ਕਰੂਜ਼ ਡਰੱਗ ਪਾਰਟੀ: ਹੱਥੀਂ ਚੜ੍ਹਿਆ ਸ਼ਾਹਰੁਖ ਦਾ ਬੇਟਾ ਆਰਯਨ, ਪੁੱਛਗਿੱਛ ਜਾਰੀ
ਨਿਆ ਜਾ ਰਿਹਾ ਹੈ ਕਿ ਇਸ ਪਾਰਟੀ ਦੇ ਪਿੱਛੇ ਦਿੱਲੀ ਦੀ ਕੰਪਨੀ ਦਾ ਹੱਥ ਸੀ।
A post shared by Varinder Chawla (@varindertchawla)
A post shared by Varinder Chawla (@varindertchawla)
ਮੁੰਬਈ- ਮੁੰਬਈ ਤੋਂ ਗੋਆ ਜਾ ਰਹੇ ਇਕ ਲਗਜ਼ਰੀ ਕਰੂਜ਼ 'ਚ ਡਰੱਗ ਪਾਰਟੀ ਹੋ ਰਹੀ ਸੀ ਜਿਸ 'ਤੇ ਅਚਾਨਕ ਐੱਨ.ਸੀ.ਬੀ ਦੀ ਟੀਮ ਨੇ ਰੇਡ ਮਾਰ ਦਿੱਤੀ। ਪਾਰਟੀ 'ਚ ਬਾਲੀਵੁੱਡ ਸਟਾਰ ਸ਼ਾਹਰੁਖ ਖਾਨ ਦੇ ਬੇਟੇ ਆਰਯਨ ਦਾ ਨਾਂ ਵੀ ਸਾਹਮਣੇ ਆਇਆ ਹੈ। ਉਸ ਤੋਂ ਐੱਨ.ਸੀ.ਬੀ. ਦੀ ਟੀਮ ਪੁੱਛਗਿੱਛ ਕਰ ਰਹੀ ਹੈ। ਜਦੋਂਕਿ 10 ਹੋਰ ਲੋਕਾਂ ਨੂੰ ਇਸ ਕੇਸ 'ਚ ਗ੍ਰਿਫਤਾਰ ਕਰ ਲਿਆ ਹੈ। ਐੱਨ.ਸੀ.ਬੀ. ਮੁੰਬਈ ਦੇ ਜੋਨਲ ਡਾਇਰੈਕਟਰ ਸਮੀਰ ਵਾਨਖੇਡੇ ਨੇ ਆਰਯਨ ਤੋਂ ਪੁੱਛਗਿੱਛ ਦੀ ਪੁਸ਼ਟੀ ਕੀਤੀ ਹੈ।
ਉਨ੍ਹਾਂ ਨੇ ਦੱਸਿਆ ਕਿ ਜਿਨ੍ਹਾਂ ਲੋਕਾਂ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਉਨ੍ਹਾਂ 'ਚ ਸ਼ਾਹਰੁਖ ਖਾਨ ਦਾ ਪੁੱਤਰ ਆਰਯਨ ਵੀ ਸ਼ਾਮਲ ਹੈ। ਵਾਨਖੇਡੇ ਨੇ ਇਹ ਵੀ ਦੱਸਿਆ ਕਿ ਹਾਲੇ ਤੱਕ ਆਰਯਨ ਨੂੰ ਗ੍ਰਿਫਤਾਰ ਨਹੀਂ ਕੀਤਾ ਗਿਆ ਹੈ। ਸ਼ਨੀਵਾਰ ਨੂੰ ਮੁੰਬਈ ਦੇ ਮੈਰੀਟਾਈਮ ਵਿਚ ਕਰੂਜ਼ 'ਤੇ ਜਾ ਰਹੀ ਡਰੱਗ ਪਾਰਟੀ' ਤੇ ਵੱਡੀ ਕਾਰਵਾਈ ਕਰਦਿਆਂ, ਐਨਸੀਬੀ ਨੇ ਵੱਡੀ ਮਾਤਰਾ ਵਿਚ ਨਸ਼ੀਲੇ ਪਦਾਰਥ ਜ਼ਬਤ ਕੀਤੇ ਅਤੇ 10 ਲੋਕਾਂ ਨੂੰ ਹਿਰਾਸਤ ਵਿਚ ਲਿਆ।
ਖਬਰਾਂ ਅਨੁਸਾਰ ਇਹ ਜਹਾਜ਼ ਮੁੰਬਈ ਤੋਂ ਗੋਆ ਜਾ ਰਿਹਾ ਸੀ। ਮੀਡੀਆ ਰਿਪੋਰਟਾਂ ਅਨੁਸਾਰ ਹਿਰਾਸਤ ਵਿਚ ਲਏ ਗਏ ਵਿਅਕਤੀਆਂ ਵਿੱਚੋਂ ਦੋ ਹਰਿਆਣਾ ਅਤੇ ਦਿੱਲੀ ਦੇ ਨਸ਼ਾ ਤਸਕਰ ਹਨ। ਇੰਨਾ ਹੀ ਨਹੀਂ ਇਸ ਪਾਰਟੀ ਵਿਚ ਐਂਟਰੀ ਲਈ ਹਰ ਵਿਅਕਤੀ ਨੇ 80 ਹਜ਼ਾਰ ਰੁਪਏ ਤੋਂ ਵੱਧ ਦੀ ਫੀਸ ਵੀ ਅਦਾ ਕੀਤੀ ਸੀ।
ਇੱਕ ਠੋਸ ਸੂਚਨਾ ਮਿਲਣ ਤੋਂ ਬਾਅਦ, ਮੁੰਬਈ ਜ਼ੋਨਲ ਡਾਇਰੈਕਟਰ ਸਮੀਰ ਵਾਨਖੇੜੇ ਅਤੇ ਹੋਰ ਐਨਸੀਬੀ ਅਧਿਕਾਰੀ ਆਮ ਯਾਤਰੀਆਂ ਦੇ ਰੂਪ ਵਿਚ ਜਹਾਜ਼ ਵਿਚ ਸਵਾਰ ਹੋਏ, ਜਿਵੇਂ ਹੀ ਜਹਾਜ਼ ਮੁੰਬਈ ਛੱਡਣ ਤੋਂ ਬਾਅਦ ਸਮੁੰਦਰ ਦੇ ਵਿਚਕਾਰ ਪਹੁੰਚਿਆ, ਡਰੱਗ ਪਾਰਟੀ ਸ਼ੁਰੂ ਹੋਈ। ਇਸ ਤੋਂ ਬਾਅਦ ਐਨਸੀਬੀ ਦੇ ਅਧਿਕਾਰੀ ਹਰਕਤ ਵਿਚ ਆਏ ਅਤੇ ਛਾਪੇਮਾਰੀ ਕੀਤੀ। ਇਹ ਛਾਪੇਮਾਰੀ ਸੱਤ ਘੰਟੇ ਤੱਕ ਜਾਰੀ ਰਹੀ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਪਾਰਟੀ ਦੇ ਪਿੱਛੇ ਦਿੱਲੀ ਦੀ ਕੰਪਨੀ ਦਾ ਹੱਥ ਸੀ।