ਨਵੀਂ ਦਿੱਲੀ: ਅਦਾਕਾਰਾ ਦੀਪਿਕਾ ਪਾਦੁਕੋਣ ਨੂੰ ਬਾਲੀਵੁੱਡ ਦੀ ਏ ਲਿਸਟ ਵਿਚ ਗਿਣਿਆ ਜਾਂਦਾ ਹੈ। ਦੋਸਤੀ ਦਿਵਸ ਤੋਂ ਪਹਿਲਾਂ ਦੀਪਿਕਾ ਦੀ ਸਭ ਤੋਂ ਕਰੀਬੀ ਦੋਸਤ ਨੇ ਉਹਨਾਂ ਬਾਰੇ ਕਈ ਅਜਿਹੇ ਰਾਜ਼ ਖੋਲੇ ਹਨ, ਜੋ ਕਿਸੇ ਨੂੰ ਨਹੀਂ ਪਤਾ ਸੀ। ਦੀਪਿਕਾ ਦੀ ਇਸ ਦੋਸਤ ਦਾ ਨਾਂਅ ਸਨੇਹਾ ਰਾਮਚੰਦਰ ਹੈ। ਸਨੇਹਾ ਨੇ ਦੀਪਿਕਾ ਦੀ ਵੈੱਬਸਾਈਟ ‘ਤੇ ਇਕ ਨੋਟ ਲਿਖਿਆ ਹੈ। ਸਨੇਹਾ ਤੋਂ ਪਹਿਲਾਂ ਰਣਬੀਰ ਸਿੰਘ, ਮੇਘਨਾ ਗੁਲਜ਼ਾਰ ਅਤੇ ਇਮਤਿਆਜ਼ ਅਲੀ ਵੀ ਦੀਪਿਕਾ ਨੂੰ ਲੈ ਕੇ ਕਈ ਗੱਲਾਂ ਲਿਖ ਚੁੱਕੇ ਹਨ।

ਸਨੇਹਾ ਨੇ ਦੱਸਿਆ ਕਿ ਦੀਪਿਕਾ ਅਤੇ ਉਹਨਾਂ ਦੀ ਦੋਸਤੀ ਕਾਫ਼ੀ ਪੁਰਾਣੀ ਅਤੇ ਗਹਿਰੀ ਹੈ। ਸਨੇਹਾ ਨੇ ਲਿਖਿਆ ਹੈ ਦੀਪਿਕਾ ਉਹਨਾਂ ਲੋਕਾਂ ਵਿਚੋਂ ਇਕ ਹੈ, ਜਿਨ੍ਹਾਂ ਨਾਲ ਉਹ ਘੰਟਿਆਂ ਤੱਕ ਗੱਲਾਂ ਕਰ ਸਕਦੀ ਹੈ। ਉਹਨਾਂ ਕਿਹਾ ਕਿ ਦੀਪਿਕਾ ਉਹਨਾਂ ਦੀ ਕਾਫ਼ੀ ਫਿਕਰ ਕਰਦੀ ਹੈ। ਇਸ ਦੇ ਨਾਲ ਹੀ ਸਨੇਹਾ ਨੇ ਕਿਹਾ ਕਿ ਦੀਪਿਕਾ ਉਹਨਾਂ ਲਈ ਹੋਟਲ ਦੇ ਕਮਰਿਆਂ ਵਿਚੋਂ ਸ਼ੈਂਪੂ ਦੀਆਂ ਬੋਤਲਾਂ ਚੋਰੀ ਕਰਦੀ ਸੀ।

ਅਜਿਹਾ ਉਹ ਅਜਿਹਾ ਇਸ ਲਈ ਕਰਦੀ ਸੀ ਕਿਉਂਕਿ ਉਸ ਨੂੰ ਪਤਾ ਸੀ ਕਿ ਇਹ ਸ਼ੈਂਪੂ ਸਨੇਹਾ ਨੂੰ ਬਹੁਤ ਪਸੰਦ ਹਨ। ਇਸ ਤੋਂ ਪਹਿਲਾਂ ਦੀਪਿਕਾ ਦੀ ਵੈੱਬਸਾਈਟ ‘ਤੇ ਇਮਤਿਆਜ਼ ਅਲ਼ੀ ਨੇ ਲਿਖਿਆ ਕਿ  ਉਹ ਦੀਪਿਕਾ ਨੂੰ ਫਿਲਮ ‘ਰਾਕਸਟਾਰ’ ਲਈ ਕਾਸਟ ਕਰਨਾ ਚਾਹੁੰਦੇ ਸਨ ਪਰ ਫਿਲਮ ਕਾਫ਼ੀ ਸਾਲ ਤੱਕ ਬਣ ਨਹੀਂ ਸਕੀ। ਦੱਸ ਦਈਏ ਕਿ ਦੀਪਿਕਾ ਇਹਨੀਂ ਦਿਨੀਂ ਅਪਣੀ ਆਉਣ ਵਾਲੀ ਫਿਲਮ ‘ਛਪਾਕ’ ਦੀ ਸ਼ੂਟਿੰਗ ਕਰ ਰਹੀ ਹੈ। ਇਸ ਫ਼ਿਲਮ ਦੀ ਡਾਇਰੈਟਰ ਮੇਘਨਾ ਗੁਲਜ਼ਾਰ ਹੈ।

Entertainment ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter ਤੇ follow ਕਰੋ