Pop star ਰਿਹਾਨਾ ਅਰਬਪਤੀਆਂ ਦੀ ਲਿਸਟ 'ਚ ਸ਼ਾਮਲ, ਜਾਣੋ ਹੋਰ Pop star ਮਹਿਲਾ ਸਿੰਗਰਾਂ ਦੀ ਕਮਾਈ
ਮੈਡੋਨਾ ਦੁਨੀਆ ਦੀ ਦੂਜੀ ਸਭ ਤੋਂ ਅਮੀਰ ਮਹਿਲਾ ਕਲਾਕਾਰ
ਮਸ਼ਹੂਰ ਪੌਪ ਸਟਾਰ ਰਿਹਾਨਾ 2021 ਦੀ ਸਭ ਤੋਂ ਅਮੀਰ ਮਹਿਲਾ ਸਿੰਗਰ ਦੀ ਲਿਸਟ ਵਿਚ ਸ਼ਾਮਲ ਹੋ ਗਈ ਹੈ। ਜਾਣਕਾਰੀ ਅਨੁਸਾਰ ਉਸ ਦੀ ਅੱਧੇ ਤੋਂ ਜ਼ਿਆਦਾ ਸੰਪਤੀ ਉਹਨਾਂ ਦੇ ਗਾਣਿਆਂ ਤੋਂ ਨਹੀਂ ਬਲਕਿ ਉਹਨਾਂ ਦੇ ਬਿਜ਼ਨਸ ਅਤੇ ਬ੍ਰਾਂਡ ਤੋਂ ਆਉਂਦੀ ਹੈ। ਇਸ ਲਿਸਟ ਵਿਚ ਸਿਰਫ਼ ਰਿਹਾਨਾ ਹੀ ਨਹੀਂ ਬਲਕਿ ਹੋਰ ਵੀ ਕਈ ਮਸ਼ਹੂਰ ਸਿੰਗਰਜ਼ ਸ਼ਾਮਲ ਹਨ ਜੋ ਦੁਨੀਆਂ ਭਰ ਦਾਂ ਅਮੀਰ ਮਹਿਲਾ ਸਿੰਗਰਜ਼ ਦੇ ਰੂਪ ਵਿਚ ਜਾਣੀਆਂ ਜਾਂਦੀਆਂ ਹਨ।
ਰਿਹਾਨਾ ਨੂੰ ਅਪਣੀ ਅਲੱਗ ਤੇ ਸੁਰੀਲੀ ਅਵਾਜ਼ ਲਈ ਵੀ ਜਾਣਿਆ ਜਾਂਦਾ ਹੈ। ਉਸ ਦੇ ਗਾਣੇ ਅਮਬ੍ਰੇਲਾ, ਪੋਨ ਡੀ ਰਿਪਲੇ ਅਤੇ ਰੂਡ ਬਾਏ ਖੂਬ ਹਿੱਟ ਰਹੇ ਹਨ ਅਤੇ ਉਹਨਾਂ ਦੇ ਇਹਨਾਂ ਗਾਣਾਂ ਨਾਲ ਹੀ ਉਹ ਦਰਸ਼ਕਾਂ ਦੇ ਦਿਲਾਂ ‘ਤੇ ਰਾਜ ਕਰਨ ਵਿਚ ਕਾਮਯਾਬ ਰਹੀ ਹੈ। ਰਿਹਾਨਾ ਨੇ ਅਪਣੀ ਸੁਪਰਹਿੱਟ ਐਲਬੰਮ ਨਾਲ ਹੀ ਅਪਣਾ ਅਲੱਗ ਨਾਮ ਕਮਾਇਆ ਹੈ ਤੇ ਇੰਡਸਟਰੀ ਵਿਚ ਪੈਰ ਜਮਾਇਆ ਹੈ।
ਰਿਹਾਨਾ ਅਪਣੀ ਬਿਊਟੀ ਲਾਈਨ, ਫੈਂਟੀ ਬਿਊਟੀ ਨੂੰ ਲਾਂਚ ਕਰਨ ਤੋਂ ਚਾਰ ਸਾਲ ਬਾਅਦ ਹੁਣ ਦੁਨੀਆ ਦੀ ਸਭ ਤੋਂ ਅਮੀਰ ਮਹਿਲਾ ਸਿੰਗਰ ਵਿਚੋਂ ਇਕ ਬਣ ਗਈ ਹੈ। ਅਪਣੇ ਬਿਜ਼ਨਸ ਦੇ 50 ਫੀਸਦੀ ਹਿੱਸੇ ਦੀ ਮਾਲਕ, ਉਹਨਾਂ ਦਾ ਬ੍ਰਾਂਡ ਉਹਨਾਂ ਦੀ ਪੂਰੀ ਪ੍ਰਾਪਰਟੀ ਵਿਚੋਂ ਕੁੱਲ $1.4 ਬਿਲੀਅਨ ਕਮਾਈ ਕਰਦਾ ਹੈ। ਮਿਊਜ਼ਕ ਕਰੀਅਰ ਦੇ ਨਾਲ ਗਾਇਕਾ ਨੇ ਅਪਣੀ ਕੁੱਲ ਜਾਇਦਾਦ ਵਿਚੋਂ $270 ਮਿਲੀਅਨ ਦੀ ਹੋਰ ਕਮਾਈ ਕੀਤੀ ਹੈ।
