ਕਦੇ ਵੀ ਹਤਾਸ਼ ਨਹੀਂ ਹੋਈ : ਦੁਰਗਾ

ਚੰਡੀਗੜ੍ਹ, 24 ਜੁਲਾਈ (ਸ.ਸ.ਸ.) : ਉਡਣਾ ਸਿੱਖ ਤੇ ਮਹਾਨ ਦੌੜਾਕ ਮਿਲਖ਼ਾ ਸਿੰਘ ਬਹੁਤ ਸਾਰੇ ਉਭਰਦੇ ਖਿਡਾਰੀਆਂ ਲਈ ਅੱਜ ਵੀ ਮੁੱਖ ਪ੍ਰੇਰਣਾ ਦਾ ਸਰੋਤ ਬਣਿਆ ਹੋਇਆ ਹੈ। ਸਟਾਰ ਪਲੱਸ ਵੀ 'ਮੇਰੀ ਦੁਰਗਾ' ਨਾਂ ਦੇ ਲੜੀਵਾਰ 'ਚ ਦੁਰਗਾ ਦੀ ਅਜਿਹੀ ਕਹਾਣੀ ਪ੍ਰਸਾਰਿਤ ਕਰ ਰਿਹਾ ਹੈ। ਇਸ ਸਮੇਂ ਦੁਰਗਾ ਦੀ ਭੂਮਿਕਾ ਨਿਭਾ ਰਹੀ ਸ਼੍ਰਿਸ਼ਟੀ ਜੈਨ ਨੇ ਚੰਡੀਗੜ੍ਹ ਦਾ ਦੌਰਾ ਕੀਤਾ ਤੇ ਮਹਾਨ ਦੌੜਾਕ ਮਿਲਖ਼ਾ ਸਿੰਘ ਨਾਲ ਬਿਤਾਏ ਪਲਾਂ ਨੂੰ ਸਾਂਝਾ ਕੀਤਾ।
ਉਸਨੇ ਦਸਿਆ ਉਸ ਦਾ ਬਚਪਨ ਝੋਨੇ ਦੇ ਖੇਤਾਂ 'ਚ ਮਸਤੀ ਕਰਦਿਆਂ ਲੰਘਿਆ ਸੀ। ਉਸਨੂੰ ਹਰ ਤਰ੍ਹਾਂ ਦੀ ਖੇਡ ਹੈ ਤੇ ਹਕੀਕਤ 'ਚ ਵੀ ਉਹ ਕਈ ਇਨਾਮ ਜਿੱਤ ਚੁਕੀ ਹੈ।
ਦੁਰਗਾ ਨੇ ਦਸਿਆ ਕਿ 19 ਸਾਲ ਲੰਘ ਚੁਕੇ ਹਨ ਤੇ ਉਹ ਇਕ ਹਤਾਸ਼ ਲੜਕੀ ਨਹੀਂ ਰਹੀ। ਲੜੀਵਾਰ 'ਚ ਉਸ ਦੇ ਪਿਤਾ ਯਸ਼ਪਾਲ ਚੌਧਰੀ (ਵਿੱਕੀ ਆਹੂਜਾ) ਉਸ ਨੂੰ ਧੀ ਦੇ ਰੂਪ 'ਚ ਪੂਰਾ ਸਹਿਯੋਗ ਦੇ ਰਹੇ ਹਨ। ਉਹ ਹੁਣ ਸਹੀ ਦਿਸ਼ਾ 'ਚ ਆ ਕੇ ਸੁਪਨੇ ਸਾਕਾਰ ਕਰਨ ਲਈ ਅਪਣੇ ਪਰ ਤੋਲਣ ਲੱਗ ਪਈ ਹੈ। ਅਜਿਹਾ ਉਸਦੇ ਪਿਤਾ ਦੀ ਭੂਮਿਕਾ ਪੂਰੀ ਤਰ੍ਹਾਂ ਉਲਟ ਜਾਣ ਦੇ ਕਾਰਨ ਹੀ ਸੰਭਵ ਤੇ ਸੱਚ ਹੋਏਗਾ। ਸ੍ਰਿਸ਼ਟੀ ਇਸ ਪ੍ਰਦਰਸ਼ਨ ਦੌਰਾਨ ਦੁਰਗਾ ਦੀ ਅਪਣੀ ਨਵੀਂ ਭੂਮਿਕਾ 'ਚ ਪ੍ਰਵੇਸ਼ ਕਰਨ ਲਈ ਬਹੁਤ ਹੀ ਉਤਸ਼ਾਹਿਤ ਦਿਖੀ।