ਅਦਾਕਾਰਾ ਨੇਹਾ ਧੂਪੀਆ ਦੇ ਘਰ ਫਿਰ ਗੂੰਜੀਆਂ ਕਿਲਕਾਰੀਆਂ, ਪੁੱਤਰ ਨੂੰ ਦਿੱਤਾ ਜਨਮ
ਅਦਾਕਾਰਾ ਦੇ ਪਤੀ ਅੰਗਦ ਬੇਦੀ ਨੇ ਸ਼ੋਸਲ ਮੀਡੀਆ ਤੇ ਪੋਸਟ ਪਾ ਕੇ ਦਿੱਤੀ ਜਾਣਕਾਰੀ
ਨਵੀਂ ਦਿੱਲੀ: ਬਾਲੀਵੁੱਡ ਅਭਿਨੇਤਰੀ ਨੇਹਾ ਧੂਪੀਆ ਨਾ ਸਿਰਫ ਇੰਡਸਟਰੀ 'ਚ ਆਪਣੇ ਬਿਹਤਰੀਨ ਕਿਰਦਾਰਾਂ ਲਈ ਜਾਣੀ ਜਾਂਦੀ ਹੈ, ਬਲਕਿ ਆਪਣੀ ਹੌਸਲਾ ਅਫਜ਼ਾਈ ਲਈ ਵੀ ਜਾਣੀ ਜਾਂਦੀ ਹੈ। ਆਪਣੀਆਂ ਫਿਲਮਾਂ ਤੋਂ ਇਲਾਵਾ ਉਹ ਆਪਣੀ ਨਿੱਜੀ ਜ਼ਿੰਦਗੀ ਦੇ ਕਾਰਨ ਵੀ ਸੁਰਖੀਆਂ ਵਿੱਚ ਬਣੀ ਰਹਿੰਦੀ ਹੈ। ਫਿਲਹਾਲ ਨੇਹਾ ਦੇ ਘਰ ਫਿਰ ਕਿਲਕਾਰੀਆਂ ਗੂੰਜੀਆਂ ਹਨ।
ਨੇਹਾ ਧੂਪੀਆ ਇੱਕ ਵਾਰ ਫਿਰ ਮਾਂ ਬਣ ਗਈ ਹੈ। ਅਭਿਨੇਤਰੀ ਨੇ ਇੱਕ ਪੁੱਤਰ ਨੂੰ ਜਨਮ ਦਿੱਤਾ ਹੈ। ਅਭਿਨੇਤਰੀ ਦੇ ਪਤੀ ਅਤੇ ਅਭਿਨੇਤਾ ਅੰਗਦ ਬੇਦੀ ਨੇ ਪੁੱਤਰ ਦੇ ਜਨਮ ਦੀ ਖਬਰ ਬਾਰੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ।
ਇੰਸਟਾਗ੍ਰਾਮ 'ਤੇ ਇਕ ਤਸਵੀਰ ਸਾਂਝੀ ਕਰਦੇ ਹੋਏ ਅੰਗਦ ਬੇਦੀ ਨੇ ਲਿਖਿਆ,' ਰੱਬ ਨੇ ਸਾਨੂੰ ਅਸੀਸ ਦੇ ਤੌਰ 'ਤੇ ਇਕ ਬੇਟਾ ਦਿੱਤਾ। ਨੇਹਾ ਅਤੇ ਬੱਚਾ ਦੋਵੇਂ ਠੀਕ ਹਨ। ਮੇਹਰ ਆਪਣੇ ਛੋਟੇ ਭਰਾ ਨੂੰ ਨਾਮ ਦੇਣ ਲਈ ਤਿਆਰ ਹੈ। ਬੇਦੀ ਬੁਆਏ ਆ ਗਿਆ। ਵਾਹਿਗੁਰੂ ਮੇਹਰ ਕਰੇ। ਇਸ ਯਾਤਰਾ ਵਿੱਚ ਇੱਕ ਯੋਧਾ ਬਣਨ ਲਈ ਨੇਹਾ ਧੂਪੀਆ ਦਾ ਧੰਨਵਾਦ। ਇਸ ਨੂੰ ਸਾਡੇ ਚਾਰਾਂ ਲਈ ਬਹੁਤ ਯਾਦਗਾਰੀ ਪਲ ਬਣਾਏ।