ਮੈਡੋਨਾ ਦੁਨੀਆ ਦੀ ਦੂਜੀ ਸਭ ਤੋਂ ਅਮੀਰ ਮਹਿਲਾ ਕਲਾਕਾਰ
ਫੋਰਬਸ ਮੈਗਜ਼ੀਨ ਦੀ ਪੌਪ ਆਈਕਨ ਮੈਡੋਨਾ ਦੁਨੀਆ ਦੀ ਸਭ ਤੋਂ ਅਮੀਰ ਮਹਿਲਾ ਕਲਾਕਾਰਾਂ ਦੀ ਸੂਚੀ ਵਿਚ ਦੂਜੇ ਨੰਬਰ 'ਤੇ ਹੈ। 2021 ਤੱਕ ਉਸ ਦੀ ਕੁੱਲ ਸੰਪਤੀ $850 ਮਿਲੀਅਨ ਡਾਲਰ ਹੈ। ਉਸ ਦੀਆਂ ਐਲਬਮਾਂ, ਏ ਵਰਜਿਨ, ਟਰੂ ਬਲੂ, ਅਤੇ ਕੰਫੈਸ਼ਨਸ ਆਨ ਏ ਡਾਂਸ ਫਲੋਰ, ਨੇ ਲੱਖਾਂ ਰਿਕਾਰਡ ਕਾਇਮ ਕੀਤੇ ਹਨ। ਆਪਣੇ ਸੰਗੀਤ ਕਰੀਅਰ ਦੇ ਨਾਲ, ਮੈਡੋਨਾ ਨੇ ਆਪਣੇ ਅਦਾਕਾਰੀ ਕਰੀਅਰ ਵਿੱਚ ਵੀ ਸਫਲਤਾ ਪ੍ਰਾਪਤ ਕੀਤੀ ਹੈ।
1992 ਵਿਚ ਉਸ ਨੇ ਆਪਣੀ ਕੰਪਨੀ ਮੈਵਰਿਕ ਬਣਾਈ, ਜੋ ਕਿ ਹੁਣ ਤੱਕ ਦੇ ਸਭ ਤੋਂ ਸਫਲ ਕਲਾਕਾਰਾਂ ਦੁਆਰਾ ਚਲਾਏ ਗਏ ਰਿਕਾਰਡਾਂ ਵਿਚੋਂ ਇੱਕ ਬਣ ਗਈ। ਮੈਡੋਨਾ ਨੇ ਆਪਣੇ ਪੂਰੇ ਕਰੀਅਰ ਦੌਰਾਨ ਫੈਸ਼ਨ, ਸਿਹਤ ਅਤੇ ਫਿਲਮਾਂ ਵਿਚ ਵੀ ਉੱਦਮ ਕੀਤਾ ਅਤੇ ਸਫਲ ਵੀ ਰਹੀ।
ਡਾਲੀ ਪਾਰਟਨ ਤੀਜੀ ਸਭ ਤੋਂ ਅਮੀਰ ਮਹਿਲਾ ਕਲਾਕਾਰ
ਪੌਪ ਜਗਤ ਦੀ ਸਭ ਤੋਂ ਲੈਜੈਂਡਰੀ ਮੰਨੀ ਜਾਣ ਵਾਲੀ ਡਾਲੀ ਪਾਰਟਨ ਦੇਸੀ ਸੰਗੀਤ ਨੂੰ ਲੋਕਾਂ ਤੱਕ ਪਹੁੰਚਾਉਣ ਵਿਚ ਸਫਲ ਰਹੀ ਹੈ। 75 ਸਾਲਾ ਪਾਰਟਨ $350 ਮਿਲੀਅਨ ਡਾਲਰ ਦੇ ਨਾਲ ਅਮੀਰ ਮਹਿਲਾ ਸਿੰਗਰਾਂ ਦੀ ਸੂਚੀ ਵਿਚ ਤੀਜੇ ਸਥਾਨ 'ਤੇ ਰਹੀ ਹੈ।
ਗਾਇਕਾ ਆਪਣੀ ਬਹੁਤੀ ਦੌਲਤ ਆਪਣੀ ਰਾਇਲਟੀ ਫੀਸਾਂ ਤੋਂ ਇਕੱਠੀ ਕਰਦੀ ਹੈ ਅਤੇ ਵਿਟਨੀ ਹਿਊਸਟਨ ਦੇ ਕਲਾਸਿਕ ਗਾਣੇ "ਆਈ ਵਿਲ ਆਲਵੇਜ਼ ਲਵ ਯੂ" ਦੇ ਪਬਲਿਸ਼ਿੰਗ ਅਧਿਕਾਰ ਨੂੰ ਅਪਣੇ ਨਾਲ ਰੱਖਦੀ ਹੈ। ਡਾਲੀ ਨੇ ਆਪਣੀ ਖੁਦ ਦੀ ਪਰਫਿਊਮ ਲਾਈਨ ਵੀ ਲਾਂਚ ਕੀਤੀ ਹੈ।