ਅਦਾਕਾਰੀ ਛੱਡ ਅੰਬਾਂ ਦੇ ਦਰਖ਼ਤ ਲਗਾ ਰਹੇ ਨੇ 82 ਸਾਲਾ ਧਰਮੇਂਦਰ

Dharmendra

ਮੁੰਬਈ: ਬੌਬੀ ਦਿਓਲ ਦੇ ਪਿਤਾ ਅਤੇ ਅਦਾਕਾਰ ਧਰਮੇਂਦਰ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਹੀ ਹੈ, ਇਸ ਵੀਡੀਓ ਵਿਚ ਧਰਮੇਂਦਰ ਆਪਣੇ ਬਾਗ਼ ਵਿਚ ਲੱਗੇ ਅੰਬ ਦਿਖਾਉਂਦੇ ਹੋਏ ਨਜ਼ਰ ਆ ਰਹੇ ਹਨ।

ਧਰਮੇਂਦਰ ਇਸ ਵੀਡੀਓ 'ਚ ਇਹ ਕਹਿ ਰਹੇ ਹਨ ਕਿ ਮੇਰੇ ਬਾਗ਼ ਦੇ ਅੰਬ ਹਨ ਤੇ ਇਹ ਅੰਬਾਂ ਦੇ ਦਰਖ਼ਤ ਮੈਂ ਆਪਣੇ ਹੱਥਾਂ ਨਾਲ ਲਗਾਏ ਸੀ। ਇਸ ਦੇ ਨਾਲ ਹੀ ਧਰਮੇਂਦਰ ਆਪਣੇ ਪ੍ਰਸ਼ੰਸ਼ਕਾਂ ਨੂੰ ਇਹ ਵੀ ਪੁੱਛ ਰਹੇ ਹਨ ਕਿ ਇਹ ਅੰਬ ਤੁਹਾਨੂੰ ਕਿਵੇਂ ਲੱਗ ਰਹੇ ਹਨ ?

ਇਸ ਵੀਡੀਓ 'ਚ ਧਰਮੇਂਦਰ ਦੇ ਨਾਲ ਇਕ ਹੋਰ ਸਖਸ਼ ਵੀ ਦਿਖਾਈ ਦੇ ਰਿਹਾ ਹੈ ਜੋ ਧਰਮੇਂਦਰ ਦੇ ਬਾਗ਼ 'ਚ ਕੰਮ ਕਰਦਾ ਹੈ ਹਾਲਾਂਕਿ ਧਰਮੇਂਦਰ ਉਸਨੂੰ ਆਪਣਾ ਬੱਚਾ ਕਹਿ ਰਹੇ ਹਨ। 

ਦਸ ਦਈਏ ਕਿ ਧਰਮੇਂਦਰ 82 ਸਾਲ ਦੇ ਹੋ ਚੁੱਕੇ ਹਨ ਤੇ ਇਸ ਵੀਡੀਓ ਨੂੰ ਦੇਖ ਕੇ ਲਗਦਾ ਹੈ ਕਿ ਹੁਣ ਧਰਮੇਂਦਰ ਅਦਾਕਾਰੀ ਛੱਡ ਕੇ ਆਪਣੇ ਬਾਗ਼ਾਂ 'ਚ ਰੁਚੀ ਲੈ ਰਹੇ ਹਨ।