ਸੋਨੂੰ ਸੂਦ ਨੇ ਹਰ ਤਰ੍ਹਾਂ ਦੇ ਲੋੜਵੰਦ ਦੀ ਮਦਦ ਕੀਤੀ ਫਿਰ ਚਾਹੇ ਉਹ ਸਕੂਲੀ ਬੱਚੇ ਹੋਣ ਜਾਂ ਫਿਰ ਲੌਕਡਾਊਨ ਦੌਰਾਨ ਆਪਣੇ ਘਰ ਜਾਣ ਲਈ ਤਰਸਦਾ ਕੋਈ ਮਜ਼ਦੂਰ।

ਤੇ ਹਾਲ ਹੀ ਵਿਚ ਸੋਨੂੰ ਸੂਦ ਬਾਰੇ ਇਕ ਹੋਰ ਅਨੋਖੀ ਖ਼ਬਰ ਸਾਹਮਣੇ ਆਈ ਹੈ ਜਿਸ ਵਿਚ ਕਿ ਇਕ ਲੜਕੀ ਸੋਨੂੰ ਸੂਦ ਦੀ ਵੱਡੀ ਫੈਨ ਹੈ। ਸੋਨੂੰ ਦੀ ਫੈਨ ਦਾ ਨਾਮ ਹੈ ਦਲਜੀਤ ਕੌਰ ਸੰਧੂ। ਦਰਅਸਲ ਦਲਜੀਤ ਕੌਰ ਸੰਧੂ ਨੇ ਸੋਨੂੰ ਸੂਦ ਦੀਆਂ ਕੁੱਝ ਕਾਰਟੂਨ ਵਾਲੀਆਂ ਤਸਵੀਰਾਂ ਬਣਾਈਆਂ ਹਨ ਜਿਸ ਵਿਚ ਉਹ ਹਰ ਇਕ ਕੰਮ ਦਿਖਾਇਆ ਗਿਆ ਹੈ ਜੋ ਕਿ ਸੋਨੂੰ ਸੂਦ ਨੇ ਗਰੀਬਾਂ ਜਾਂ ਲੋੜਵੰਦਾਂ ਲਈ ਕੀਤਾ। 

ਆਓ ਨਜ਼ਰ ਮਾਰਦੇ ਆ ਪਹਿਲੇ ਕਾਰਟੂਨ ਵੱਲ ਤੇ ਨਾਲ ਹੀ ਦਸਦੇ ਹਾਂ ਇਸ ਦਾ ਮਤਲਬ 

ਪਹਿਲੇ ਕਾਰਟੂਨ 'ਚ ਸੋਨੂੰ ਸੂਦ 'ਤੇ ਉਹਨਾਂ ਦੇ ਦੋਸਤ ਕਰਨ ਗਿਲਹੋਤਰਾ ਨਜ਼ਰ ਆ ਰਹੇ ਹਨ ਤੇ ਨਾਲ ਹੀ ਹਨ ਅਖਬਾਰਾਂ ਦੀਆਂ ਸੁਰਖੀਆਂ ਨਜ਼ਰ ਆ ਰਹੀਆਂ ਹਨ। ਜਿਹਨਾਂ 'ਚ ਜ਼ਿਕਰ ਹੋ ਰਿਹਾ ਹੈ ਉਸ ਕੋਰੋਨਾ ਵੈਕਸੀਨ ਦਾ ਜੋ ਅਜੇ ਤੱਕ ਨਹੀਂ ਮਿਲੀ। ਇਸ ਕਾਰਟੂਨ ਵਿਚ ਵੈਕਸੀਨ ਦਾ ਇੰਤਜ਼ਾਰ ਕਰਨ ਵਾਲਿਆ ਨੂੰ ਸੋਨੂੰ ਸੂਦ ਕਹਿ ਰਹੇ ਨੇ 'ਕਿਸ ਕਾ ਹੈ ਯੇ ਤੁਮਕੋ ਇੰਤਜਾਰ ਮੈਂ ਹੂੰ ਨਾ'

ਅਗਲੇ ਕਾਰਟੂਨ ਜਰੀਏ ਸਾਰੀ ਉਹ ਕਹਾਣੀ ਦਰਸਾਈ ਗਈ ਹੈ ਕਿ ਕਿਸ ਤਰ੍ਹਾਂ ਸੋਨੂੰ ਸੂਦ ਉਹਨਾਂ ਵਿਦਿਆਰਥੀਆਂ ਦੀ ਮਦਦ ਕਰ ਰਹੇ ਨੇ ਜਿਹਨਾਂ ਕੋਲ ਸਮਾਰਟਫੋਨ ਨਾ ਹੋਣ ਕਰਕੇ ਉਹ ਪੜ੍ਹਾਈ ਲਈ ਕਈ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਇਹਨਾਂ ਵਿਦਿਆਰਥੀਆਂ ਦੀ ਮਦਦ ਕਰਨ ਲਈ ਜਰਨਲਿਸਟ ਹਿਨਾ ਨੇ ਟਵੀਟ ਕੀਤਾ ਸੀ ਜਿਸ ਨੇ ਇਹਨਾਂ ਵਿਦਿਆਰਥੀਆਂ ਦਾ ਹਾਲ ਅੱਖੀ ਦੇਖਿਆ, ਫਿਰ ਇਹਨਾਂ ਦਾ ਦਰਦ ਬਿਆਨਣ ਲਈ ਕਹਾਣੀ ਲਿਖੀ ਤੇ ਅੰਤ 'ਚ ਸੋਨੂੰ ਸੂਦ ਤੇ ਕਰਨ ਗਿਲਹੋਤਰਾ ਨੂੰ ਟੈਗ ਕਰ ਦਿੱਤਾ। ਜਦ ਸੋਨੂੰ ਸੂਦ ਨੂੰ ਇਸ ਬਾਰੇ ਚੱਲਦਾ ਹੈ ਤਾਂ ਸੋਨੂੰ ਸੂਦ ਨੇ ਵਿਦਿਆਰਥੀਆਂ ਨੂੰ ਅਗਲੇ ਦਿਨ ਹੀ ਸਮਾਰਟ ਫੋਨ ਭੇਜਣ ਦੀ ਤਿਆਰੀ ਕੀਤੀ ਤੇ ਅਗਲੇ ਹੀ ਦਿਨ ਵਿਦਿਆਰਥੀਆਂ ਨੂੰ ਸਮਾਰਟਫੋਨ ਮਿਲ ਵੀ ਜਾਂਦੇ ਹਨ।