ਮੈਂ ਇਕ ਫ਼ਲਾਪ ਅਦਾਕਾਰ ਹਾਂ - ਕਰਣ ਜੌਹਰ 

ਮੁੰਬਈ, 5 ਮਈ : ਨਿਰਦੇਸ਼ਨ ਦੇ ਖੇਤਰ 'ਚ ਅਪਣਾ ਲੋਹਾ ਮਨਵਾ ਚੁਕੇ ਕਰਣ ਜੌਹਰ ਦੇ ਅਦਾਕਾਰੀ ਦਾ ਸਫ਼ਰ ਹੁਣ ਤਕ ਉਹਨਾਂ ਸ਼ਾਨਦਾਰ ਨਹੀਂ ਰਿਹਾ ਅਤੇ ਸ਼ਾਇਦ ਇਸੇ ਕਾਰਨ ਉਹ ਖੁਦ ਨੂੰ ਇਕ 'ਫਲਾਪ' ਅਦਾਕਾਰ ਦੇ ਤੌਰ 'ਤੇ ਦੇਖਦੇ ਹੈ। ਨਿਰਦੇਸ਼ਕ - ਨਿਰਮਾਤਾ ਨੇ ਅਨੁਰਾਗ ਬਾਸੁ ਦੀ ਫ਼ਿਲਮ ‘ਬਾਂਬੇ ਵੈਲਵੈਟ’ ਤੋਂ ਅਪਣੇ ਅਦਾਕਾਰੀ ਦੀ ਪਹਿਲੀ ਪਾਰੀ ਦੀ ਸ਼ੁਰੂਆਤ ਕੀਤੀ ਸੀ, ਜੋ ਇਕ ਵੱਡੀ ਫ਼ਲਾਪ ਸੀ ਅਤੇ ਹਾਲ ਹੀ 'ਚ ਆਈ ਉਨ੍ਹਾਂ ਦੀ 'ਵੈਲਕਮ ਟੂ ਨਿਊ ਯਾਰਕ' ਵੀ ਕੁਝ ਕਮਾਲ ਨਹੀਂ ਦਿਖਾ ਸਕੀ।

ਮਰਾਠੀ ਫ਼ਿਲਮਾਂ 'ਚ ਅਦਾਕਾਰੀ ਕਰਨ ਦੇ ਸਵਾਲ 'ਤੇ ਉਨ੍ਹਾਂ ਨੇ ਕਿਹਾ ਕਿ ਮੈਂ ਇਕ ਵੱਡਾ 'ਫ਼ਲਾਪ' ਅਦਾਕਾਰ ਹਾਂ। ਮੇਰੀ ਇਕ ਵੀ ਫ਼ਿਲਮ ਨਹੀਂ ਚਲੀ। ਮੈਂ 'ਬਾਂਬੇ ਵੇਲਵੇਟ' ਅਤੇ 'ਵੈਲਕਮ ਟੂ ਨਿਊ ਯਾਰਕ' 'ਚ ਕੰਮ ਕੀਤਾ ਅਤੇ ਦੋਹੇਂ ਨਹੀਂ ਚਲੀਆਂ। ਕੋਈ ਵੀ ਮੈਨੂੰ ਫ਼ਿਲਮ 'ਚ ਨਹੀਂ ਲੈਣਾ ਚਾਹੁੰਦਾ ਹੈ। ਮੈਂ ਇਕ ਵੱਡਾ ਫ਼ਲਾਪ ਅਦਾਕਾਰ ਹਾਂ। ਕਰਣ ਨੇ ਮਰਾਠੀ ਫ਼ਿਲਮ 'ਦ ਬਕੇਟ ਲਿਸਟ' ਦੇ ਟ੍ਰੇਲਰ ਲਾਂਚ ਦੇ ਮੌਕੇ 'ਤੇ ਇਹ ਬਿਆਨ ਦਿਤਾ।  

ਬਾਲੀਵੁੱਡ ਅਦਾਕਾਰਾ ਮਾਧੁਰੀ ਦਿਕਸ਼ਿਤ ਇਸ ਫ਼ਿਲਮ ਨਾਲ ਅਪਣੀ ਮਰਾਠੀ ਸਿਨੇਮਾ ਪਾਰੀ ਦੀ ਸ਼ੁਰੂਆਤ ਕਰ ਰਹੀ ਹੈ। ਇਸ 'ਚ ਫ਼ਿਲਮ 'ਕਲੰਕ' 'ਚ ਸੰਜੈ ਦਤ ਅਤੇ ਮਾਧੁਰੀ ਦਿਕਸ਼ਿਤ ਦੇ ਵੱਡੇ ਪਰਦੇ 'ਤੇ ਇਕਠੇ ਨਜ਼ਰ ਆਉਣ ਦੇ ਸਵਾਲ ਨੂੰ ਕਰਣ ਟਾਲ ਗਏ।  ਉਨ੍ਹਾਂ ਨੇ ਕਿਹਾ ਕਿ ਇਹ ਗੱਲ ਕਰਣ ਲਈ ਇਹ ਸਹੀ ਸਮਾਂ ਨਹੀਂ ਹੈ।